新屯門商場將變身一站式生活品味新蒲點

剛剛睇明報置業綱網，
發現新屯門商場出左新聞稿，
表示港鐵現正為新屯門商場進行翻新及商戶重組工程，
而之前大家提到既 DSC德爾斯 新屯中新店，
正正係今次改革既頭炮，
該店為全港最大、貨品種類最多、最齊全的10萬平方呎旗艦店。

除此之外，新屯門商場亦會呈獻多項震撼優惠，
包括精選貨品以破底價$1拍賣、長至5小時免費泊車優惠、舉行潮人(野仔) 簽唱會等。

詳情可參閱：
title: 新屯門商場引入超級DSC   2010-7-29
http://property.mpfinance.com/cfm/pa3.cfm?File=20100729/pad01/m1.txt

title:新屯門商場凝聚時尚魅力   2010-7-30
http://property.mpfinance.com/cfm/pa3.cfm?File=20100730/pad01/m1.txt

http://www.style-tips.com/blogazine/?p=24176

------------------------------------------------------------------------------------------------------------

估唔到連新屯中呢個靜場都會被睇中搞改革，
忽然屯門碼頭區既商場呢兩三年都玩升格，
海趣坊、蝴蝶廣場，之後到新屯中，
會唔會消化唔到呢？
定一話大家都覺得今次澳門線一定開得成，
並期待着所帶黎既龐大客群呢？
拭目以待！

有冇人去係一個問題...
個位都已經夠偏僻

係，我都好懷疑！
之但係mtr咁雄心壯志，
dsc仲一簽就簽6年約，
睇黎佢兩個都好有信心！

尋日去過，可能因為佢新開，勁多人，但係唔知佢維持到幾耐.......
唔計佢一直都有的貨品，新添的貨品種類真係咩都有 d ，但係就夠廣唔夠專 lor......

單係講水龍頭，佢竟然只有瓷盆的水龍頭，而無浴缸用的水龍頭......
賣浴屏但係又無浴缸賣，真係奇怪~

講真佢咁樣賣嘢法，好大機會你想搵咩佢無咩，我真係唔會再點去 lor ......

既然你尋日去過，
想問下你除左dsc之外，
有冇咩新商舖？
商場其他部份又如何？
有冇d咩改善工程進行緊？

之前DSC先話係連城5樓開全港最大，個地位咁快比新屯門取代左

不過個人都認為係已經有海趣坊既存在下，冇必要再發展第二個商場。（其實海趣坊去到今日都擺脫唔到屋村商場既影子）

原帖由 Wright---AVW16 於 2010-8-3 09:36 發表
之前DSC先話係連城5樓開全港最大，個地位咁快比新屯門取代左

不過個人都認為係已經有海趣坊既存在下，冇必要再發展第二個商場。（其實海趣坊去到今日都擺脫唔到屋村商場既影子） ...

其實以海趣坊既規模黎講 (得一層商場)
已經算搞得唔錯了......
相信將來澳門線真的成事既話，
海趣坊會有機會突圍...

我都去左，好好好多人...

新屯門商場其實基本上真係冇變過，真係多左DSC..所以有D懷疑係新屯門商場依賴DSC，並非DSC完全有心想O係度開...
佢要靠DSC搞旺個場...

無限金額消費都可以泊車5小時..星期六日及假期多左個minimum 消費金額...但其實都只係$50..........哈...停車場的時租都比$50貴哩..免費送俾你..


前名新屯門中心，宜家叫新屯門商場..真係發覺冇咩唔同..我諗都係DSC...同埋個廁所....(但兜到爆，去個廁所要推差唔多八道門..)

雖然話今次澳門線一定開得成姐，但係新屯中個位咁僻下,都應該唔會多好多人流掛，
同埋多得個一間DSC係大既，其他店舖都無改過，交通又唔係方便，個碼頭一落船仲
要坐車或者行過去，就算係d澳門客都選去屯市都唔去新屯中啦，除非佢話係屯碼到整
d免費穿梭巴士或者d專車去新屯中就話姐 . . .

原帖由 NC8285 於 2010-8-3 20:26 發表
雖然話今次澳門線一定開得成姐，但係新屯中個位咁僻下,都應該唔會多好多人流掛，
同埋多得個一間DSC係大既，其他店舖都無改過，交通又唔係方便，個碼頭一落船仲
要坐車或者行過去，就算係d澳門客都選去屯市都唔去新屯中啦，除非佢 ...

乜澳門線真係開得成咩?何氏家族一日都未答應,都唔好咁老定著?