巴士公司職員操守問題

其實有時亦可能係巴士公司前線職員學歷不高 (唔係有心踩人)
慣左直線思考
問乜就照字面意思黎理解

佢地對份內事既知識可能好好
但就限於照問題字眼黎解決問題
問一個巴士站長搭咩車好
佢腦海即刻成堆佢負責既巴士線彈晒出黎
跟著就即刻答左最岩個條巴士線
而唔係答搭咩車最適合

又試過搭 AN@110
有人係渣華道問司機"呢架車去唔去尖沙咀架？"
個司機竟然答"下？我渣埋呢轉去筲箕灣就收工喇喎"
大家雞同鴨講左幾句
個司機先識答"哦~你要出翻去個邊炮台山地鐵站搭先岩"

[ 本帖最後由 HW8373 於 2010-7-10 21:38 編輯 ]

原帖由 GR1473 於 2010-7-10 19:22 發表

我強調唔係話佢錯,不過真係答得衰囉.
講真總站行出去唔駛20秒已經係小巴站,我覺得明知知
道有小巴而唔講既,係有心靠害囉.

九巴好似有指引如非必要都要教佢搭自己公司o既車,

好似你係屯門巿中心問搭咩車去黃金海岸,佢一定係教你搭52X而唔係K51

原帖由 AP149 於 2010-7-11 00:33 發表

九巴好似有指引如非必要都要教佢搭自己公司o既車,

好似你係屯門巿中心問搭咩車去黃金海岸,佢一定係教你搭52X而唔係K51

但我見過個客務中心職員係同樣問題係咁答 :
你可以係到搭 52X , 但我唔建議 , 因為貴

原帖由 GR1473 於 2010-7-10 19:22 發表

我強調唔係話佢錯,不過真係答得衰囉.
講真總站行出去唔駛20秒已經係小巴站,我覺得明知知
道有小巴而唔講既,係有心靠害囉.

咁嘜野叫做答得衰先？
人地係麗港城總站問有乜車去觀塘，唔答小巴就答得衰？
咁應該答佢的士最好吧，最到位，佢去第二度都仲得。
果個人有心坐小巴就已經係出面問d小巴車長啦。
仲有你覺得真係人人都熟曬周圍既野咩。
如果果個人問有乜小巴去觀塘，佢答40就有問題者。(係咁問都應該答佢問返出面d小巴職員)
答唔關巴士野，奶左野，俾人投一票咪仲煩！

PS:一個係沙田警處做既警察，可以唔知沙田鐵路站係邊都有。(唔識唔出奇)

假設你是一名遊客，去到外國唔太識路，即使找到一個英文好強的人去問也好
相信多少遊客都想知道一個可行，最方便的搭法，而不是什麼線行遠少少可以平一點
是旦一條價錢合理就算，始終人生路不識

PS: 價錢合理是用遊客的眼光去看，例如大家返到深圳，去國貿，坐地鐵一個站
但若果有人水你坐的士，都無緊要，因為只係十多元車費旅遊人士若然唔太捨得洗錢係玩得唔開心的。

[ 本帖最後由 superay 於 2010-7-11 11:33 編輯 ]

其實板友GR1473講既唔係錯
只係身為巴士公司職員，維護利益，叫你搭番巴士絕對無錯

另外重要既一點係GR1473你而家就話諗到叫人搭小巴，但係大佬
人地開緊工，渣車果個渣到顛、站長就睇時間忙到顛，你就係屋企舒舒服服望住電腦
仲可以周圍搵下搭咩車平
問佢地o野？仲load到比你知40可以出到觀塘，已經幾好

如果講user-friendly，你仲唔夠添啦，你只從乘客角度出發，而無兼顧站長／車長既實際情況

切身處地去諗, 個站長咁答冇乜問題喎! 當時情況好可能係佢第一時間諗到, 加埋第一時間答佢, 所以至會產生呢種情形, 如果刻意要為公司賺錢, 直接答A12啦!

牛奶仔天生出街多人問路, 好多時都係一時間醒唔起, 答完人地之後, 隔左N咁耐至醒起教錯人, 何罪之有?

作為遊客, 去到一個陌生地方, 有人指點迷津好平常, 比人指錯路亦都十分平常!!! 我去過好多地方旅行, 比人老點都不下十數次! 咁又點呢? 黎到香港, 撞正D比地鐵縱壞哂既港人比率狂高, 老點指數夠膽講天下間數一數二, 站長識答106已經算係咁......

又試過好多次有人問完路之後.....:
某: "先生, XX點去架?"
我: "拿, 你向左邊行就到啦!"
某: "唔該哂你呀先生! 你真好人!"
然後, 問路某某向右走左......

你地想得太多啦......

原帖由 牛奶仔 於 11-7-2010 11:49 發表
撞正D比地鐵縱壞哂既港人比率狂高, 老點指數夠膽講天下間數一數二, 站長識答106已經算係咁......

強烈讚好 ! 明明前面有巴士直達 , 都要老遠行去港鐵站搭 ..