不滿九巴41A開30分鐘一班車

話說昨晚9點多我需要由青衣村家中出尖咀酒吧飲野,身體有點疲倦,所以走去搭41A係美麗華落車,我夜晚9點10分開車等車,一直等到9點30分,一直都沒有車,看看路線表是寫12-15分鐘一班,於是好奇打去九巴熱線問幾點有車,熱線員話9點10分開左一架(即係實際早開左),下班到9點40分,因為冇車返總站,同埋車長要食
飯. 車長食飯固然重要,但不是這個原因搞到開30分鐘一班呵.據聞最近41A有收車,不知是否因此而令班次較疏,其實九巴有否正視亂收車既問題呢?

其實夜晚晌44M 拉一架車做一轉41A
都唔係咁難卦
雖然44M 晚上D 班次都唔係密, 但拉疏少少,影響唔算大

請唔夠人, 有車無人返, 就自然成日收車

原帖由 HJ8325 於 2010-7-17 10:54 發表
其實夜晚晌44M 拉一架車做一轉41A
都唔係咁難卦
雖然44M 晚上D 班次都唔係密, 但拉疏少少,影響唔算大

請唔夠人, 有車無人返, 就自然成日收車

有時睇野唔好咁表面 九龍公司要拉車係好煩架
除非站長自己睇兩條線可以互抽
但係抽走一架車牽涉好多野 包括車型/carlo識唔識
再加上44M係短程 41A係長程
如果抽左過去 44M即係來回夾埋起碼無左兩轉 以咁少車ge線黎講影響好大
當然要乘客等咁耐係有問題 但係九龍公司一拉車又要問稽查又要講原因
再加上樓主當時不幸地處於住宅區往商業區ge一段不繁忙時間
無論字軌車/柯打車/特車/賣血車全部去晒尖咀打仗
途中交阻/撞車/壞車/柯打車收工/特車到站私走等等就會搞到住宅區無車開
呢個情況非常普遍 好似青衣/將軍澳/藍田葵涌一帶經常發生
再加埋車務組收車/carlo鋤假/抽車救線等等ge因素
就形成樓主呢個咁不幸ge情況
只怪九龍公司真係唔夠車長/同工唔同酬令carlo無心工作兼鋤假

雖然的確問題好複雜，但似乎可以用四個字概括：

管理不善

政府好應該諗下點樣迫九巴改善，
甚至考慮在必要時削減九巴專利權範圍。

P.S.
今日我連續兩次等 112 都成兩、三個字先有車，
「咁啱」都係九巴時段，而且同一時候對面線
新巴時段車接車！

原帖由 238X 於 2010-7-18 23:44 發表
雖然的確問題好複雜，但似乎可以用四個字概括：

管理不善

政府好應該諗下點樣迫九巴改善，
甚至考慮在必要時削減九巴專利權範圍。

P.S.
今日我連續兩次等 112 都成兩、三個字先有車，
「咁啱」都係九巴時段，而且同一時候對 ...

咁似當年中巴死因既...

唉原來一個二個保城保新因為人地車密
唔抵得人地同一條線兩間公司班次有別...

*由當年甚少聽到「收車」依個字
到今日收車成例牌 收少D當行運
到底九巴做乜D咩豐功偉業?

原帖由 jx6215 於 19/7/2010 00:36 發表

咁似當年中巴死因既...

唔太一樣，而且九巴比中巴大好幾倍、
利害關係太複雜，頂多削減一部份，好難整死佢...

原帖由 jx6215 於 19/7/2010 00:36 發表

唉原來一個二個保城保新因為人地車密
唔抵得人地同一條線兩間公司班次有別...

我都講明 P.S.，今日係第一次等九巴 112
等到咁火，上次 112 等得耐反而係新巴。

以前上港大時，喺金鐘等 23 / 40 / 40M
等到發火都唔係未試過，甚至喺上環試過起九飛
都等咗我三個字。

原帖由 jx6215 於 2010-7-19 00:36 發表

咁似當年中巴死因既...

唉原來一個二個保城保新因為人地車密
唔抵得人地同一條線兩間公司班次有別...

*由當年甚少聽到「收車」依個字
到今日收車成例牌 收少D當行運
到底九巴做乜D咩豐功偉業? ...

所以我有時都聽到D行家話(自己都認同)，九巴在某些方面的作風越來越似中巴

九巴的收車情況好黑人憎，有些線如64K總是經常欠人收車(聽一位相熟車長講64K最高記錄在某假期收了六架車，搞到太和客半小時都上不到車要暴動)，
等九巴車等到火滾家常便飯，不過真係佢頂唔順，所以上年小弟以行動對表達不滿，決心遷往港島區居住，受少D九巴氣，而家坐新城，等車都舒服D安心D。

依家九巴各區路線收車都好嚴重，相信普通投訴都接唔少，不過未見有咩好轉，
睇黎可能要去到區義員、報章、媒體甚至政府介入先至會有所改善

或者開返個九巴各線收車數目Topic，可能會對想知實情人士有所幫助

[ 本帖最後由 32 於 2010-7-19 01:25 編輯 ]

原帖由 volvo_chan 於 2010-7-19 01:00 發表

所以我有時都聽到D行家話(自己都認同)，九巴在某些方面的作風越來越似中巴

九巴的收車情況好黑人憎，有些線如64K總是經常欠人收車(聽一位相熟車長講64K最高記錄在某假期收了六架車，搞到太和客半小時都上不到車要暴動)，
...

一個家族生意, 搞搞下新一代班人唔係同你咁睇, 做管理層果D除左盤數同記者會, 好似咩都唔理, 樣樣以縮皮行先, 基層班人長期被壓逼, 服務唔好受乘客氣, 又怕便衣捉又驚行差踏錯, 咁o既企業管治, 咩士氣都冇o西, 這個爛蘋果表面仲好似原好無缺, 入面生o西蟲, 唔知幾時透o西心囉

咁我又唔明，而家新城乜又唔係家族生意 (新創建) 咩？

九巴都叫做收歸新鴻基旗下好耐啦。