港鐵市區綫新列車 及 荔枝角站D4出口

原帖由 kei_hk 於 2010-7-7 15:59 發表

九鐵新車(即西鐵﹐馬鐵及sp1900)﹐最大問題係2隻門中間係直柱不足﹐只有吊環可用﹐令到唔係太多人願意行入去企。

假如座位中間加一條直柱﹐便可增加人們企入去的意欲﹐也可企多些少人(因有足夠的扶手)。 ...

根據我自己每天乘搭九鐵新車SP1900及地鐵市區線列車的經驗，我認為乘客乘搭SP1900時行入車門中間的意願，已經遠遠高於地鐵列車。

因此，當西鐵出現頂閘時，列車的站立空間基本上都可以平均用到盡，但地鐵市區線頂閘（例如於金鐘站），很大機會出現列車另一邊車門企得疏落，及座位間的位置未企滿。

原帖由 |_arco 於 2010-7-7 20:38 發表


想有TrainVision？
稔下好啦．．．．．雖然個電視機大就係大啦，差唔多有1080p
到時只係得字幕報站，大家睇廣告算吧

因為咁樣成本會高？？　但係清楚bor

原帖由 ahbong 於 2010-7-8 12:07 發表

根據我自己每天乘搭九鐵新車SP1900及地鐵市區線列車的經驗，我認為乘客乘搭SP1900時行入車門中間的意願，已經遠遠高於地鐵列車。

因此，當西鐵出現頂閘時，列車的站立空間基本上都可以平均用到盡，但地鐵市區線頂閘（例如於金 ...

除了內部設計的分別外，九鐵列車門與門之間距離較地鐵短、行車時間長，亦對誘使乘客移入車廂中間有幫助。
我覺得乘客是否願意移入車廂中間，是在計算自己移入車廂中間之後，可唔可以順利落到車。

九鐵列車幾迫都好，由車廂中間出去車門的距離較短（由座位中間至車門，九鐵2座位 vs 地鐵3座位），
心理上會覺得比較容易落車，所以也就較樂意移近車廂中間。

再者九鐵每個站的上落客流比較單向，一係好多人落冇乜人上，
一係好多人上冇乜人落，唔使驚湧上車的人潮阻住自己落車。

九鐵列車空間感比地鐵大，坐著的乘客又可以將對腳收入凳下面，
但地鐵就個個對腳伸出來做木人巷，又有邊個願意企入去／畀人企呢。

[ 本帖最後由 DIH 於 2010-7-8 13:54 編輯 ]

原帖由 pakchi70 於 2010-7-8 12:46 發表
唔係成本高
而係咁大部電視唔賣廣告播資訊
對地鐵嚟講真係浪費晒
明明電視可以賣廣告賺錢點解唔賺?

整兩部 一部賣廣告 一部播資訊~不過又貴好多
但係如果整部播資訊 做複雜班次同突變的時候會容易發放訊息好多

原帖由 tonytsang_hk 於 2010-7-8 16:16 發表


整兩部 一部賣廣告 一部播資訊~不過又貴好多
但係如果整部播資訊 做複雜班次同突變的時候會容易發放訊息好多

其實香港鐵路系統不算複雜，已經有閃燈路線圖，部電視完全用來播資訊只係鐵路迷的fancy。
地鐵回音大，比較嘈，裝電視唔知會幾大聲呢，係要大聲過隧道回音定係無聲勝有聲？
睇返九鐵，不論電視原本有幾大聲，東鐵一入隧道已經完全聽唔到個電視講乜。

我當然希望港鐵可以善用電視做突發廣播，問題只在於佢肯唔肯喇。

[ 本帖最後由 DIH 於 2010-7-8 16:36 編輯 ]