49X

原帖由 AKMAN 於 2010-8-6 13:19 發表
我出post就係我一個事呀！
以我十九年來！同班跨區病人相討多年問題！
簡直同兒童台都不如！"只得幾個板友可以理性討論"！

版主提示:

請閣下注意言論, 尊重他人意見.

謝

B2版主
admin26
3ASV196

原帖由 HB00610 於 2010-8-10 13:59 發表


問題來了, 係唔係每一條在醫院附近的巴士線都非要入去醫院行個圈不可呢?

到其實要講無巴士到的醫院, 淨係屯門醫院就已經比威爾斯更甚…

我相信屯門醫院已經一定唔係最唔方便那一間(最少仲有完全無直車過門的青 ...

試問輕鐵仲有邊度係屯門區內去唔到？
屯門醫院站唔係響醫院隔離架咩？幾時搬左？

原帖由 FBI2 於 2010-8-10 12:13 發表
49x本身一點特快也沒有，入威爾斯我覺得可以考慮，因為荃灣的確有不少病人去該處

咁講，威爾斯其實冇乜位可以再放巴士線，好似最入面果條坑咁，
淨係等前面部車上落客，都成幾分鐘，放埋條49X入去，只會令個站更迫，d人等更奈。


回樓主：有時諗野唔好只為自己，要自為他人設想下，
如果放條49X入威爾斯站，令到班次唔準時，到時咪仲麻煩.....

原帖由 JU2541 於 2010-8-12 12:10 發表


試問輕鐵仲有邊度係屯門區內去唔到？
屯門醫院站唔係響醫院隔離架咩？幾時搬左？

屯門醫院印象中都好大下

原帖由 hokwanlam 於 2010-8-12 13:20 發表
咁講，威爾斯其實冇乜位可以再放巴士線，好似最入面果條坑咁，
淨係等前面部車上落客，都成幾分鐘，放埋條49X入去，只會令個站更迫，d人等更奈。


回樓主：有時諗野唔好只為自己，要自為他人設想下，
如果放條49X入威爾斯站，令到班 ...

其實我反而覺得，應該係威爾斯個巴總度加指示
教人點樣去搭唔入威爾斯的路線會較好
因為個站係印金元出面，但對面冇站，班人行左去邊都唔知
之前我有個Fd去完威爾斯想搭49X轉263番屯門
但因為搵唔到個站去左搭港鐵，當時南環線仲未開通

[ 本帖最後由 OTIS401 於 2010-8-12 13:34 編輯 ]

原帖由 JU2541 於 2010-8-12 12:10 發表


試問輕鐵仲有邊度係屯門區內去唔到？
屯門醫院站唔係響醫院隔離架咩？幾時搬左？

學你咁講, 經威爾斯的巴士Cover唔到沙田邊一條大屋村/屋苑先?

(同你講多樣野, 青衣葵涌荃灣係跟九龍西聯網, 沙田係跟新界東, 而醫院覆診基本上係好少安排誇聯網的地方, 除非無得揀)

在道理上, 拉49X入威爾斯的理據, 同拉58M58X經屯門/青山醫院一樣。



講完沙田, 再同你講番屯門

無錯輕鐵站的確算係方便。

但係我同你講緊醫院附近的巴士同巴士站的問題, 請問你知唔知有兩個屯門醫院巴士站存在的?

最近一個"屯門醫院"巴士站, 只有B3A一條全日線到。

而另一個"屯門醫院"巴士站, 正常人, 輕鐵站要再行10-15分鐘, (係要行兩條天橋)如果對老人家/病人來講, 呢個站根本唔係佢地應付到的範圍(而且我仲未同你講, 個站係北行, 即係入屯門方向的, 另一個方向出荃灣, 要再行多一個字)

要唔要同你Google map下如果搭67M在"屯門醫院"巴士站落車, 行去真正的屯門醫院要行幾遠路, 上幾多樓梯?

[ 本帖最後由 HB00610 於 2010-8-12 19:30 編輯 ]

原帖由 OTIS401 於 2010-8-12 13:28 發表


屯門醫院印象中都好大下

舊翼行去新翼行10分鐘。

計埋等升降機時間就仲正

如果由新翼行去搭巴士出荃灣, 基本上行去巴士站的時間, 已經同巴士的車程差唔多。

原帖由 HB00610 於 2010-8-12 19:11 發表



學你咁講, 經威爾斯的巴士Cover唔到沙田邊一條大屋村/屋苑先?

(同你講多樣野, 青衣葵涌荃灣係跟九龍西聯網, 沙田係跟新界東, 而醫院覆診基本上係好少安排誇聯網的地方, 除非無得揀)

在道理上, 拉49X入威爾斯的 ...

輕鐵係咪交通工具？
我都係屯門人,,,我唔覺屯門醫院站有何不便
對正屯門醫院都話遠,,,

就當想拉 58M 入去 入到醫院附近邊度比到佢調頭出返去？
但係相反 49X 入威院..大大個總站放響度...

城隧本身設立就係將覆蓋範圍"越大越好、越方便"
過門而不入就顯得同當初設立的目的 係違反

以骨科為例 屯門人都係最近最近就係威爾斯
聯網係正確 但係當資源去到依家都係唔夠用既時候 跨網係在所難免
除樓主外，亦有好多人問過我/講過 ...點解城隧會做唔到

^ 依家 D 人好鍾意篤人背脊 以為自已係神 就打橫黎行,,,有個神字就係神?

[ 本帖最後由 JU2541 於 2010-8-15 16:52 編輯 ]

原帖由 JU2541 於 2010-8-15 16:49 發表


輕鐵係咪交通工具？
我都係屯門人,,,我唔覺屯門醫院站有何不便
對正屯門醫院都話遠,,,

就當想拉 58M 入去 入到醫院附近邊度比到佢調頭出返去？
但係相反 49X 入威院..大大個總站放響度...

城隧本身設立就係將覆蓋範 ...

區內人當然方便(雖然我唔覺得輕鐵好好), 但區外呢?

我上星期先撞到有人離開屯門醫院唔識搵車出荃灣; 我教完佢都驚, 因為真係好遠同好易行錯。

區外人除左西鐵轉輕鐵以外, 有無合理的巴士接駁服務可以揀(雖然44A都可以接受)?

再講, 請問輕鐵對區外人而言, 係一套易明的交通嗎?

我由頭到尾都無否認過輕鐵站已經Cover到大部分的區內的服務, 但係我更著眼的係: 無合理的巴士服務, 呢點在醫院來講, 無論鐵路幾方便都係死穴

講到呢度, 我真係想問, 你有無睇清楚我講咩?


再講, 58M/58X同醫院隔一個街口, 以你定義, 一樣係你定義的過其門而不入。
(夾硬要兜的話, 經澤豐或兆康出已經可以, 雖然我個人對58M兜唔兜係有保留)

我講到呢度, 係帶出個問題重點, 根本唔係兜唔兜; 而係合唔合理。

[ 本帖最後由 HB00610 於 2010-8-15 22:14 編輯 ]

咁不如用埋九龍中龍頭醫院 QEH 做埋例子丫?
下面有幾多條巴士線呢? 過海巴士 + 九龍區..
要上斜好麻煩, 就算係去GOPD個座, 都係要微微向上行的
不如我都要求每條巴士線開上兜個轉啦.. 得條綠小57M

49X兜威爾斯，有多少人會贊成？

如果49X不經荃灣，就大把人贊成，問題係無人想整理城隧網絡～