看一看墨爾本怎麽羡慕和妒忌我們的鐵路系統！

原帖由 mmlcs36 於 2010-7-17 00:05 發表
而且香港人真係祟外得太緊要
例如之前說東京銀座線最近5星期有數次停駛記錄
佢可以得出的係透明度問題，所以先有咁多
唔通香港的世界級公司
連停駛都唔報，可以瞞過乘客，瞞過傳媒，瞞過大眾咩?

咁比較下又冇壞既
又冇可能有鐵路一單錯誤/意外都冇
又冇可能要乘客接受無止境的等

平心而論
唔好話講到排名咁遠丫
單係對比其他發達國家
港鐵未算係最差

老實講，
外國做成點我諗唔係重點，
港鐵做得算唔算好，大家自己係乘客自有客觀睇法，
唔會因為有其他地方做得比佢好，佢就一定係唔夠好，
或者佢比其他地方做得好，佢就係好好。

如果講服務，港鐵事故通報的確係做得差，
話東京銀座線 5 星期內有幾次停駛記錄，
但上次將軍澳線故障，就連亞視《主播天下》都忍唔住串港鐵故障頻頻，
因為原來過去一年港鐵大小故障事故都有成 22 次咁多，連主播都話報到悶。
平均兩星期就爆一煲，唔通又真係可以接受？

而且港鐵通報機制亦係差，
次次出事都到通報限期到先係咁咦略略帶過，
入o左閘o既，次次都只會聽到「本班列車將稍為延遲」，遲幾多？你自己等啦。
而且停市區線仲要下下等其他公交機構自己應變，
港鐵一班車載二千幾人，停半個鐘已經講緊幾萬人受影響，
有無可能叫其他機構下下見到車站唔尋常既人龍先知你出事？

而且港鐵有事故時，
到今時今日前地鐵網絡同前九鐵網絡都仲有兩套處理手法，我亦覺得唔可以接受。