購買二手車問題

終於到 2006 年，依小弟計劃，將會於二月左右購買一部千五CC或以下二手四門房車作代步之用。但在購買之前，想先向各位前輩了解一下購買的程序、預備保險的方法名其他要注意的事項。希望各位前輩可以指指點點，呀，不是﹗是指點指點﹗

1) 想問假若我於網上或車場看到一部合適的汽車時，除了與車主聯絡試車的日期及時間外，還要同時預備甚麼？
2) 在試車時(上車前)，要注意甚麼？如何核對汽車資料？
3) 在試車時(開車後)，要注意甚麼？在行駛時要留意哪幾點？另外試車時應多走哪一種情況的路面？
4) 賣車一方是否需要帶同牌簿試車？買方又如何確認牌簿內資料與汽車相同？
5) 如果試車後發現問題，需否向賣方繳付車馬費？
6) 如果試車後感覺良好，決定購買此車，那下一步應如何？
7) 汽車保險(第三保)應該在哪時候購買？決家買車後，還是收車後？
8) 如何查詢有關車輛的告票記錄？費用如何？
9) 一般由試車後即日決定購買，到車輛落實轉名到手需時約多久？
10)轉名手續如何處理？可否假手於人？
11)賣車廣告上常說『已驗，可續兩季』是否指兩季後需再之驗車？
12)驗車程序如何？一般車房代送驗車收費如何？

後加問題︰
13)一架約十二年車齡1500cc家庭四門房車，一年牌齡，21歲，0%NCB，三保約為多少？
14)如果用他人名義做車主，如他人已有多年牌齡、大於25歲，0%NCB，三保約為多少？
15)如果如14點所說，司機一欄是否必須加入車主姓名？另外如果他人名義出三保，有何要注意？

問題多多﹗先行謝過各位前輩，望日後能隨車出席舉行的聚會﹗

[ 本帖最後由 FX8173 於 2006-1-4 01:05 編輯 ]

1) 想問假若我於網上或車場看到一部合適的汽車時，
除了與車主聯絡試車的日期及時間外，還要同時預備甚麼？
答:駕駛執照,同埋帶多個對汽車機械有認識既朋友
2) 在試車時(上車前)，要注意甚麼？如何核對汽車資料？
答:先圍繞架車行一個圈,再問車主拎份牌簿核對引擎,
底盤編號同埋行車証上既資料係唔係正確,牌費過左未
再睇車既夾位,例如引擎塔頂同士啤胎位睇下有無再焊過既痕跡,
如果有問題,你就自己決定試與唔試,
著車之後,留意水溫,同埋怠速,自動波的話,拉住手制轉波,睇下有無唔尋常既感覺,
如果有事,即刻唔好試,廢事整壞人地架車要賠!
記得要睇所有燈號係唔係正常,車內同車外都係
3) 在試車時(開車後)，要注意甚麼？在行駛時要留意哪幾點？另外試車時應多走哪一種情況的路面？
答:行車之後,最緊要睇下水溫有無上升,有無D警告燈突然著,試下個迫力同埋手制,
如果無問題就可以試下搵一段無咩車既路開快少少(唔好超速!!!),當然要小心駕駛!
4) 賣車一方是否需要帶同牌簿試車？買方又如何確認牌簿內資料與汽車相同？
答:最好要求佢帶埋出黎,Check哂架車,行車証之後,無咩理由會有問題
5) 如果試車後發現問題，需否向賣方繳出車馬費？
答:唔駛,因為佢都預左!
6) 如果試車後感覺良好，決定購買此車，那下一步應如何？
答:先還價,試下大膽D,例如架車開$25000,你試下$20000,最緊要大家傾掂數,
通常賣家都要你比少少訂金,大約車價10%,之後約賣家去運輸署做過戶手續,
你就應該準備保險
7) 汽車保險(第三保)應該在哪時候購買？決家買車後，還是收車後？
答:過戶前你應該要準備
8) 如何查詢有關車輛的告票記錄？費用如何？
答:唔清楚
9) 一般由試車後即日決定購買，到車輛落實轉名到手需時約多久？
答:咁就要睇下你點同個賣家約
10)轉名手續如何處理？可否假手於人？
答:去運輸處填份表,比錢(過戶費$1000),最好親自處理,因為收車果日
你都要再驗車.
11)賣車廣告上常說『已驗，可續兩季』是否指兩季後需再之驗車？
答:正常就係咁解,你應該要賣家比一份驗車証書比你睇,不過其實睇行車証都睇到
12)驗車程序如何？一般車房代送驗車收費如何?
答:自己拎去都得,通常都係驗迫力,頭燈,引擎既野,好多人都寧願交去車房,
心理上覺得易合格D,當然,係你比錢前應該睇清楚車房幫你換過D乜野,
又合唔合格先至好比錢,車房驗車大約係$1000左右

[ 本帖最後由 CZ_6686 於 2006-1-4 01:06 編輯 ]

原帖由 FX8173 於 2006-1-3 23:55 發表
8) 如何查詢有關車輛的告票記錄？費用如何？
10)轉名手續如何處理？可否假手於人？
11)賣車廣告上常說『已驗，可續兩季』是否指兩季後需再之驗車？
12)驗車程序如何？一般車房代送驗車收費如何？

8. 見過金鐘運輸署有得免費查，填張form就ok。

10. 最好自己去，因為運輸署人員要核實新車主身份証正本，不過，委託他人都可以。

11. 其實下一季已經可以驗車。買呢類車時，隨牌簿應夾附一張紙，指明已收了驗車合格紙，可以免驗車買四或八個月牌費，呢張紙一定要拎埋。假設上年度牌費於2005年12月31日到期，我驗車後買了四個月牌費，行車証到期日則應顯示為2006年4月30日，再買多次就去到2006年8月31日，2006年9月1 日開始可以驗車續牌。

原帖由 FX8173 於 2006-1-3 23:55 發表

8) 如何查詢有關車輛的告票記錄？費用如何？

告票係唔係只跟當時o既車主?
唔會因為賣左架車就畀左新車主o卦?

註: 小弟係無車兼雪藏牌人士, 講錯請插...

原帖由 hk4sure 於 2006-1-4 22:01 發表


告票係唔係只跟當時o既車主?
唔會因為賣左架車就畀左新車主o卦?

註: 小弟係無車兼雪藏牌人士, 講錯請插...

部車有告票未清，例如違例泊車，超速未有司機認頭等等，係不能轉名的．