請問機鐵青衣至香港站一段是多餘的嗎？

根本唔係資源問題，機場快線仲快過東涌線於青衣轉機場快線，
而且仲保證有位坐。

個價set到咁貴地鐵已經知道冇可能令到成架車滿，俾100蚊可以
保證快同舒適，俾東涌線，如果太迫，行李都未必入到去。另外，
如果機鐵減價，結果坐滿o既，咁仲有寧靜o既空間嗎﹖

想講o既係set o既票價唔係睇一程車，要睇俾到咩服務。好多巴士
地鐵車票一定會貴o的，因為考慮到其他時間人流少等問題，要
set高少少去補貼，維持應有o既服務。

如果冇機鐵，可能o的人寧願去搭巴士。

地鐵網頁有寫用最平同最快方法，已經係俾你捒，咁我由旺角去將軍
澳，過兩次海，唔通又真係逃票咩。

有時好多野唔係要set咩rules去防止，票價點定已經解決，機鐵只
要有一定乘客量 (唔一定坐滿)，同相應車資，結果所出來的乘車
環境，除左部乘客會選搭，機鐵亦未必虧損。

其實九龍站僻靜原因係附近仍未完全發展,而且似遠離市中心咁,
但當完全發展(西九設施、上蓋商廈落成後),九龍站相信會好熱鬧

至於青衣至香港站一段是多餘我並不認同
AE係一條專為機場而設的鐵路,路線直達市中心係要方便旅客
無可能話市區一段係多餘

1.請問地鐵容許這種「逃票」方式由機場/博覽館往香港/九龍站嗎？
A:這也不是逃票,人家有選擇權,難道住在旺角只准在九龍站上車?

2.若上述理論成立，而時間問題不是乘坐機鐵的主要因素。
您認為香港/九龍站入閘坐機場快線往機場/博覽館屬於愚蠢行為嗎？為甚麼？
A:我不認為香港/九龍站入閘坐機場快線往機場/博覽館屬於愚蠢行為,不同地區的人需要坐AE,可選擇香港/九龍/青衣站入閘坐機場快線往機場/博覽館,故此這不是愚蠢行為

3.如果機場快線只有青衣至博覽館站一段，東涌線鐵路及和青衣站會有甚麼危機？
A:假如只有青衣至博覽館站一段,相信好大件事,遊客、青衣居民肯定怨聲載道(青衣居民早上繁忙時間可選擇坐AE出市區)

原帖由 CPY 於 2006-1-6 14:29 發表
如題，既然有免費地鐵接駁服務，
來往機場/博覽館及香港/九龍站的乘客大可以在青衣
出/入閘然後轉乘東涌線往香港/九龍站，以逃避昂貴的車費支出，
亦避免浪費不必要的資源。

(以上內容，有錯請指正。)

呢段原意係想把東涌及機場客分流,
可惜AEL收費超貴削弱左自己係市場的競爭力,
免費接駁只係亡羊補牢做法,
想不浪費資源, 就好簡單, 將價訂係$30至$45之間,
搶返d 客返來。

我上星期因為機票要在機場拿, 不能在市區預辦登機, 就試過
在九龍站先乘東涌線再在青衣站轉車去機場。由於東涌線和
機場線本身已經疏車, 咁樣轉一轉隨時比原來一線直達慢了十
幾分鐘。機場線全程都係廿幾三十分, 咁樣慢十幾分係十分
明顯o既延誤。再加上青衣站轉車唔係對面月台, 而係要出入
閘再換層, 我認為青衣站轉車o既方法唔算係嚴重影響機場線
o既生意, 尤其係對搭飛機o既乘客而言。不過呢個方法就可
能有機場員工採用。但佢o地日日搭, 你想佢搭的話, 都要畀
o的優惠佢, 否則佢大可轉為全搭東涌線或巴士, 反正轉來轉
去o既機場線, 延誤十幾分, 吸引力已大減, 到時地鐵賺得更少。

機場快線是方便飛機客為主的, 定位就係坐得舒適, 大部份
時間一定有位, 要飛機客o係青衣轉地鐵太不像話。這大致
是地鐵預計之中。

其實只是好簡單, 一分錢一分貨的道理, 正如點解有人坐九鐵頭等(車程都一樣),
點解唔坐e21, 坐a21去機場一樣...

我只可以講, 那一段一定唔係多餘, 因為直接快速列車出到市區係交通同時間上好重要,
尤其香港係商業城市...如果AEL 只到青衣, 只會唔拖唔水....兩頭唔到岸

原帖由 gakei 於 2006-1-7 12:41 發表
不過呢個方法就可能有機場員工採用。但佢o地日日搭, 你想佢搭的話,
都要畀o的優惠佢, 否則佢大可轉為全搭東涌線或巴士, 反正轉來轉
去o既機場線, 延誤十幾分, 吸引力已大減, 到時地鐵賺得更少。

我諗就算機場員工都好少會咁做。
一來佢地本身可以用好平的價錢搭機場快線，
二來如果要慳錢的話，倒不如先搭巴士到東涌轉地鐵。
所需的車程只係再多十分鐘左右。

原帖由 s3n370 於 2006-1-7 12:53 發表


我諗就算機場員工都好少會咁做。
一來佢地本身可以用好平的價錢搭機場快線，
二來如果要慳錢的話，倒不如先搭巴士到東涌轉地鐵。
所需的車程只係再多十分鐘左右。

For airport/Check Lap Kok area (HACTL/Cathay/Dragon Air,etc.)  staff, the discount is around 60%, i.e. $22 from Tsing Yi to Airport.

如果無記錯的話,機場員工搭AE出入機場只需$21一程
無須要左轉右轉入機場