[新聞] 九龍南線谷客 港鐵市佔再升

原帖由 kei_hk 於 2010-8-16 11:39 發表
而我自己每天早上都由青衣坐mtr 去紅磡﹐在南昌站轉坐西鐵去紅磡方向﹐以及黃昏坐相反方向﹐轉車的人數也不少。雖不肯定這批人在何地出發﹐但單以轉車人數來看﹐南線是增加客量的重要因素。

九龍南線提供的轉乘選擇是十分吸引的，
我親耳聽過有人在屯門住，在中大返工，唔去搭263，竟然係搭西鐵到紅磡轉東鐵。
以上例子，假如佢係住兆康一帶的話，更加唔使諗巴士，一定係西鐵。

未有九龍南線前，九龍站、南昌站一帶要往九龍東，
一係北上去到荔景，一係南下過兩次海，巴士選擇又唔多又無可避免會塞車。
有了九龍南線，我在西九倒數完返鑽石山，就唔使走返過海同中環班人迫。

以下例子，我唔肯定係我聽到，定係我自己的想像：
有人可能住大西北，在旺角政府合署返工，係會搭西鐵到紅磡轉東鐵上返旺角東站。

[ 本帖最後由 DIH 於 2010-8-16 12:53 編輯 ]

我都識人住屯市返中大
雖然巴士係快十分鐘，不過佢話屯公成日間唔中又撞一撞，坐西鐵唔會頭暈（可睇 notes 玩 game），加上又平一大截，巴士又一樣要轉車，所以都係東＋西
遲到？坐 44 轉火車

我學校就喺奧運，我就住九龍塘，我都成日南線轉兩次車
一來比旺角東／旺角行少好多路
二來比旺角東轉小巴平
三來西鐵朝早入屯門實有位，嗰三個站都足夠舒舒服服（比小巴）睇報紙
南昌又只係過對面
時間差幾遠？慢 5 分鐘咋

以前返學遊車河，唔喺荔景轉而喺美孚轉，嗰陣往香港月台人數一定比而家少得多

[ 本帖最後由 bananasims 於 2010-8-16 13:31 編輯 ]

我家樓下往紅磡的邨巴都因為佢一早已經由三班減到兩班...勁無奈...

其實我屋苑附近好多人都鐘意搭邨巴，只係有好少數在總站上車嘅人改咗去搭輕鐵轉西鐵綫，
改到得返兩班之後，頭幾個站已經上滿咗，無得載其他站上嘅客。

我試過過搭頭班嘅時候，有人在總站上車預先買位留俾後幾個站上嘅朋友，
但係有人中途上到來見到佢呢個係最得一個位但係無得俾佢坐而大發雷霆...

都唔明有關政府部門做乜要 cut 呢條邨巴嘅班次，
呢條邨巴線，除了總站和九龍的落客站係輕鐵+港鐵的服務範圍外，
其他站上嘅乘客係無幾多人願意搭港鐵 K 巴轉西鐵綫 ga....(因為K 巴太浪費時間了)
攪到原本搭開公共交通工具嘅人轉為自己駕車出九龍，咪同佢大攪鐵路網絡嘅原意背道而馳  lor....

cut 巴士班次之前，唔該有關嘅政府部門同區議員睇清楚 d 你哋想 cut 嘅巴士服務範圍先啦！

原帖由 DIH 於 2010-8-16 12:51 發表

九龍南線提供的轉乘選擇是十分吸引的，
我親耳聽過有人在屯門住，在中大返工，唔去搭263，竟然係搭西鐵到紅磡轉東鐵。
以上例子，假如佢係住兆康一帶的話，更加唔使諗巴士，一定係西鐵。

未有九龍南線前，九龍站、南昌站一帶要往九 ...

住兆康出旺角行街也會用此方法 , 好過67X行4個字先上公路, 或美孚行去地鐵之後再迫,而且又有半價

原帖由 horta 於 2010-8-16 17:14 發表
住兆康出旺角行街也會用此方法 , 好過67X行4個字先上公路, 或美孚行去地鐵之後再迫,而且又有半價

事實上九龍南線通車後
旺角東站南行月台多左好多人上車

我正在想,港鐵高層看到近年客量增加,心裏是大笑...........
不過,巴士公司近年客量下跌就「苦瓜乾」。
(轉自明報中某圖片)

[ 本帖最後由 daiteioh 於 2010-8-16 21:56 編輯 ]

原帖由 ate_58x 於 2010-8-15 10:04 發表
如果咁加法....好快香港嘅交通費就會係全亞洲最高

按今日匯價、你係東京坐一個都營站要港紙15蚊,metro要港紙14.4蚊

原帖由 herman15hk 於 2010-8-16 23:27 發表

按今日匯價、你係東京坐一個都營站要港紙15蚊,metro要港紙14.4蚊

剛從大阪回港，搭一個站地鐵要 200 円 約 18.2 港元。

回正題，新聞內容之中除了提及九龍南線吸客之外，另一點係港鐵過海市場佔有率上升 1.2% 至 64.6%，這似乎與有些板友之前預測，東鐵綫縮短至紅磡會導致部份乘客改為轉乘隧巴過海不太吻合。