今日搭架壞冷氣ATE (已投訴)

原帖由 lf5499 於 2010-7-31 00:22 發表
八掛一問
反而想知你投訴個司機唔過車定冇冷氣??

如果咁樣個司機俾人投訴 , 真係幾無辜。

雖則話佢有責任CHECK清楚架車100%冇問題先開工 , 但係今日咁Q熱 , 冷氣長開到盡都一樣會壞。。。

咁多人投訴同要求過車....個司機都唔班....
咁樣投訴個司機,個司機都叫無辜....
咁樣真係冇話可說....

難道過百個乘客俾左$$搭架冇冷氣O既冷氣巴士....
仲要焗足一程車.....咁樣D乘客就係應份,就唔係無辜?

[ 本帖最後由 barca_399 於 2010-7-31 00:56 編輯 ]

冇講就唔洗過車...?
係咪即係如果有架車出哂黑煙...個乘客同個司機講"車尾有黑煙",
但乘客冇要求過車.....咁司機就唔洗安排乘客過車?

咁多乘客投訴冇冷氣....司機係咪應該要處理問題?
係咪只係講"壞冷氣"就了事,繼續開車?

[ 本帖最後由 barca_399 於 2010-7-31 01:42 編輯 ]

如果齋講九巴的話下繁試過兩次比較嚴重.
兩次都係架車"無冷氣"加"無鮮風",司機照揸車出街做生意.
第一次係101,我係東邊街上車,上車果陣已經覺得有小小唔妥.
隨著乘客越黎越多,車廂空氣越黎越混濁,我最後頂唔住係山谷道落車.
第二次係905司機係西隧放低我們呢類頂唔住混濁空氣乘客之後,跟住開車走左!
大家要係西隧等7至8班車先可以繼續行程.

如果乘客要求司機過車,而司機唔肯,要投訴就講得通.
如果乘客一味係到怨冇冷氣,但冇同司機講過車,咁投訴個司機就無辜.
不過有時司機問乘客過唔過車時,乘客反應又不同,有D客明明個心想過,又唔想延誤車程,結果冇出聲,司機繼續行,D客一路行一路怨.

原帖由 HR9710+KU1391 於 2010-7-31 10:41 發表
如果乘客要求司機過車,而司機唔肯,要投訴就講得通.
如果乘客一味係到怨冇冷氣,但冇同司機講過車,咁投訴個司機就無辜.
不過有時司機問乘客過唔過車時,乘客反應又不同,有D客明明個心想過,又唔想延誤車程,結果冇出聲,司 ...

可能有乘客趕時間,想原車去算數,點知要過車,明明架車仲行得,結果又投訴
乘客投訴萬歲

原帖由 dippy 於 2010-7-31 11:07 發表
架車無冷氣已經可以過得車
就算過左車有人投訢
司機都可以話跟指引做黟
所以應該唔會有問題

如果有乘客要求過車又有乘客要求繼續行,兩邊都話唔做的話就去投訴,你覺得師傅應該點做?

[ 本帖最後由 gn3509 於 2010-7-31 11:17 編輯 ]

之前係九龍灣等40返麗港城,黎部L廠DM ATR,個司傅一開門就話部車冇乜冷氣有冇問題,我見撘返麗港城又唔係耐就照上,部車冇乜人,司傅每次埋站有人上都話部車冇乜冷氣,但最後都有上,司傅每次停燈都開頭閘通風,最後返到麗港城返廠換車

如果司傅明知部車有問題又唔同D客講就唔係幾好,如果講咗個問題等D客有得簡撘唔撘,S車趕收工都咁話啦