新巴罷駛前夕看巴士工會運動

原帖由 eg9515 於 2010-8-7 00:45 發表
問準了作者同意的，忘了加，謝謝提醒。

其實好想知巴士公司d成本上漲左係邊度，點解次次都可以話加價呢﹖將對立面放在司機與市民上，並不公平。 ...

巴士公司除左燃油同折舊成本，可以肯定地話下一樣就係工資。
燃油近一年無太大上落，折舊開支亦唔見得有暴增，
唯一年年增加既，正正就係工資資出，
九巴只要為每個員工每月加一百蚊人工，一年開支增加係以千萬計。
新城規模無咁大開支增加無咁多，同時新城亦賺少好多錢。

我唔係要將對立面放o係司機同市民上，
但事實係薪金增加自古以黎都無咩可能跑贏通脹，
而事實上亦唔見得依家巴士公司俾司機既增幅跑輸其他私人機構好多，
對於普通市民黎講，實在好難說服佢地用自己既不便換取你去加人工。

雖然咁講好似好自私，
但始終係事實。
加人工係好事人人都想，但事實上依家的確係拎市民做籌碼，
若果巴士公司做法係大眾覺得過份，而司機連年訴求真係好卑微，
我相信就算罷工令市民不便，市民既反應同依家係會唔同。

[ 本帖最後由 3ASV174 於 2010-8-7 00:58 編輯 ]

其實爭取員工權益唔係問題，但為公司加薪同心中目標相差0.4%(一個月只係差$40，一日差$1.3)而去搞罷駛，我覺得係職工盟為同工聯會鬥氣，多過為伙記。

巴士司機其實有更多比加薪更重要嘅問題，其中同飯碗最有關係嘅就係合約制。而家越來越多司機係合約制，一律兩年合約，職業唔穩定亦無保障，而且長工有雙糧而合約工無，同工不同酬。

你話工聯會係紙老虎，我同意佢無1989年咁激(當年六月發生過咩事大家心知，所以同年11月嘅大罷工你估本身無政治考慮？)，但至少佢今次爭取到合約司機有$1,800獎金，同埋多一張家屬證，無雙糧都叫有五分一糧。

如果你綠簿仔今次係爭取合約司機轉長工，我相信好多人都會支持。但而家為一個月嗰$40而去罷工，將市民做賭注，根本就不負責任。而且，如果合約員工本身份工都唔穩陣，又有幾多人敢同你玩罷工？真係唔驚無得續約？

就咁睇，新巴罷工對市民不便，對司機不但無咩好處反而仲會增加咗失業風險，最大得益者，咪又係職工盟自己(同埋李議員)嘅政治籌碼？

新鐵路落成對司機飯碗威脅極大，所以如果決心搞大，就應該爭取合約司機轉長工。司機一日係合約工的話，你搞咩都無用，因為唔會有太多司機敢冒險。

其實呢篇文章所反映的事實好清晰：中巴89 年罷工係因為乜野原因呢？筆者了然於胸，但無特別交代，畢竟我都有睇獨媒，獨媒嘅為文者一般認為站內嘅讀者對社會係有一定理解，上述有人唔理解樓主貼文的用心——反思今次工業行動的種種事端，從討論引發反思，而且，獨立媒體根本就不介意評論者有不同持分及意見，但，總不能因不同意見而減低對方的評價，這不是一種討論應有的態度，法國大思想家伏爾泰有句名言：

我並不同意你的觀點，但是我誓死捍衛你說話的權利！

這句說話很清晰，而且一針見血。對於樓上有言論威脅樓主的轉載被扣分，我看不出對方的提醒有善意，反而略帶狡黠地好像等著瞧樓主被惡評、扣分後所帶來潛在的幸災樂禍之空間。

好了，回正題：1989 年中巴罷工是基於退休金所引發的爭議，當年中巴以「入職時已簽訂回約，退休金的條件按入職時回約的釐訂為標準發放」，中巴工會在多次的年會中，提到中巴退休司機晚景淒涼，退休後保障不保，維生計也成疑，向資方提出改善要求，然而，中巴每年循例拒絕，但九巴有按年檢討，尤其在八十年代時調昇的額度以倍數計，以1980 年代計算，中巴的經營狀況、條件較九巴仍然為佳，雖然新界幅員廣大，但巴士服務的高峰僅兩味時間，其餘時間是維持規定服務，不及中巴坐擁著工商業區，有工務需要，中巴出車的盈利率亦較高，89 年爭議的關鍵，已不在於中巴的加薪問題，因為兩巴的人力資源上都處於短缺，有資料顯示，當年九巴基於缺勤，在80 年代一份5 年期的路線計劃中，未能悉數開辦全部路線，僅能按表開辦5 至6 成路線，餘下計劃，有部份被迫押後，有個別甚至處於擱置的狀態，例子，63X （沙田市來往屯門中的全日服務），兩巴互相派人到對面海大站頭、車廠附近派傳單，宣傳公司福利，挖角條件等，更於車身賣廣告宣傳，如果有留意雞與鴨全車身廣告的巴打們，相信會有印象見過九巴與中巴的全身招募廣告，故此，這不是工會的焦點

工人們認為，他們為公司效命，以那個年代甚至是他們入職的年代為標準，他們以巴士車長、稽查、維站、站長、水龍皇為終生職志，加上工人權益並不是社會上的普遍議題，工人們受薪，即使工作有一定的損害性（針對的是健康、身體、生理時鐘等），工人們都會接受，然而，他們意想不到的是，他們一生的青春貢獻於工作身上，退休金卻不能夠保障他們甚麼，甚至，以當年九巴的退休金幅度，最高的差別竟然是中巴的五倍：11 萬對2 萬4 千，2 萬4 千元，可能司機養老的醫藥費也絕不夠負擔，而當中巴工會意識到有這個問題時，中巴卻一而再、再而三拒絕另訂安排，明顯，是一再利用入職時的設計去欺壓工人，試問有那一個社會不會通脹（有！就在那個　　沒有共產黨沒有新……）。但是，就在89 年工會與資方談判破裂之際，工會竟軟弱下來，在關鍵時刻軟弱，工會的態度是怎樣，對維護工人權益的決心是怎樣？相信是人所共知，早年的香港工人，基於華人的結社意識之「上而下」傾向（拜中國人權威性人格所賜），普遍信納工會的決定，然而，工人在這個時刻絕對是信錯人，所以釀成罷工
這絕不是一句六月發生的事情可以一言以蔽之
在大是大非的關頭工會不與工人同甘共苦，在小事上也不要旨意他們代工人爭取甚麼蠅頭小利

路遙知馬力，日久見人心

多線鐵路通車，但城巴的盈利率仍然超出加價許可，申請被拒，老實說，巴士公司仍然有這個空間存在
今日你不支持他們爭取權益，結果公司為所欲為時，已經為時已晚，我不相信個別一次或兩次的影響是那麼嚴重，這遠比日後長遠的影響來得可怕——香港電訊
香港電訊在90 年代開放市場前，坐享鉅額盈利下仍大幅裁員，即使開放市場後亦多次照版煮碗，結束形成電訊業合約招聘的潮流，形成劣質經營、不良銷售手法、利用合約漏洞等層出不窮的手法經營，影響消費者觀感，受害者是誰？
當年電訊員工抗議，同情者有限...

1989年中巴退休金一事，紅簿仔一直都同資方談判，而且自8月開始已經威脅要罷工。到1989年11月底工會宣佈談判破裂，工會認為要跟會章另訂日子開員工大會決定是否罷工，而部分則司機認為既已經有幾百位司機在場，可以即時開大會決定，於是工會代表就同司機齊齊去北角大禮堂(中巴員工宿舍)即時開大會，然後決定翌日(11月29日)罷工，絕唔係你所講嘅「工會竟軟弱下來，在關鍵時刻軟弱」。

另外，同年發生咗一件事，當年加人工談判，中巴開價9%，紅簿仔開價18%，最後還價14.5%。但係中巴突然同中華巴士職工會(就係而家嘅綠簿仔，阿輝哥所屬嗰個)達成協議加10%，於是搞到紅簿仔非常不滿。

你講到香港電訊裁員做例子，正好印證我上面所講嘅，而家巴士司機合約制，巴士公司要減少人手時，根本唔需要「裁員」，只要唔幫司機續約就得，而且合約司機無雙糧，即使人工一樣年薪都比長工低8.3%，呢個就係我所講更嚴重嘅問題。司機職業唔穩定，又點同你罷工？但係，而家搞到罷工咁大件事，原來只係為一個月$40，但飯碗問題呢？原來唔係爭取範圍，加$40人工已經要罷工，咁真係炒人時工會仲有咩計？綠簿仔唔通去燒車？

電車工會都係工聯會屬會，最近電車公司改更表搞到滿城風雨，人地唔駛罷工最後都可以迫公司取消新安排，如果俾著職工盟，一定又話罷工。工業行動首先要有理有節，議題本身得到大部分市民支持，然後續步升級。好似1989年罷工咁，先掛橫額，貼海報(較年長板友應該記得紅簿仔當時喺每架巴士都貼有「做滿三十年，只得二萬餘」)，同市民講中巴退休金制度有咩問題，然後先一步一步去到罷工。

職工盟等永遠將勞資關係處於對立面，而且一味靠嚇，事無大小年年都話罷工。外人睇嚟就以為係「李議員幫工人爭取權益」(正好撈取政治籌碼)，司機自己就有苦自己知，無理由為$40冒無得續約嘅風險，於是次次都係雷聲大雨點少，司機被擺上檯，而到最後新巴加人工有無鬆手咗？無。合約員工福利有無多咗？有，不過唔係綠簿仔傾番嚟...

謝謝DT716@71A及PB602兩位版友的詳細回覆，兩位同唔同意我將上述的留言轉貼到獨立媒體，讓更多人看到﹖

話說回來，我覺得與巴士市場的競爭環境，也與司機的待遇有關，近年巴士quota制，新鐵路不斷開通，都對巴士司機的就業造成愈來愈大的壓力，我當然認同這不是1989年。

不過不論是1989年還是2010年，勞資關係的不平等都是一樣的，只是現在公司的議價能力更大了，如樓上所說，一個月$40炸，咁都唔放﹖

至於89年的工聯會會員大會，據文章指是工友脅迫工聯會，工聯會才願意罷工。至於當時輝哥所在的工會，不是綠簿仔，當時是在國民黨領導下的工團的工會。

1.  罷工當年係好大件事，要經會員大會通過，只係司機認為既然已經有好多司機在場可以即時決定，根本唔存在威脅問題。紅簿如果無心罷工的話亦唔會8月時已經同公開講唔排除罷工，而最後一罷就罷兩日。輝哥雖然同人地政治立場唔同，但咁樣屈人好唔公道。

2.  職工會根本係同一個會，只係以前跟工團，後來轉跟李卓仁，當時好多右派工會都係咁。

3.  抱歉小弟唔想文章轉去獨媒。

原帖由 053h4 於 2010-8-7 01:02 發表
最好星期一新巴罷工, 港島一片大亂, 從而加速鐵路的上馬, 行業改革
根本好多現時的交通政策, 都係保障現有的既得利益者, 包括專利巴士, 小巴片主, psl持有人
對運輸行業都唔係好事

而九巴有年報, 成本上漲係咩地方, ...

咁你要搵鐵路大好友鄭家富傾下計喇
起碼南港島線東段唔係用細車行先喇

既得利益者？又唔見D人為R仔爭取利益？佢地都係搵食艱難呢...

[ 本帖最後由 victor888 於 2010-8-7 13:49 編輯 ]