香港可否引入內地的「立體快巴」系統？

如果你看過優米網的短片﹐ 於5分50秒左右提及到逃生安全設施﹐就是你所說的﹐乘客會使用像飛機的那種充氣滑梯逃生。

飛機可以用充氣滑梯逃生, 係因為機場一般較平坦及空曠. 且機場方面可預先安排地方,
甚至暫停整個機場的運作俾出事的飛機降落及疏散乘客.

而一般街道呢...發生意外時, 如果塞車塞到無法疏散車輛的, 點放逃生滑梯呢?
即使有人可在短時間內疏散車輛, 一般街道兩旁必定有且密密麻麻的植物, 街燈, 欄杆等障礙物,
都係放逃生滑梯的障礙.

較可行的方法係沿兩邊支架整樓梯俾乘客逃生.
但考慮埋樓梯的尺寸, 所需樓梯的數目, 大概都諗到即使夾硬整到架立體快巴出黎,
效果一定比設計者所諗的大打折扣, 甚至係差過整番傳統的BRT, 輕鐵等.

原帖由 JN6854 於 2010-8-6 01:39 發表
大陸可以 香港不行
最大問題就係香港繁忙路面係咩車種都多
唔似大陸私家車(小轎車)佔多數

咪係……香港與其搞呢啲無乜效用嘅野，倒不如直接減少私家車嘅數量，鼓勵市民使用現有公共交通仲好啦。

駕駛室有大量盲點，加上如果有架高過快巴樓底嘅車喺前面死火，咁唔通要千四人白等？
仲有消防車點過？
總之呢個發明係用黎數缺點。

千四人..萬一係架立體巴出事冒煙/自焚，真係好難疏散得切.......

嗯..有危險會向後車響.咁響左會點?架後車會自己驚會識閃?定架快巴用火箭升上半空避
香港偶爾一年都兩三單有巴士貨車吊雞車入錯路鏟天橋.
如果一年有兩三部 蠟睇塊疤 比架吊雞車係中間開邊,唔知會點?

呢個設計真係低能到低能. 你估睇叮噹 架車係半空管道飄浮咩.
BRT對路面使用習慣都有唔細改變.
你仲整件"一車死,全市癱"的怪胎出來.
又唔識好似Trolley Bus咁爬頭.

都係果句...你諗大左喇...番去同枕仙傾計啦.

雖然好明顯宋先生係類似玩模擬城市遊戲太多既人,
但我都想讚賞一下佢既創造力,
我吾知道佢既成長背景係點, 但如果係起"中共大陸"上土生土長既,都可以諗到呢個
天馬行空既IDEA, 不得不佩服,同應該感到恩惠,

雖不說快巴本身問題, 只係其他道路使用者方面,宋先生似乎將佢地當成模擬城市遊戲裏面D車,人, 司機 都咁乖,咁有紀律.......
是但一架車/(司機) 玩野撞埋去, 有貨車起前面壞左, 有車起CUT 線時壞左OR撞左, 仲要D司機要適應突然有架龐然大物起自己架車上面, 左/右出現,而佢又可以突然停車, ,,,,

我覺得硬件方面技術上應該製造到出黎, 但係軟年方面,即要所有其他道路使用者都學識曬點配合就好困難...

其實一個咁唔成熟的計劃
點解有人會咁推崇佢要晌香港實行先?

有咁多實際因素都未能考慮到
同埋唔好以為香港司機的駕駛態度好過大陸諗住可以引入
的士, 紅 van 的司機有幾狼死
仲要間唔中晌條街整架唔知乜鬼黃色定黑色的跑車晌度左擰右擰
係咁易整花左, 成千人晌半空度等你地去理論? 日日塞車都似

佢宜家話年尾晌北京起百幾公里的試行路段嘛
咪等佢整好試勻先再諗囉
宜家講香港應唔應該引入, 係咪過份天真左少少?

原帖由 eric278 於 2010/8/6 00:44 發表
來源：NOW新聞台
深圳有公司已成功研發「立體快巴」系統，該款巴士高4.5米，寬6米，共四節車廂，可載客1400人，
最大特點是底部可容許私家車在立體快巴下駛過，若有大型車輛駛近或私家車試圖撞向立體快巴兩邊，將會發出警報。

據NOW ...

引入 "立體快巴" 好呀, 成架車霸晒幾條行車線, 啲巴士敗類就唔駛走出馬路影相, 香港道路交通安全好多。