有關八達通日日賞會員盜用個人資料事件之感受

今天有報章提及，一名前信諾環球保險的職員表示八達通公司把八達通日日賞會員的個人資料售給信諾環球保險，以作推銷保險之用，便想起本人及家人有以下不快的經歷。

大約於1年前我的工作期間突然接到聲稱來自八達通日日賞的職員致電，指他是代表八達通日日賞推銷意外保險，而沒有提及是那一間保險公司，另外他又指保費會計算至八達通日日賞；當時我拒絕了，但是之後有關公司的職員便不斷致電給我，結果便無奈地購買了。

同樣情況到了幾個月前亦發生在我的家人身上，他是當收到電話後便拒絕了，但是同樣也是不斷在晚上時份致電給他，雖然他多番拒絕也不得要領，直至被迫購買了為止，最後在大約1個月後便取消了。

再看回之前的新聞，便想到登記時是沒有要求不要把個人資料交給其他公司的選項，估不到八達通方面會這麼離譜，直至近期事件被鬧大之後，最初仍然不肯承認八達通方面曾經把會員資料交給信諾環球保險等公司，希望個人資料私隱公署方面可以徹底調查；而且聽過電台節目，其實這樣情況不單發生在八達通日日賞，有些公司也是無故把個人資料交給第三者以作推廣保險之類的用途。

我今日0係公司都同同事傾呢單0野
先諗起一個「嚴重私隱外洩問題」
就係『申請人無法選擇同意或不同意提供的個人資料給予該公司作推廣宣傳用途』
即係話當你提出申請時已被強制同意有關條款 申請者需自行提出取消要求

即使直至今日報導 八達通(或其他公司)仍將自己處於被動「請自行以書面或電話聯絡該公司提出取消」
而非該公司主動聯絡用戶/會員是否繼續接受有關條款

例子：匯豐推廣短訊、八達通推廣電話、日日賞推廣電話 等等

或者我地應該將有關申請表連同投訴信一併寄送私隱專員公署

[ 本帖最後由 JN6854 於 2010-7-15 19:50 編輯 ]

今日蘋果有講百佳易賞＄都有哩類收集資料的舉動

話時話最近真係有好多呢D事件發生
但講到尾，其實都係我地俾太多資料人地又冇睇清楚合約

所以呢...小弟要俾電郵
用Yahoo的即棄電郵
電話...無必要的比假的算

其實日日賞、易賞錢、信用卡等...都o係申請時候既terms & conditions有寫明..係申請人唔睇je..香港人大多都只看著數，不看條款...


如果唔係，日日賞同易賞錢邊有咁易俾著數你？？....
日日賞就要靠八達通日日賞商戶賺錢...俾d日日賞dollars你就係「回報」番俾你

總之世上沒有免費午餐...



有次八達通日日賞俾個promo email話，按一下就讓保險公司聯絡你，介紹一下保險內容，即可賺取R$5日日賞....

我按了..但亦都未有任何保險經紀打黎，亦未有任何積分。

可能八達通公司博好多市民都唔知佢係接受存款公司 (金管局下銀行體系一種)，令到市民對於佢保障私隱既嚴格程度降底 (以為只係一間普通提供儲值咭既公司)。

其實因為8仔使用、覆蓋率高(起碼早出道既EPS都唔夠佢黎)
所以大家會特別關注。

雖然marketing都話d公司搞會員制係大勢，
但其實背後原來係可以有呢d野搞，大家都係小心d。

原帖由 kay 於 2010-7-23 08:26 發表
其實因為8仔使用、覆蓋率高(起碼早出道既EPS都唔夠佢黎)
所以大家會特別關注。

雖然marketing都話d公司搞會員制係大勢，
但其實背後原來係可以有呢d野搞，大家都係小心d。 ...

EPS就事小了...起馬唔係好多人用EPS黎增值
但今次係日日賞，不只人數遠超EPS，仲有個人資料問題
唔全城關注才奇怪

講起日日賞，最近的優惠好似愈來愈縮水...

今日蘋果報導
金管局已責成八達通(卡)公司提交報告
包括有否將客戶資料轉交第三者(包括八達通獎賞公司)

相信今次件事只會越鬧越大

現在已經知道八達通把資料賣比其他公司
但係講出來都係得個知字
跟著睇佢點做啦