見講開壞冷氣,分享一下我四日之內搭中兩部壞冷氣既巴士事件~
上星期六下晝搭72X,搭中部HD 170,
咁上車時候咁車既冷氣係同平時一樣..
架車行到去馬場對出左右,架車個冷氣係突然之間無左,(唔係話出左一陣熱風先無..)
錶板之後一路叮叮咁響緊..
其實師傅知道咩事,不過我諗佢係想盡可能行得就行啦..佢就無理佢
之後行多一段路,至到體育學院對出橋面,有客投訴無冷氣之餘仲有燶味..
師傅唯有搵位停低部車..因為一路都無位停埋一邊..最後要去到威爾斯對出公路先有位停..
哈,不過估唔到既係果個位已經泊左2部巴士,其中1部係前車GN 7913,另1部無睇車牌啦..見就見到係部大金豬...
後黎先知原來GN 7913亦係壞冷氣而要過車 ..
呢個時候已經有客開始質疑九巴維修保養既功夫...
之後到左星期二,朝早搭75X柯打307個班車,果日出車為HR 9271
一上車就同上次唔同,部車冷氣好弱..而且係出風而唔係製冷~但果時都仲接受到..
後黎冷氣越黎越弱..師傅其實已經知道咩事~已經不斷趁停燈位踩空油RUN下部車..
但都不斷有客投訴「無冷氣,好焗~」..而且見上層車窗已經開始有水氣..
最後係成班客人要求之下,係廣福過車~最後用左15Mins,係富亨拉左部HT 1646.. |
