有沒有鐵路百周年紀念票消息

雖然呢個標題可能有點誤導, 但我講的係 MTRC 而唔係 KCRC.

上星期某日行經尖沙咀地鐵站, 俾位年輕的類似暑期工截住求做問卷. 內容原來係 MTRC 考慮緊出鐵路百周年紀念票, 共3張, 分別係蒸汽車, 柴油車 (唔記得幾號 ) 同埋機快列車. 但最重要, 售價係 $100, 每張票可搭一程 (定兩程? 唔太肯定). 但我好肯定答佢太貴唔會買. 看來地鐵內部做得比九鐵還快 ......

另外機鐵有份, 第一個感覺係愕然, 不過細想確係全港最快列車. 不過論舒適度, 整體可能千九仲好啦 (個人意見 ).

PS 然後佢仲展示幾個式樣, 佢話 MTRC 可能會再出動畫車票, 問會唔會有興趣. 印象中記得好像有小丸子, 美少女戰士. 其他應該係 70/80 年代動畫.

會唔會係Looney Tunes銷量太差，所以要做問卷試試反應?(個人猜測)

百周年紀念票如果係$100我會買，佢肯做我肯買。
加入機快亦都不為過，畢竟機快都是香港鐵路一部分，
不理營運者的差別，機快本身都有劃時代意義，
又係香港境內最快列車之一，開通當年以至現在國際形象都好好。
假如全部都係九鐵，就未免太強人所難。

做問卷都幾奇怪wor，以前有無做架?

如果港鐵再出動漫車票，我的意見認為圖希望出「麥兜」、「喜羊羊與灰太狼」之類的港產動漫車票。

喜羊羊與灰太狼好似係大陸製...

不過佢會肯出都算好

話時話, 來緊港鐵會出幪面超人紀念車票...
應該幾搶手..

講番正題, 港鐵應該係想了解下乘客買紀念車票既意願...
從而去考慮出咩款式既紀念車票

$100都唔出奇啦,MTR出紀念票一向為個錢字姐,已看化

*有冇問''其它意見''?
我想佢出下模型,
例如1:150/1:300車仔,
或者整盒100周年TOMY都好

原帖由 93A_S3_6:30am 於 2010-7-22 23:25 發表
$100都唔出奇啦,MTR出紀念票一向為個錢字姐,已看化

*有冇問''其它意見''?
我想佢出下模型,
例如1:150/1:300車仔,
或者整盒100周年TOMY都好

除非有心自己睇住填, 否則都係好似我呢次咁你問我答來來回回, 快快問完快快收工就算架啦 (當然我亦想快快走人), 仲點會特登問有冇其他意見