城巴77/99見聞+問題

有晚公司有人請食飯，差唔多11點先返到屋，
坐107，前面有77，係田灣街落左20-30人。(見個樣多是遊客)

田灣自從多左間酒店，帶動左77呢條線，下繁返田灣已供不應求，
加開1820特班都只是為通過43X/46X改動而做，門面工夫，對77無太大改善。

下繁7點後係鵝頸橋見77係迫到沙甸魚飛站。

我想這個問題不比592遜色。

但是，下繁各條返南區路線都好緊張，77又應該如何在不增加資源下改善服務?

最好笑係77有生意都做唔切個陣，係興利同田灣都有poster教人搭+行返去....

我怕巴士公司再係咁，呢堆新肥肉又送比其他公司。

至於99，我想問何解多年來假日頭班會比平日遲咁多?
又唔見有人建議提早既?

謝。

99個情況我自己唔多清楚點解會咁的....


77應該會知少少,
基本上返筲箕灣一脫的時候,
你係CWB見到呢個情況係好正常...

下繁77本身係脫得好勁,
如果要解決的話,
基本上係要係77個度抽特車出黎..(其他的南區線同樣地抽唔到太多)

但係咁做一樣冇咩好處ge,
因為本身77返筲箕灣的客量係好多好多,
如果前面冇2A的話,
77的回車速度會慢好多的(而家77/99做緊2A的作用,99做的程度係冇77咁多,相反77因為一個怡和街變左做2A的角色...)


所以,
要解決的話,
其中一個辦法係要由番2A入手ge....

[ 本帖最後由 brianso198 於 2010-7-25 17:14 編輯 ]

2A本身都自身難保，全日大部份時間開5-6分鐘一班都是岩岩好.....

如果想77密d唯有開d特快版or短途版77盡快回車(記得早幾年提議過77北角至西灣河一段上東廊)

簡單一句, 99班次都係因需求而定。

一到六
- 往南區, 都有黃竹坑的上班客撐
- 往東區, 有班592覆蓋唔到的天后到太古的上班客
但係客源都唔係十分多

但係到星期日, 連呢堆客都無了, 散客並不多, 我試過幾次星期日早上搭頭班車往南區,
在北角健威前真係無咩客上, 反而之後先有些家庭主婦在北角買完野搭99回鴨利洲,
如果星期日太早開車, 亦只會吉車遊街, 所以無人要求亦不難理解

反觀, 77為田灣的主要出入線, 唔似99有592同佢重疊某些路段,
因此客量亦相比上多了, 而往東行一出到銅鑼灣, 就係2A這條流水線的次選,
亦因為咁就拖慢條線的車程, 特別係崇光呢個站, 快可以無人上車即停即開,
多人起來開關六次門都未開得郁, 隨時停站達三四分鐘, 跟住天后到西灣河的
流水作業, 上幾個落幾個, 車站頻密, 亦係影響番車的能力。
南行亦然, 雖然流水線作用唔大, 但係就係客源大, 只因佢服侍了往田灣及香港仔
的客, 呢點係99做不到到, 要知道港島東往香港仔的客源不少, 結果下繁回南區
很易打爆, 加上72的班次又受到香隧及銅鑼灣道塞車影響, 一無72埋興利站,
唔少都跳上77, 整體上問題都真係很難根治。

原帖由 Route_99 於 2010-7-25 17:56 發表
一到六
- 往南區, 都有黃竹坑的上班客撐
- 往東區, 有班592覆蓋唔到的天后到太古的上班客
但係客源都唔係十分多

一至五的話,
紅字那句我不很認同,
因為普遍多了很多北角, 炮台山, 寶馬山上的學生客,
這個 77 往東區因與 38, 42 重覆而較少乘客,
而 99 始終有三個大邨 + 大街往東區
所以往東區 99(6-11min.) 早繁時間比 77(13min.) 頻密

77 下繁問題, 其實因為脫班,
經常都要 20-30 min., 其實如果 77 準時, 興利可以剛坐滿 90-100%,
鵝頸橋才企

P.S.
星期四(22/7)黑色暴雨後鵝頸橋情況(1940-2025)
38: 第一輛客滿飛站, 第二輛 80%
42: 第一輛客滿飛站, 第二輛 90%
72: 首三輛鵝頸橋上滿, 第四輛 90%, 第五輛 70%
72A: 第一輛鵝頸橋要企約 10 人, 第二輛 70%
77: 第一輛客滿飛站, 第二輛鵝頸橋上滿, 第三輛 90%
96: 第一輛鵝頸橋上滿, 第二輛 70%
592: 首四輛客滿飛站, 第五輛鵝頸橋上滿(我上的車), 還有約 20-25 人上不到

原帖由 111 於 2010-7-25 17:31 發表
2A本身都自身難保，全日大部份時間開5-6分鐘一班都是岩岩好.....

如果想77密d唯有開d特快版or短途版77盡快回車(記得早幾年提議過77北角至西灣河一段上東廊) ...

一樣係要哂資源(不過唔係77,係2A要加好多車)

同埋,
基本上非繁係幾夠車用ge,
你企係邊個位,
班次都幾準時(除非個日真係有大單野出現)

2A係下繁唔夠車用的(灣碼塞車問題加上冇咩一條線真係可以由怡和街返鰂魚涌/太古一帶)
相反上繁都叫做夠車用的(你由太古去北角你都仲可以選擇其他,同埋本身上繁有一大部分的車係灣碼之後唔做返耀東個程,仲有本身上繁灣碼一帶唔係塞得好嚴重個隻)

如果將77改做英皇道半直通，又得唔得?

77 下繁經常脫班 , 最主要係因為英皇道東西行都有機會塞車 , 東行唔駛講 , 一定塞 , 唔塞其他都塞埋站 , 前面整架 2A 就想抽又唔抽得 , 抽咗又要食下個站 2A 啲客

其實如果 77 東行踢去東廊 , 糖水道落橋 , 民康街轉出英皇道 , 其他乘客請改乘 38 / 42 又得唔得呢 ?
最多加番個 78 > 38 / 42 ( 唔駛行落去 ) , 西行照舊經北角 ? 或者同時喺琴行街打後加設 38 / 42 > 78 , 原理同 99 > 77 一樣

咁樣會唔會好啲 ?

* 不過我如果喺銅鑼灣走 , 多數會去景隆街搭 107

原帖由 Route_99 於 2010-7-25 17:56 發表

反觀, 77為田灣的主要出入線, 唔似99有592同佢重疊某些路段, & Y$ o* k1 B* y, {+ v" _
因此客量亦相比上多了, 而往東行一出到銅鑼灣, 就係2A這條流水線的次選,
9 k0 R- W6 b" T2 D) i亦因為咁就拖慢條線的車程, 特別係崇光呢個站, 快可以無人上車即停即開,2 `0 q" B9 D/ C
多人起來開關六次門都未開得郁, 隨時停站達三四分鐘, 跟住天后到西灣河的
. W4 ]: R6 x, P2 Y流水作業, 上幾個落幾個, 車站頻密, 亦係影響番車的能力。hkitalk.net' X! K  q# Y$ ?- V

所以, 九巴既長途車唔做分段, 好大程度減輕左呢個問題
當然, 乘客就無好處喇

原帖由 kay 於 2010-7-26 09:15 發表
如果將77改做英皇道半直通，又得唔得?

定係於繁時將77分拆，一條做田灣至天后，另一條就好似99咁行永興街/清風街橋，去分流銅記同東區客？（不過講真，要東區客經埋銅記先入香隧真係好費時失事）。銅記返東區，可以叫2A加短途特車