118新車，九城鬥一番......

原帖由 905_MTRB 於 2010-8-6 17:03 發表

樓主咁出名，幾時會上電視呀？

上過喇......

睇返三年前 B1 首航0既舊文，文中有人話佢
係 TVB 新聞度睇到首相上0左鏡。

引用:

原帖由 金剛 於 2007-8-15 23:38 發表

我想問...呢個係邊個黎..?

首相大人 wo ....你咁都唔識 ?

頭先 TVB 新聞也影到相中人呢 但係佢唔係第一個上車 lo !

唔好介意我將這篇文浮面，因為前一排去了澳門短宣，返黎睇下有乜相睇，
咁啱路經此處同107張相，為了上帝留了男兒淚。

澳門近關閘一邊的人多數無乜公德心，我帶住隊去派傳單，佢地全部掉哂落地，
我叫班弟兄姊妹不如你地執返一Ｄ無俾人踩過Ｄ單張再派。
點不知一陣間，垃圾婆走黎對我隊人指罵，跟住隊員匯報俾我知，我去暸解情況：
佢不停指罵我地：害人精！信乜鬼神，最衰就係你地班基督徒。
我叫班隊員散開，我自己去獨立跟進，結果全個生果市場都聽到佢鬧我之餘，
仲鬧埋上帝。

我想帶呢件事出黎，就係話：一個人咁痛恨呢個信仰，當然係因為有些人和事，
刺激到肇事者不安，影響禍及上帝及一切信徒。根本沒有人能獨善其身。
已經坐底有一個EU5472板友，已經被首相的行為變得極討厭基督教。
自己身為一個教徒，怎能獨善其身？

以前呢度，企出馬路影相就被罰停板。呢種行為同你用閃光燈影巴士有乜分別？
影響道路使用者之餘，仲影響自己人身安全，損人不利己的事走去做，
仲成日掛住基督徒的名義去這個那個。
我真是恨不得寫信去你所屬的教會叫負責人嚴辦你這些行為：
作假見證，影響駕駛者安全，未經人同意擅取網絡資訊......
在基督徒身份，呼籲首相你徹底悔改，不要再欺哄聖靈，落得亞拿尼亞的終局。
在普通板友身份上，教壞細路，張貼這些相而沒有方法讓閣下受應得的懲罰，
就如變相鼓吹這樣的影相，是不負責任的行為，影少一陣會死嗎？
兩部巴士明天會消失嗎？大把好位可以影，你之後咪又可以補到飛。
就係因為你呢種糜爛不堪的上樑，導致今日巴士迷多被冠以惡名。
加上前人已經咁樣影車，後人更加肆無忌憚出馬路影車，你都必須要付上一定責任。

我只係驚某相會以為義受逼迫的緣由，
去解釋自己的行為。

問心，我地唔係介意你有錯，
係好介意你有錯之後，
死都唔認錯，
仲要講到好似你係好陰公咁...

身為基督徒，
我只係覺得「為義受逼迫」呢句嘢，
唔太適用響首相你身上。

只想引用一句:
「以色列啊，你要歸向耶和華你的　神；你是因自己的罪孽跌倒了。 」(何西阿書14:1)

原帖由 307 於 2010-8-14 10:08 發表
我只係驚某相會以為義受逼迫的緣由，
去解釋自己的行為。

問心，我地唔係介意你有錯，
係好介意你有錯之後，
死都唔認錯，
仲要講到好似你係好陰公咁...

身為基督徒，
我只係覺得「為義受逼迫」呢句嘢，
唔太適用響首相你身上。
...

如果連義都唔知係乜野，就打開詩篇第一篇第一節去反省。（以下節錄我剛剛主日在崇拜佈道會的講章）
「不從惡人的計謀，不站罪人的道路，不坐褻慢人的坐位。」
惡人－－是行惡的人，正直是他的相反；
罪人－－無法達到神要求的人，有的是過犯及虧欠，公正（公平和正義）是他的相反；
褻慢人－－意思等同是驕傲，謙卑就是他的相反。

那麼為義受逼迫就是因為在上帝面前要行正直，公正，謙卑的道路，而因此受到攻擊才是。
如果他搬這句話去曲解聖經，便錯誤教導其他信徒，請他閉口。

原帖由 Alex01 於 2010-8-6 17:20 發表

佢上過報啦
上次我有個FD係書展見到首相,之後仲要同我FD搭爹,又對住容生本書話：681都要用佢！
可見首相係一個好麻煩嘅人

你咁講法, 分分鐘仲麻煩過 Paul 少.

原帖由 307 於 2010-8-14 10:08 AM 發表
我只係驚某相會以為義受逼迫的緣由，
去解釋自己的行為。

問心，我地唔係介意你有錯，
係好介意你有錯之後，
死都唔認錯，
仲要講到好似你係好陰公咁...

身為基督徒，
我只係覺得「為義受逼迫」呢句嘢，
唔太適用響首相你身上。
...

如果話佢係為義受逼迫，
我只會想到舊約時上帝會興起外邦人「教訓」叛逆既以色列人。
無奈首相就係唔肯亦唔敢面對呢個事實，
覺得自己好掂，
所以個個話親佢都扮聽唔到之餘仲依然固我。

天上的主宰啊！我們代首相兄向你悔改。

我們或許痛心疾首，唯祢賜下懊悔的心。
我們或許無計可施，唯祢能夠撥亂反正。
我們或許深深嘆息，唯祢應許重新得力。
我們或許明哲思辯，唯祢成就心意更新。

我們張開純一眼睛，同心盼望佳美照像。
我們踏出信心步伐，同心守望道路平安。
我們擺上真摯的心，同心仰望合宜的話。
我們高舉合一的手，同心瞭望交通論壇。

不要效法這個世界，只要心意更新而變化，叫你們察驗何為神的善良、純全、可喜悅的旨意 。(羅馬書12:2)

真係要多謝首相大人提供一個咁有意義既機會等我地切磋經文

原帖由 3357。KS8450 於 2010-8-15 01:46 AM 發表
真係要多謝首相大人提供一個咁有意義既機會等我地切磋經文

唯望首相真係明白佢問題所在，
唔係只係覺得上帝要佢經歷呢D事情，
要佢知道結果子要與悔改既心相稱既道理。