[新聞]將軍澳站訊號故障讀者指地鐵誤導

http://hk.news.yahoo.com/article/100709/3/j2oe.html

其實誤導市民既情況一直都有,
(例如上次東鐵係繁忙時間停駛一個鐘, 都話只係得一萬人受影響呢個數字)
只係有冇人會去追查佢講既係真定假...

小弟今日正正係0815左右入閘(HAH)
入到去,有列車喺站,月台同平時差唔多咁多人
但架車唔知點解搞成分幾兩分鐘先閂門走
跟住就"興奮"囉...足足俾港鐵"禁錮"咗半個鐘先有下一班車
等車途中情景就好似報紙上面d人講咁
小弟大約0915先去到中環,出到閘都已經差唔多0920

我8:15就係坐K-TRAIN去到將軍澳站...臨停車果下突然間急停..
對唔正月台開唔到門...等左成2分鐘部車至郁返對正月台開門...
之後就出事la...等左成15分鐘至開車...
去到北角站對面港島線月台人影都無..好順利轉車去港島線...

問返fd..出事果陣寶林的士站同小巴站大排長龍...

而家d 居民真係依賴晒MTR將軍澳線出城...出事果陣只可以企晒響度..

原帖由 HU6455 於 2010-7-9 12:17 發表
其實誤導市民既情況一直都有,
(例如上次東鐵係繁忙時間停駛一個鐘, 都話只係得一萬人受影響呢個數字)
只係有冇人會去追查佢講既係真定假...

朋友，如果你都無法証實１００００人係真定假，我就覺得你無 ground 話港鐵誤導左你囉。

你只有兩個選擇，信或者唔信，但呢個數字既真確性同你信唔信係無關係。


回正題，根據閣下的新聞連結的資料，我自己就認為港鐵對外公佈的資料並無誤導，原因如下：

(1) 8:15 開了一班列車後，港鐵於 8:22 對外公佈列車延誤，符合延誤８分鐘通報的承諾
(2) 8:22 公佈將軍澳線受阻 １５分鐘，此１５分鐘應該由 8:22 開始計算，乘客聽到廣播，亦應理解為由公佈一刻起計，會延誤 １５分鐘
(3) 該讀者比平時遲了２５分鐘回到公司，扣除８分鐘的通報時間，實際延誤為１７分鐘，只稍為比港鐵公怖的１５分鐘延誤長了２分鐘。

乘客亦應理解，若不幸於故障最初的幾分鐘受阻，那麼受阻的時間一般會較長，因為港鐵亦不可能在故障初期立即估計到延誤的時間。

[ 本帖最後由 ahbong 於 2010-7-9 13:22 編輯 ]

原帖由 ahbong 於 2010-7-9 13:09 發表

朋友，如果你都無法証實１００００人係真定假，我就覺得你無 ground 話港鐵誤導左你囉。

你只有兩個選擇，信或者唔信，但呢個數字既真確性同你信唔信係無關係。 ...

用一個最簡單既計法, 繁忙時間我假設佢有25抽車行緊(事實係多過25抽), 10000除25=400, 你相信繁忙時間平均每抽只有400人搭嗎?
再講, 入唔到閘上唔到車過D都未計, 你話10000係真定假?

講番今次, 大把人係月台等左半個鐘先有車到係事實, 同公布所講"維持4至6分鐘一班"及"受阻15分鐘", 好明顯有眼見既出入..
每次公布一向都計個最少既影響值公布, 一定係誤導

都係果句, 公布還公布, 信唔信大家心知肚明

[ 本帖最後由 HU6455 於 2010-7-9 13:30 編輯 ]

原帖由 HU6455 於 2010-7-9 13:21 發表

講番今次, 大把人係月台等左半個鐘先有車到係事實, 同公布所講"維持4至6分鐘一班"及"受阻15分鐘", 好明顯有眼見既出入..
每次公布一向都計個最少既影響值公布, 一定係誤導

我就覺得既然事故發生時你不在現場，而你又選擇引述新聞的內容去評論的話，我認為你還是忠於新聞的資料比較客觀。

按該讀者提供的資料，8:15列車駛離將軍澳站後，8:34有第二班列車到達，當中只相隔 19 分鐘，按此資料，我就看不到閣下所講「大把人係月台等左半個鐘先有車到係事實」係事實。

如果用乘客疏導去計，就好難計。因為 19 分鐘可以累積很多乘客，可能要待列車服務於 8:45 回復正常後的一段時間才能完全消化。但這些乘客額外等候幾班車才上到車的時間，並不會計算在故障或延誤時間之上，請你留意。
另外有關年頭東鐵全線停駛一小時的事故，後來於立法會會議上披露受影響人數為三萬人，港鐵當日公佈資料並不正確。

[ 本帖最後由 ahbong 於 2010-7-9 14:18 編輯 ]

原帖由 ahbong 於 2010-7-9 13:09 發表
(2) 8:22 公佈將軍澳線受阻 １５分鐘，此１５分鐘應該由 8:22 開始計算，乘客聽到廣播，亦應理解為由公佈一刻起計，會延誤 １５分鐘
(3) 該讀者比平時遲了２５分鐘回到公司，扣除８分鐘的通報時間，實際延誤為１７分鐘，只稍為比港鐵公怖的１５分鐘延誤長了２分鐘。

想問：
第二個理由，「8:22 公佈將軍澳線受阻 １５分鐘，此１５分鐘應該由 8:22 開始計算」
雖然係8:22公佈受阻 １５分鐘
咁請問8:15-8:22期間列車停頓既７分鐘，又係唔係屬於受阻？
如果唔係受阻，咁呢７分鐘去o左邊，又點樣定義8:15-8:22呢７分鐘，
唔通係乘客用o左去買報紙、食早餐、定抑或等車就係要用７分鐘？
　咁如果8:15-8:22屬於受阻，即係受阻 １５分鐘應該由8:15開始計啦？

你話乘客聽到廣播，亦應理解為由公佈一刻起計，會延誤 １５分鐘
咁好啦，你嘔番8:15-8:22呢７分鐘比乘客先好再講。

如果唔係，港鐵一路都唔廣播話服務受阻，咁即係一路都要任由港鐵魚肉
一路等落去都唔應該計入去受阻時間啦？



第三個理由，「該讀者比平時遲了２５分鐘回到公司，扣除８分鐘的通報時間，實際延誤為１７分鐘，只稍為比港鐵公怖的１５分鐘延誤長了２分鐘。」
　該讀者比平時遲了２５分鐘回到公司，扣除８分鐘的通報時間，實際延誤為１７分鐘
我有冇睇錯 咁如果港鐵過30分鐘先通報，而讀者遲了25分鐘回到公司，我就可以計算實際延誤為-5分鐘
我仲有賺？我係唔係延誤o左行程都仲要多謝港鐵比多5分鐘我
　我完全睇唔出 讀者遲o左既時間 通報時間 實際延誤 呢三樣係要拉上關係

遲o左就係遲o左，遲o左２５分鐘就係遲o左２５分鐘
讀者實際延誤就係寶貴既２５分鐘
比港鐵公怖的１５分鐘延誤長了１０分鐘！！


或者咁講 讀者就係比港鐵搞到有２５分鐘白白失去
你港鐵幾多點公佈先至真正係同我無關係

原帖由 HU6455 於 2010-7-9 13:21 發表
用一個最簡單既計法, 繁忙時間我假設佢有25抽車行緊(事實係多過25抽), 10000除25=400, 你相信繁忙時間平均每抽只有400人搭嗎?
再講, 入唔到閘上唔到車過D都未計, 你話10000係真定假?

講番今次, 大把人係月台等左半個鐘先有車到係事實, 同公布所講"維持4至6分鐘一班"及"受阻15分鐘", 好明顯有眼見既出入..
每次公布一向都計個最少既影響值公布, 一定係誤導

都係果句, 公布還公布, 信唔信大家心知肚明

都係果句，有板友的確係以港鐵利益為大前提，大家心知肚明
遲就係遲
如果話受阻時間係半小時，但係受阻人數只有10000人，咁即係話平時搭車都係咁上下既人數
咁你港鐵既票務收入真係少得可憐

真既理由再多都係徒然，保鐵既一定有公式可以計到港鐵係零錯誤
我咁講唔代表其他公營交通工具唔會犯錯，但係絕對唔可以將責任推卻

原帖由 ASV50 於 2010-7-9 14:17 發表

第三個理由，「該讀者比平時遲了２５分鐘回到公司，扣除８分鐘的通報時間，實際延誤為１７分鐘，只稍為比港鐵公怖的１５分鐘延誤長了２分鐘。」
　該讀者比平時遲了２５分鐘回到公司，扣除８分鐘的通報時間，實際延誤為１７分鐘
我有冇睇錯 咁如果港鐵過30分鐘先通報，而讀者遲了25分鐘回到公司，我就可以計算實際延誤為-5分鐘

非也。如果港鐵過 30 分鐘先通報，就係沒有遵守延誤８分鐘要通報的承諾。

問題的重點，是港鐵於 8:26 於站內公佈的資料，是否存在誤導，而以我理解，是沒有誤導。

港鐵於 8:26 於站內公佈服務受阻１５分鐘，係向當時身在車站，或剛步入車站的乘客公佈的資料。港鐵並不會在廣播上向已受阻的乘客說明「各位乘客，閣下已受阻８分鐘，並將會再受阻１５分鐘」等，因為這樣的廣播在事發時的一刻，並沒有意思。


而新聞上亦確切說明了將線服務於 8:15-8:45 故障，當中誰受阻了 30 分鐘，又有誰受阻了５分鐘，我又覺得不能盡錄囉。
至於由服務受阻至通報的7分鐘去左邊，呢樣野留番大家諗啦。話明係故障，即係一種意外，意外有其不確定性，而由故障一刻至評估其影響亦需要時間，唔通你認為有一種機器會於故障前７分鐘話俾你知佢７分鐘後會故障？

[ 本帖最後由 ahbong 於 2010-7-9 14:47 編輯 ]

好在我搭0805係寶林開出果班車 岩岩好逃過一劫