新巴城巴出招應付罷工

原帖由 053h4 於 2010-8-11 01:00 發表


根本要成功, 就唔應該由新巴罷工先
原因好簡單, 平時射波問題唔大, 基本出齊車, 士氣又唔係真係咁差
而且, 有一大班後備司機, 後勤有巴士牌又不計其數, 加上行跳飛機, 個個司機行好幾組線
要調動唔係好大難度
好似 ...

所以呢次由一開始已經係失敗收場

當然如果佢9月真係玩4間公司一齊罷工,到時應該幾好睇,特別係九公司,
唔知可以搵幾多個退休及教車師傅楂車,始終城公司有一班兼職車長,一話
有新記楂已經報晒名,結果造就城公司班兼職上位,睇怕經此一役後各工會
要玩罷工先決條件睇會唔會有代替自己位置,如果有既真係咪再用呢招,只會
未見成效反而輸得難睇

原帖由 053h4 於 2010-8-11 01:00 發表


根本要成功, 就唔應該由新巴罷工先
原因好簡單, 平時射波問題唔大, 基本出齊車, 士氣又唔係真係咁差
而且, 有一大班後備司機, 後勤有巴士牌又不計其數, 加上行跳飛機, 個個司機行好幾組線
要調動唔係好大難度
好似 ...

今次我認同你, 職工盟似乎唔多明新城"全民皆兵", 你搵個難攪的攪起先, 而且都係講緊2.2%, 使不少人有個錯覺-你為果0.4%而嘈, 更間接害了九巴果邊的工會, 帶唔出兩個更重要的點 - 要長工, 要雙糧

今次九巴果邊行出來帶頭的, 是一班年資長的車長, 他們本身有雙糧, 長工制, 只是為新入來的車長出頭. 經過幾天觀察, 其實如果九記果邊先罷, 無500人都有200人, 咁先有可能帶起個勢, 加上九記行ISO自己阻自己做野, 又沒有PART TIME, 車房, 寫字樓落場制度, 要玩起佢, 易過新城好多...你呢邊有200-300人罷, 對面海先有人敢行出來的MA

不過說到尾, 最奇怪是有議員租巴士 - 人家罷工, 就是要使用家不便俾壓力巴士公司, 你就搵車車晒D人走, 減少受影響人數, 到底, 你企邊一邊架?

原帖由 orange 於 2010-8-11 01:29 發表

所以呢次由一開始已經係失敗收場

當然如果佢9月真係玩4間公司一齊罷工,到時應該幾好睇,特別係九公司,
唔知可以搵幾多個退休及教車師傅楂車,始終城公司有一班兼職車長,一話
有新記楂已經報晒名,結果造就城公司班兼 ...

衰D講, 城記要是唔夠車, 村巴租其他公司行都得, 反正都CUT 得七七八八, 非專利雙層車出去做專利線都唔係第一次...

今次之敗, 時間唔岩(暑假), 部署唔岩(先港島後九龍), 玩慢駛再錯(巴士靠左,只會使路面更暢通)

原帖由 leslie 於 2010-8-11 01:39 發表

不過說到尾, 最奇怪是有議員租巴士 - 人家罷工, 就是要使用家不便俾壓力巴士公司, 你就搵車車晒D人走, 減少受影響人數, 到底, 你企邊一邊架?

議員們希望居民不會受罷工影響,自行出錢租旅遊巴其實原意雖好,但當
巴士站未有車返於是就急及不待出動旅遊巴,仲要停正4號總站前面,叫
居民上車,呢個場面同非法村巴站頭搶客無分別,好彩架車無收錢,否則相關
公司要收信,分分鐘連個A07牌都俾人釘左(雖然話當日係容許租車)

如果議員們真係關心居民利益,請不要再多多要求,要keep住幾多分鐘班次,
要有幾多架低地台車,路線不可改動,甚至將條線左改右改,玩殘巴士公司為止

PS:如果租車係敵我不分,有d議員掛條banner連邊間公司罷工都寫錯,或者某黨
社區主任整個街站派傳單叫居民留意當日交通情況?!始乎租車都叫有實際行動

原帖由 053h4 於 2010-8-11 01:58 發表


比我係議員, 我一定叫車車自己居民走啦
罷工係要對市民造成不便的話, 車人走巳經足以構成不便
一來限班, 二來限地點

結果某區議員租來的巴士坐唔滿,反而架新巴如常頂閘出中環

原帖由 PB602 於 2010-8-10 23:44 發表
無鐵路地區巴士服務大受關注，經此一役，南區區議員相信都唔會再對南港島線咁多挑剔，但求盡快動工。

如果今次是九巴車長先發起罷工,相信各區對沙中線的爭執是可以減少。

原帖由 LN9267 於 2010-8-11 02:37 發表


如果今次是九巴車長先發起罷工,相信各區對沙中線的爭執是可以減少。

我怕是沙中線只會使更多人向運房局問責, 該做不做二十年...