關於 AMS 482 的不滿

小弟並不是想爭拗, 不喜勿插. 但小弟都幾熟呢條路線, 可以講如果樓主繼續堅持投訴到底, 最終可能得不償失.

[ 本帖最後由 a720p 於 2010-7-28 10:35 編輯 ]

原帖由 arriva-eric 於 2010-7-28 01:47 發表
"香港既交通可謂非常方便, 作為一個乘客, 若然覺得某一種交通工具未能夠為自己帶來方便, 咁咪索性唔好搭, 轉搭其他交通工具囉."

乜咁回應都得ga~ 我講緊通宵小巴wo~ 482 係獨市路線來的 ...

獨市唔代表你可以亂黎...
如果你坐響部車上面...你都唔想行幾步停一停...行幾步又停一停..
但係得你一個/一小撮人認為不公....始乎反省下既係你地

美田/美城/美松三條大村既客要額外多走300米的路去乘搭一架本來經過自己旁邊的小巴, 而那300米都是可以在安全情況下合法停車上落客的, 不是很可笑嗎?
深夜的沒有巴士停靠的巴士灣不能截小巴, 也是正常的?

你應該爭取分站合法化....就唔係針對司機唔比你落
小巴係有彈性...彈性唔係比你亂咁用
個站冇巴士停唔代表你可以停囉,,,

如果個站多人落...唔變官方站都變非官方分站...成條線司機都會跟住識做
既然依家比你落係人情，就聽聽話話落車...唔比你落既就守下規矩，唔好反轉豬肚惡人先告狀
依家唔係一兩個車位一個燈位...係三百米

樓主你大可繼續投訴
我深信如果你行動繼續
果間公司就會係短期內作出行動去回應你的不滿
一視同仁地全部非指定車站不得上落

同意上面用「得不償失」四字
單係「荃新天地」件事就知
貴客積極投訴 公司積極趕客

原帖由 jx6215 於 2010-7-28 21:53 發表
單係「荃新天地」件事就知
貴客積極投訴 公司積極趕客 ...

離題一問：呢件事係點？

另一邊廂79S在天水圍的每一處地方都可以是車站(包括但不限於巴士站、燈口位、迴旋處)

原帖由 andy92 於 2010-7-28 22:12 發表

離題一問：呢件事係點？

曾經有段時間荃灣廣場果邊經常塞車
好多車長都自發性入碼頭/荃新天地避左塞車位
然後有車長行原路反被乘客投訴指「唔靈活」
建議東建議西

一段時間後
站頭出左通告寫明三條線滿唔滿客都必須原路行走
然後我很感激那位令我每次都要兜多五分鐘既「好乘客」

原帖由 jx6215 於 2010-7-28 23:39 發表

曾經有段時間荃灣廣場果邊經常塞車
好多車長都自發性入碼頭/荃新天地避左塞車位
然後有車長行原路反被乘客投訴指「唔靈活」
建議東建議西

一段時間後
站頭出左通告寫明三條線滿唔滿客都必須原路行走
然後我很感激 ...

根據版友所言, 似乎係有乘客投訴有車唔入荃灣吉之島個頭, 令佢地上唔到車. (但投訴人唔會理會滿座既車就算經過, 佢都係上唔到)
其實滿座的話, 取道行無咁塞車路段真係無可厚非. 但若然真係有吉之島等車乘客投訴的話, 公司按本子辦事規定行原線亦可理解.
小巴確係係一種好靈活既交通工具, 但往往卻因為一少部份乘客的個人心態, 令到靈活性降低.

[ 本帖最後由 a720p 於 2010-7-29 00:11 編輯 ]

既然有大量的人反對我的論點, 那此次討論就此完結吧, 既然我都轉渣左電單車, 總成本20蚊一個來回程(已包稅和維修), 仲可以載多個人, 我同我個fd既建議都係徙氣...

原帖由 arriva-eric 於 2010-7-29 00:39 發表
既然有大量的人反對我的論點, 那此次討論就此完結吧, 既然我都轉渣左電單車, 總成本20蚊一個來回程(已包稅和維修), 仲可以載多個人, 我同我個fd既建議都係徙氣... ...

你個論點錯唔晒既
錯既係點解荃灣沙田大圍三個大區只係得一條小巴線做通霄
你都識講
家陣好多時482已經做唔晒d客
已經冇空間去服務更多地區
有車番大圍有車去荃灣...仲唔係已經好好彩?

原帖由 arriva-eric 於 2010-7-29 00:39 發表
既然有大量的人反對我的論點, 那此次討論就此完結吧, 既然我都轉渣左電單車, 總成本20蚊一個來回程(已包稅和維修), 仲可以載多個人, 我同我個fd既建議都係徙氣... ...

AMS的路線都係有既定的站頭上落客，對於上落客點要求比較嚴謹，
如果板主認為該位有合理需求，可去信小巴營運商及運輸署建議加站。

有個例子就係以前搭新界86往石蔭，大部份司機都指無站所以唔停寧峰苑，
但其實係有合法上落客位，後來都從善如流加站牌。