童年之回憶–鐵都(7p+長文)

記得係我好細個陣時，鐵都係我心目中又愛又恨嘅車型
中意就係依批車就係因為我第一次坐巴士車型就係鐵都，嗰時日日返學放學都係坐521(即係依家嘅K51)，又好「的色」，而且個偈聲又非常好聽。
不過，就係因為成日坐，就開始坐到厭，當時九鐵又有批新嘅6系行A73同A52(即係依家嘅K52)， 令我好想521有6系行，但當時九鐵又冇將6系調去行521，而且鐵都又係冇冷氣，次次夏天坐鐵都都流好多汗，令到我嗰時對依款車型可以用「恨之入骨」嚟形容。
到左2004年左右，突然有大量LA、VA行左鐵巴線，嗰時我真係好開心，終於K51有冷氣車行，唔洗次次上車前都要帶張手巾，而且我嗰時又未過新巴D車，突然有咁多新巴車行K51，嗰時我真係覺得真係一個天賜良機，一次過滿足兩個願望。由嗰時開始，我就冇再坐過鐵都。
到左2005年三月初，有日我放學係屯門市中心等K51，不過嗰時就嚟左部鐵都行A59(嗰時A59差唔多取消)，由於嗰日我默書唔合格，所以我嗰時心情非常差，我就唔理係咩車型都照上。嗰日A59好少人坐，一開車聽到個偈聲，又有一陣涼風吹埋嚟，當時真係煩惱平息，而且我坐嗰時有種講唔出嘅舒服感覺，令到我想下次返學再坐返A59，想再感受多次嗰種講唔出嘅舒服感覺。不過到左下個星期一(2005年3月7日)我返學想坐返A59時，我一望返個站牌，我當場呆左，A59個編號已經被K53取代左(嗰時K58未經置樂)，之後我都再冇見到鐵都。嗰時真係冇諗到，嗰一次坐A59居然係我最後一次坐鐵都。

昔日光輝不再，依家只係可以留係度做雜物房





+plus+殘破不堪嘅鐵蘭

thanks of your watching

follow!!

請問嗰架車頭仲係攪牌布嘅109 有冇俾人留起咗呢？

題外話, 咁多新巴座椅, 係由邊d車度換出黎?

原帖由 HU6455 於 2010-8-12 02:47 發表
題外話, 咁多新巴座椅, 係由邊d車度換出黎?

係D新巴二手躉座椅...

鐵都 .. 果時仲細 .. 只係記得好震 .. 好逼 ..
但坐上層吹得真係好舒服

A59


K51

原帖由 HU6455 於 2010-8-12 02:47 發表
題外話, 咁多新巴座椅, 係由邊d車度換出黎?

新巴二手躉D凳，因為依排D七系換V凳同皮凳，所以有咁多新巴凳當垃圾咁樣放係度

講開鐵都, 記得佢d座位係好軟, 好似中巴d冷氣巴咁