今日上巴士第一次見到乘客同司機嘈,仲報上差佬

今日本人坐mh4481行6c返公司,
係鴻福街準備開車時,個乘客突然拍門
個carol俾佢上,點知個乘客無理取鬧
同carol吵架,個carol報警叫差佬黎
並關上車門,唔俾人上車同落車
d乘客就開始鼓譟,鬧carol做乜唔開門俾佢地走人先
d乘客都趕時間啦,而我都趕住返公司拾嘢啦
最後差佬就入上車廂,抄下二人id同搵個女乘客做證人
跟住就係差佬同站長協助下,俾乘客坐下一班車
而我因趕時間返公司拾嘢而改坐小巴
我同乘客正在諗,點解唔第一時間放走趕時間的乘客呢
而另一位乘客諗,個carol係佢上車,已經係人情
點解佢係度無理取鬧呢
大家認為今次有如何看法呢??有冇遇上同類事情發生呢
不如一齊討論一下

報左警不嬲要等警察到先放得班客落車

所以呢，你地話打呢份工幾辛苦丫，比你上又煩，唔比上又投訴飛站，
自己經驗，上完客，關左門就即走，你話我黑心都係咁講

但係個乘客因咩事要鬧個司機先!? -,- 唔會係冇啦啦無野做搵人黎鬧掛...................

其實報左警好似所有人都唔可以離開現場,我諗應該係要做證人. (有錯請指)
不過個乘客係咪等車等得太耐先嘈起黎?

原帖由 Marlboro 於 2010-7-12 23:04 發表
所以呢，你地話打呢份工幾辛苦丫，比你上又煩，唔比上又投訴飛站，
自己經驗，上完客，關左門就即走，你話我黑心都係咁講

又係果句, 死巴士佬一定唔o岩

我都試過夜晚坐 98c 有個客飲醉酒企唔穩自己跌親，
之後不停鬧個司機仲郁手作勢打個司機，
當時架車仲行緊，結果個司機即刻 dup 車，然後司機叫乘客幫手報警。

同樣都係全車客唔落得車，等警車黎。
不過當時架車停o係寶琳北路近茅湖仔落山，得一條線，
架車咁就頂死晒成條寶琳路入將軍澳方向。

最後就算警察帶走o左個搞事乘客，
其他人去到康盛花園一樣要過車，架車就擺街。

如果你等唔切, 唯一可做的是-打開太平門或按開門掣走人, 不過要小心可能被告干擾公共巴士運作, 但同時巴士司機沒有權力禁止人下車(疑犯另計), 咁等同禁錮

原帖由 64xxx 於 2010-7-13 00:31 發表
又係果句, 死巴士佬一定唔o岩

服務業既死症

我就試過搭85..係西灣河地鐵站上車同開埋車之後,
突然有個男人跑出黎係咁拍前門想上車
拍到前門開咗一半,但個司機無開門比佢
咁佢就企都係車頭前面阻止部車開走夾同司機互嘈
結果司機報警,等警察黎司機先開門過車
架車都係擺街
其實有時都諗唔明點解有D人明知架車過左站都要上車
司機開門係人情, 唔開門係道理
上到車都仲要嘈