272X 大埔中心 <-> 旺角（柏景灣）

目的：配合249X的開辦，透過路線轉乘發揮網絡優勢。


路線（市區段只列舉設站街道）及收費：


大埔中心往旺角（柏景灣）


安慈路、安祥路、廣福道、大埔公路、青沙公路、荔灣交匯處、連翔道、興華西街、
興華街、荔枝角道、上海街、亞皆老街、櫻桃街及海泓道。


旺角（柏景灣）往大埔中心

海泓道、深旺道、大角咀道、櫸樹街、旺角道、彌敦道、荔枝角道、興華街、興華西街、
茘寶路、荔灣交匯處、青沙公路、大埔公路、廣福道、寶鄉街、安祥路及安慈路。


服務時間及班次：

大埔中心開

平日
0630 - 0900  1700 – 1930   每30分鐘一班

假日
不設服務

旺角(柏景灣)開  

平日
0630 - 0900   1700 – 1930   每30分鐘一班

假日
不設服務

全程收費（成人） $8.8


分段收費（成人）


青沙公路收費廣場往旺角(柏景灣) $5.8
（249X乘客可以同一八達通免費轉乘本線）

過荔灣交匯處後往旺角(柏景灣) $5.5

青沙公路收費廣場往大埔中心 $8.8
（249X乘客可以同一八達通加$0.9轉乘本線）
廣福邨往大埔中心 $4.4


注：本線用車乃從72X抽調。

[ 本帖最後由 laikingsouth 於 2010-7-29 22:09 編輯 ]

原帖由 laikingsouth 於 2010-7-29 22:05 發表 http://www.hkitalk.net/HKiTalk2/images/common/back.gif
目的：配合249X的開辦，透過路線轉乘發揮網絡優勢。


路線（市區段只列舉設站街道）及收費：


大埔中心往旺角（柏景灣）


安慈路、安祥路、廣福道、大埔公路、青沙公路、荔灣交匯處、連翔道、興華西街、
興華街、荔枝角道、上 ...

吸引到邊類客呢?

以前我跟我媽出太子做校服，都一定坐72X, 原因係快（當年真係沿路又真係無咁塞車）、靚（鬼蘭做掛牌，你話呢？）、密（可以5 分鐘一班，而且真係開到，絕無篤數，鬼咩，271 得個半個鐘一班，仲要幾乎屈double）
但係太子wo! 亞皆老街出去係有排行，其實去太子，想再行少d, 的確可以坐72, 停站係更方便，但係鬼咩，15-35 分鐘一班，而且又唔知兜幾耐，真係見到都驚

所以話呢，班次係關鍵因素，30 分鐘一班，叫座力有限
話分兩頭，其實，亦睇到，走線本身係同72, 72X 有重疊情況，不重疊的部份，一般來說可以話係72 原路線（1991-2003 年間的行車路線：太和——大角咀碼頭/大角咀/奧運站/旺角柏景灣）的真空部份，然而，呢一帶路線就算係當年的繁忙時間，情況又如何呢？以前暑假平日或學校假期都喜歡出旺角，回程例必遊72, 72 的在大角咀開出後，幾乎每個站都僅得1-2 個乘客登車，黃竹街一站算比較例外，但儘管是接近6 時的下味，都只是5-6 人登車，直至大埔道北河街一站才會一Q 搞掂將整架或中水塘龍/吉龍/BENZ 的座位打滿（注意，通常不用企位）
這足以證明這一帶的客量實有待觀察
至於重疊的部分，前面我提到271 的半小時一班，時至今日，271 的確愈做愈大，無錯，271 往尖沙咀、油麻地的客源遠超72X 的範圍，但不要忘記，這群乘客的來源，有部分以前是72X 到旺角轉車得來的，或者，271 於廣華醫院服務旺角東南之乘客，以前72X 獨大，72, 則非常慘淡；271 呢？乘客則一肚氣，半小時一班，與今日307 相若，但試問現時307 離峰未到廣福頂閘有沒有發生過呢？可以說，未聽聞，但當時271 就偶然發生，若非271 是黃底紅字的全空調服務，相信情況難有改善，故此，九巴覺得，與其一個和尚擔水食，兩個和尚無水食，不如讓271 開始提昇服務

在這建議，我想講的是，兩個和尚擔水食，三個和尚無水食，72, 上次轉單層band 左，大埔居民鬆一口氣，唔代表72 無問題，但要九巴改善，九巴就話客量未係好突出；72X, 以前5 分鐘一班，而家，想佢做到豬紙下限12 分鐘一班都好啦，呢條線，自從03 年紅van 開左之後，九巴就一啖砂糖一啖屎，首先cut 車cut 班，然後加過一次車，再之後就先改豬紙，諗住佢回勇啦，點知原來佢係豬紙到篤數，1840 後，呢個時間係最頭痛，每次一呢個時間走車，就知道大鑊！因為，你唔行開得，一行開，佢隨時黎，但係唔行開，佢7 個字先黎車都有，72X 現時自身難保，入獅隧都唔可以全滿，開線入八幹，乘客付出的代價係
1. 削弱原有路線服務，呢個72X 自己都曾經因此捱過一刀，93 年11 月，271 提昇至全日，72X 爆出破天荒的「墮馬」，調走全部冷馬往271, 72X 改回全熱狗，慶幸當年U 廠獨大，有足夠三軸巴士派回大埔，保住5 分鐘一班，今時今曰72X 抽車開新線，12 分鐘下限，20 分鐘啦
2. 72X 的重點車站可能會解體！72X 由始至終最重要的一站，係原本西洋菜街，現時PCCW, 904, 905 過海線站的位置，後來才搬往旺角道停站，呢個站算最方便架啦，但係，272X 開辦，勢必令72X 拉疏，這個站本身坐位不甚有保證，再來個縮班，情況堪虞

還有，249X 的成功，或許建基於373A 的失敗例子，249X 的討論內，有版友問到為什麼路線到大圍才上公路，市中心才是客倉嗎！應市中心之後直上公路，好問題，其實答案來自373A, 大家還記得，改道後的討論，離不開373A 的塞車黑點，八幹入口，這個黑點繼而發現成黑洞：把373A 的搭客吸走，港鐵搞車務個班友直頭覺得係開心大發現！249X 的成功，在於能避過這個黑點
272X 一旦要開辦，應該與72 合併，總站設在太子
但不要忘記，249X 的成功，放諸大埔不一定皆準

[ 本帖最後由 DT716@71A 於 2010-7-31 01:40 編輯 ]