閏月問題幾個

1)是否每隔一年會閏月一次(a)；再隔兩年又閏一次(b)；
然後再(a)(b)>(a)(b)>(a)(b)的不斷重複?

2)閏哪一個月取決於什麼因素?有沒有規律?

3)農曆哪個月大(30日)?哪個月小(29日)?為什麼好像每年都不一樣？
這跟閏月有沒有關係？



謝謝!;)

>2)閏哪一個月取決於什麼因素?有沒有規律?

有.
24 節氣中有分"中氣" 同"節氣"
中氣規定要在農曆某月份出現, 如:
雨水在正月, 春分在二月,.....,冬至在十一月, 大寒在十二月.
而節氣則無此規定.
(如: 立春係最好既counterexample.
立春可以在正月, 或十二月.
農暦年內冇立春者, 稱為盲年,
即立春在去年十二月and 來年正月發生, 導致呢一年冇立春.)

陰曆同陽曆, 差10 天21 小時.......(約11 日)
如果不定中氣的話, 咁若干年後夏至會在十二月發生, ie 陰陽曆相差半年....
(做個粗略評估: 每年差11 日, 要差半年約182 日就需時16 年.)
定了中氣的話, 咁多出個29或 30日會成為閏月.
(此三十日不含中氣, 因為如前所述,
中氣規定了在某月份出現, 因此不能在閏月出現)
而閏邊個月, 就視乎這閏月前係咩月份.
例: 二月同三月中間加插一閏月, 就叫閏二月.

>1)是否每隔一年會閏月一次(a)；再隔兩年又閏一次(b)；
>然後再(a)(b)>(a)(b)>(a)(b)的不斷重複?
承上, 睇返真實, 11*3=33, 即三年內陰陽曆差33 日(約一個月)
咁好順理成章, 三年會有一個閏月, 與現實脗合.
如此類推, 就會出現5 年2 閏, 19 年7 閏等結果.
(聽說19 年7 閏會使陰陽曆既相差減到最少........)
咁樣應該間接回答到第一題........
但注意, 這裏並沒說明19 年7 閏係點閏法, 只強調19 年內要有7 閏!

又講少少題外話,
因為19 年新舊曆相差較少, 因此有人19 歲新舊曆生日重疊.
但亦有人38 歲先第一次重疊.....(我自己就要到57 歲先有第一次重疊)
38, 57 等都係19 既倍數
大家有興趣可以睇下自己新舊曆生日幾時重疊:

可參考:
http://www.fushantang.com/1002/b1000.html

ps 好複雜, 打完篇文後有少少唔知講緊乜tim.....xd

[ 本帖最後由 av220 於 2006-1-6 13:04 編輯 ]

原帖由 av220 於 2006-1-6 00:52 發表
農暦年內冇立春者, 稱為盲年,
即立春在去年十二月and 來年正月發生, 導致呢一年冇立春

雙春之年就必定有閏月,即係指雙春'兼'閏月係多余既?

原帖由 hkicq 於 2006-1-6 17:43 發表

雙春之年就必定有閏月,即係指雙春'兼'閏月係多余既?

某程度上係.
因為通常一個農曆月最多得兩個節氣. (通常而已, 亦有例外.)
要"雙春" (i.e. 由立春到立春) 就即係要有25 個節氣,
換而言之, 正常係要13 個月先做到.

可參考
http://staff.ccss.edu.hk/jckleung/xue_qu/calendar/calendar_2.html