新巴城巴出招應付罷工

原帖由 3357。KS8450 於 2010-8-10 19:38 發表


咁樣可以頂到幾耐

我只係知道咁頂呢場罷工就黎仲貴過加人工。

四十蚊一個月，何必呢，無錢賺咪直接成間巴士公司write off佢囉。

原帖由 3357。KS8450 於 2010-8-10 19:38 發表


咁樣可以頂到幾耐

最多1個月,而家每日每人額外$300,當每日有30個車長報名,
每日已經要額外俾多$9000(仲有佢地底薪及津貼平均$350計),
一個月已經$585,000

如果工潮持續1個月以上,一到返學日子人手更緊張,車長要放
假,寫字樓員工要處理手上文件,兼職員工無可能日日都全數
出動,加上每日都有一班車長"自我罷工",結果全部都係輸家

原帖由 Pendolino 於 2010-8-10 19:48 發表
我只係知道咁頂呢場罷工就黎仲貴過加人工。

四十蚊一個月，何必呢，無錢賺咪直接成間巴士公司write off佢囉。

罷工call兼職,一日開支都係幾萬上落,每日收車都唔止呢條數,間公司接受加幅,
每月一定要使多幾十萬,不過加人工點數唔係重點,重點在如果今次職工盟成功
逼間公司加人工,結果:

1.職工盟坐大,汽總會俾人比下去,下次汽總傾加人工就無議價能力,公司又唔知
應該同邊個傾
2.傳統傾人工方式就因此被打破,以後傾加人工就麻煩,到時可能係公司話加幾
多就幾多,員工無還價空間
3.今次因為加0.4%就話罷工,如果下次涉及重大薪酬福利改動時,到時員工可以
點回應?罷工,定係點.今次罷工對服務影響輕微,公司可以搵其他車長就搞掂,
對員工(特別係車長)絕對不利---因為你既工作可以由其他人取代

職工會已經舉白旗宣佈結束罷工啦

罷工司機無執行職務，公司有權扣人工，所以新巴支出無大家想像中咁大，反而罷工司機唔挨得耐，兩日人工已經唔止年薪0.4%。

你呢個建議根本荒謬，新巴資產包括巴士，車廠設備，柴油偈油，後備零件，車站設施，全部有價。即使政府到期時收番專營權，班員工都要夾錢買起呢批資產，一來員工無咁大筆錢，二來只要涉及投資就有ROI(投資回報)，伙記夾股本時都要計下盤生意有無錢賺先啦。而且，打工無風險，司機夾錢做生意，公司蝕本時要上身科水，到時唔好叫納稅人包底就得。

巴士當廢鐵賣都賣到十萬八萬一架啦，巴士司機點買得起間公司？一係叫政府充公新巴資產囉，唔係未試過，61年前共產黨咪咁做囉。

唔知大家有無留意一件事
近幾日報章過份聚焦0係無鐵路0既南區(尤其華南) 連新城0既特別安排都集中0係南區
(42派到幾乎全線大車 但出面8P就拎一堆十一米車)

有幾多人留意到有鐵路0既地區 0係星期一出現0左咩狀況？
(尤其0個0的所謂有鐵路但實際要「駁腳」先到鐵路站0既地方 比如耀東/興東)

無鐵路地區巴士服務大受關注，經此一役，南區區議員相信都唔會再對南港島線咁多挑剔，但求盡快動工。