33A... 第一次係上層連續坐3個人 + 關於加冷問題

都有成半年冇坐33A,今日就特登坐番佢入葵興
大約16:05係柏景灣上左架2298,唔洗等,真係好~
但係,呢個只係一開頭...

去到櫻桃街近渡船街開始塞車,一塞就塞左成10幾分鐘
架車連郁都冇郁過... 跟住就慢慢行 又慢慢塞
去到旺角道轉入彌敦道先至順番...
個個站都有好多人上車 最後頂閘
有兩個阿叔坐左上層之後都係度嘈:
「等左成半個鐘,就黎左架無冷氣!」
「呢D咁嘅熱狗,快D淘汰佢啦!」
「人地37部部都係冷氣車,咁嘅33A仲係冇冷氣嘅」
「坐33A十次都坐唔中一次係冷氣車」
仲講埋政府官員上架無開冷氣嘅車試溫度
唉...其實唔單只係你地,其他乘客都係一樣嘅諗法...
係之前奧運站都見到架ATE@33A番總站(應該係後車黎)
但係香港人見到有車緊係上啦,仲要係已經等左咁耐,唔通仲繼續等咩...

我就坐上層車頭右邊嘅3人位
係怡靖苑上車嘅阿叔就上黎坐左隔黎
跟住係荔枝角鐵路站上車嘅師奶又坐埋過黎
最初我隔黎位阿叔唔係幾想比,跟住都郁左小小比佢
最後果阿叔坐最出,師奶坐中間,而我就坐最入
後面都係3個人一齊坐
我嘅感覺係'好逼...好逼...'
想郁小小都唔得
係美孚上埋最後1個客,架車終於頂閘入葵涌...

去到葵芳,只係得幾個客落車
跟住到葵興,我就係果個位第1個落車嘅
坐我隔黎嘅兩位慢慢咁比我出去兩出到去通道,兩邊都好逼,差D連行都行唔到
幾辛苦先落到下層...
係葵興邨落車,時間為17:18,用左成70分鐘!
真係想像唔到到總站已經係幾多點...
落車之後,架車仲係8成滿,下層仍然有人企
跟住行行下就感覺到頭痛,仲痛到而家...

如果唔係個個客(包括我)都搭得咁辛苦,我都唔會打呢篇文出黎
真係唔該請九巴加密33A班次啦
唔肯加嘅,或者都可以換一兩部冷馬入去掛
原本嘅熱狗都可以行下D低客量嘅線
而家33A有10部掛牌車(被其中一位阿叔講中左)
5部熱狗,5部冷馬,搭到熱狗嘅機會真係高,想唔搭都唔得...
而家33A呢排都成日換車,不過係熱狗換熱狗...
咁樣對市民黎講有乜用?佢地想要嘅係冷氣車...
雖然我都係巴士迷,但係遇到咁嘅情況,真係唔鬧唔得!
而家越黎越多ATEU/AVBWU新車出牌
佢地係去晒D曬命線行,明知已經有新車行嫁啦!仲要曬?
如果九巴唔肯將33A加呢D新車,同其他線換出黎都得掛....
白板AL/AD/AV已經可以滿足乘客嘅需要...
呢幾日5A,39A加冷... 唔該加33A先啦...
真係諗唔明兩條線加冷黎做乜... 加又加得果一部...
5A沿途可以搭有冷馬嘅5號
39A就唔係幾熟 可能佢加冷真係顧及乘客需要
OT一問:今日5A加冷,6027應該係過黎33A,換走2298,點解仲係佢?

同埋講埋果3人位,今次真係第一次3個人一齊坐
仲可能係人生嘅第一次...
諗番起之前62X全冷前幾日都搭過架開龍入屯門
架車頂閘,但係未至於3個人一齊坐
只係兩個人中間留左個小空位
諗番起果日真係好舒服,又唔洗逼
同頭先搭嘅33A真係冇得比!
半年前成日坐33A都唔係咁(直情冇試過)
今次搭番竟然搞成咁...
我真係希望九巴可以反省下自己嘅過錯
多D聆聽乘客嘅意見,從而作出改善
新/城又做得到,九巴就做唔到...
唉....今晚真係要好好咁休息下...

P.S.如果各位版友想試下33A 3個人逼埋一齊坐嘅感覺
記住坐33A啦~ 包你一定會「樂而忘返」!

多謝閱讀!

原帖由 sam745522 於 2010-7-29 22:19 發表
都有成半年冇坐33A,今日就特登坐番佢入葵興
大約16:05係柏景灣上左架2298,唔洗等,真係好~
但係,呢個只係一開頭...

去到櫻桃街近渡船街開始塞車,一塞就塞左成10幾分鐘
架車連郁都冇郁過... 跟住就慢慢行 又慢慢塞
去 ...

本人早前已和區議會以及運輸署反映33A冷馬過少既問題,不過冇人理我,只係話今年底至出年初左右轉全冷.

老友，你呢D小兒科啦，33A又唔使過隧道，
如果你坐架89C 3BL逼3座位行大老山咪要跳車都似

原帖由 homanho 於 2010-7-29 22:41 發表
老友，你呢D小兒科啦，33A又唔使過隧道，
如果你坐架89C 3BL逼3座位行大老山咪要跳車都似

你講得89C,不如講埋當年條49X幾慘,用埋D爛車上斜得5KM/H,仲要班班載140人上象鼻山,又熱又焗又逼又疏,同而家又密又有冷氣完全兩回事(雖然都係逼).

叫熱狗退都已不是第一次聽，只怪現今科技太發達

49x...我等到3+2都真係寧願等下一架
果D車真係十年都未上到去城隧

你都識話櫻桃街塞車囉, 加多幾多架車又點? 加完唔會塞車呀?
D 新車去晒命又好, 去邊都好, 金巴數目始終多左架喎

講真 33A 又唔係多人搭, 尤其非繁時小貓三四隻, 都唔知點解用成十架車

講起49X，最慘係莫過於十年前由康偈車變成用上全九巴最舊、最爛既車，DA,DB 牌 3N/3BL，車嚴重無力不在話下，最慘係3BL既半格窗，無風又勁污糟，DA牌 3N又勁多昆蟲，seat 位仲矮、仲窄過雞、鴨車、加上驚人客量，，如遇上下雨天，簡直係惡劣.......

當然，而家失常既夏天天氣，加埋坐滿3+2既市區熱狗，對比起2+2 既冷馬，又係失色既......

43M, 39A, 38A可以大條道理用單層車就唔用，就用上AV，除左幾個班次滿人d之外，就大部份時間大吉，其實批AV用於33A咪好洗好用囉,,,,,,,

原帖由 sam745522 於 2010-7-29 22:19 發表
都有成半年冇坐33A,今日就特登坐番佢入葵興
大約16:05係柏景灣上左架2298,唔洗等,真係好~
但係,呢個只係一開頭...

去到櫻桃街近渡船街開始塞車,一塞就塞左成10幾分鐘
架車連郁都冇郁過... 跟住就慢慢行 又慢慢塞
去 ...

其實..而家33A差唔多日日都收一部熱,
不過亦都一定會有番一部熱代冷
至於今日...5部熱出齊, 再加兩部熱代冷
樓主坐既FV2298, 前兩車都係熱狗, 後車都係熱狗
如果唔係有車長劈車, 應該2298前3班都會係熱狗
所以D客睇到37架架冷, 33A架架熱狗都唔奇..假設個客真係死等冷馬...