12/8 新聞透視 (街道命名)

街名，個人認為至少有2大用途：
1.辨別地方   2.當地特色
《新聞透視》節目中，以市民對街名的認知，以及歷年新路名創作方法比較，
指十幾廿條天x路比不上特色街名易記，個人不能完全同意。

大角咀樹名、啟德飛機型號、油麻地外貿地名，的確成功表現當年特色或別具一格，甚至增強居民歸屬感。
但放在今天與天水圍天x路比較，街名雖容易辨識，但卻更難記，有時仲會唔知條路嚮邊度。
天水圍天x路起碼記得個「天」字，知道好大機會嚮天水圍。
但係講到延文禮士路、邊寧頓街、下亞厘畢道，難記亦都認唔到地方。

如果應節目中要求般起易記的街名，天x路、樹名、飛機型號、外貿地名都不見得好。
最好可能係樓上提及的數字排序，如天一路、天二路、天環路、天心路(市中心)，
可以分成「南北向=單數、東西向=雙數」。又或者係「南北向=天x路、東西向=水x路」，
中間果隻字可以用數字，不過可能會有人嫌老土、大陸化。

我諗節目中訪問的士司機，佢地個難處都係個客話去天ｘ路，但佢地都唔知天ｘ路的位置，
要「怪責」的話其實係佢地冇做好功課，雖然做左幾十年嗟，放本地圖在車上也不是很難為情吧？

不過，天水圍周圍都係住宅區，好難話一邊學校、一邊住宅、一邊公園咁，
一些主要道路地標（例如頌富輕鐵橋）又唔係一定見到，講真如果睇熟地圖認樣唔認名的話，唔難，
但當人地畀你的資料只係一個路名，就真係好巧司機的功力喇。

將軍澳呢，可能因為我成日都去寶林坑口一帶，所以都記到，
但我媽幾年前都試過，當時91M總站仍在安寧花園，
我媽在坑口問人邊度有得搭91M返市區，冇人知，因為那些人都係足不出區的。

睇完個節目，我覺得地政總署係學了房屋署起屋邨／屋邨樓宇的一套來命名街道。

原帖由 wilsonli321 於 2010-8-13 22:07 發表
其實新市鎮 D人唔識路名,
根本就係因為新市鎮路名功能不大
新市鎮既板塊設計,記屋村方位就OK晒
唔洗點講門牌NUMBER,
居民日常根本冇乜需要用路名
用「天」字輩,一定好過唔用

爬了幾板文,大家似乎俾 TVB 先入為主有 ...

其實個節目有兩大謬誤
第一,講緊街名新不如舊
過往街名有歷史典故
自然多人記得
但天水圍,將軍澳,東涌的地方係新發展區
好多地方都係填出來
點會有歷史典故?
一次過要命名十幾條街道
你想人地點樣?
自然用「天」同「唐」字頭啦
新地方要人記得係難d啦
彩榮路起樓,一條新路自然要一段時間先有人會記得

第二,講緊新街命名欠缺創意
節目已經講到地政總署命名街道時
會參考附近地方
例如「橫平山南路」係因為附近有條「橫平山東路」
「博泉徑」就因為附近係水泉澳
有創意唔等於實用
就以最近的「上角山路」為例
就係因為附近係上角山,所以先叫「上角山路」
上角山附近既路唔係叫「上角山路」
咁住係上角山既人會點諗?
你想香港街名有創意
但你都要考慮個面居民的感受
迪士尼個帶的路就真係夠晒「創意」
講完都無人知你係邊

原帖由 64K 於 2010-8-14 01:37 發表

其實個節目有兩大謬誤
第一,講緊街名新不如舊
過往街名有歷史典故
自然多人記得
但天水圍,將軍澳,東涌的地方係新發展區
好多地方都係填出來
點會有歷史典故?
一次過要命名十幾條街道
你想人地點樣?
自然用「天」同 ...

你o既第一點, 現今o既舊街道不少以前都係新填海得來, 同樣係新區, 當年都無乜歷史/典故可言, 大角咀深水埗個埋 x 樹街當年可能同天水圍o既天x 路一樣咁難記
(我呢d 住新界o既人咪一樣覺得d x樹街難記), 但大角咀居民用得多d 街名就會熟, 所以無線以 "因為街名無意思, 所以難記" 做論點, 根本就係捉錯用神,
難記與否同個名有冇意思無關, 而係居民使用街名習慣問題。

因此, 我比較關心係, 街名有意思與否, 而唔係難記與否。
有意思街名系列難改嗎? 睇下百科全書, 睇下字典, 應該有好多靈感。

第二點, 居民接受程度, 我同意都係地政署要考慮o既因素,
因此改名都傾向保守, 少做少錯,
所以呢個年頭o既新街名將來睇返都係相當有公務員特色。

[ 本帖最後由 leochill 於 2010-8-14 09:03 編輯 ]

我諗起九龍塘既街名, 以前會用英國地名, 如劍橋(Cambridge)、牛津(Oxford)、沙福(Suffock)、羅福(Norfolk), 但響沙福道附近兩條路就叫多道 (To Fuk Road)同添福道(Tim Fuk Road), 真係求其得可以

講創意我覺得紅磡灣三條「愛」、「建」、「華」真係正, 咁都畀佢諗到用街名刷鞋

原帖由 jpoon 於 2010-8-14 09:05 發表
講創意我覺得紅磡灣三條「愛」、「建」、「華」真係正, 咁都畀佢諗到用街名刷鞋

你漏了排頭位的「仁勇街」。

原帖由 leochill 於 2010-8-14 08:52 發表

你o既第一點, 現今o既舊街道不少以前都係新填海得來, 同樣係新區, 當年都無乜歷史/典故可言, 大角咀深水埗個埋 x 樹街當年可能同天水圍o既天x 路一樣咁難記
(我呢d 住新界o既人咪一樣覺得d x樹街難記), 但大角咀居 ...

我諗最簡單直接改街名的方法
就係用地名的一個字搭第二個字
等於天水圍要諗一堆「天」字頭再搭第二個字的街名
係就係無咩意思(或者你信地政署個解釋)
如果你想一系列個名唔難
但唔代表d人會容易記得
或者係叫特區政府自創系列

再者,好多人話街名新不如舊
節目又唔引用實際例子
如果料壆唔叫「料壆路」
橫平山一帶唔用「橫平山南路」
上角山唔用「上角山路」
咁佢地應該叫咩街名呢?
節目出街前就剛剛有一條「上角山路」
點解電視台唔走去問佢地對呢個名點睇?
節目搵黃英琦批評現時街名改得唔好
唔問下點解區議會逢出必過呢?
或者當地居民點睇呢?