仇富現象

仇富現象的出現，大家覺得是甚麼的問題？政府？定係個人？

我覺得問題是出於各方面，但傳媒推波助攔是最大問題所在。

憎人富貴厭人窮, 似乎唔係近年先有...

基本上, 基於人的妒忌心態....

小弟認為“仇富現象”本身己係誇張的講法，最近針對富豪的頂多只係針對為富不仁的事件。
李氏股神固然因自訂樓層事件引起佐唔少風波，但有幾多人對佢起香島之巔起樓自用指指點點？
計我話如果真係仇富，股神背脊會比蒙古魯受更多箭。

香港人唔係仇富，只係仇「為富不仁」、「發財不立品」、賺要賺到盡的心態而已。

Noble姐（無綫劇《女人最痛》米雪的角色）話齋：凡事留三分！
自回歸後，呢三分逐漸縮少，至不知所終。

例如公共交通公司加價，員工薪酬相比之下加幅卻很小；
例如酒樓無故結業，之後以另一名義重開，請返原本的人，但工資卻低一截；
例如領匯大幅加租之餘，個體戶畀得起錢都唔畀繼續租，因為要畀大集團進駐；
例如旅行社竟然要導遊先掏錢買團，之後靠定點購物先有飯食，造成阿珍現象；
例如有一批人炒貴晒Ｄ樓，但其實唔係住既，想住的一班就買唔起，平樓又唔夠；
例如一些公司，高層開下會打下golf就幾十萬年薪，清潔阿嬸保安阿叔食飯卻一亳子都要計過度過；還有很多很多。

[ 本帖最後由 DIH 於 2010-8-14 12:29 編輯 ]

本來嫉妒有錢,係人的半個本性.jealousy一向都存在

但香港現在的問題係窮人越來越慘,但有錢錢人偏係係窮人身上搾埋淨番果滴血
本來你有你有錢住係半山,我有我窮住係木屋區,你冇踏爛我飯碗各取所需就互不相干
最弊有錢人係窮人的基本生活上面都要赶絕入窮巷.
你有乜辦法唔仇富.
大佬.我想住, 你玩縮水樓鑽石廳公共空間高樓價
我想食,都比你d大超級市場/糧油公司托到個價高晒,品質又唔係好(油魚)
我想行,你又乜交通都加價
連用電話你都諗盡辦法去設trap去坤我錢
但我想出份糧,你就唔識加.
同赶盡殺絕冇乜分別wor.

富本身唔係問題. 你有能力, 話之你旁門左道
你搵到錢係你本事.
不過, 有錢但品衰就人人得宜誅之,,,,
依家香港好多中產家庭恃住有兩個錢就可以橫行
機本上大眾唔妥嘅係佢地個格. 所以"雞巴男"
條片正好反映有其母必有其子....現今社會新一代
真係不知所謂, 文又唔得武又唔得, 嫖賭飲盪吹就最得

仇富現象，已經唔係咩新鮮事
只係最近的數宗事件實在令人難以接受
例如雞巴男無理取罵，有幾個臭錢就認為搭巴士好陰公 (話時話點解要叫佢做雞巴男)
包致金侄女事件中，以家境優良為由減輕判刑

另外冇記錯的話，香港的堅尼系數已經接近0.6，好像已經係全球已發展的城市中最高
雖然唔可以和其他國家直接比較，但足以反映出香港的貧富懸殊的情況日益嚴重

原帖由 DIH 於 2010-8-14 12:22 發表
香港人唔係仇富，只係仇「為富不仁」、「發財不立品」、賺要賺到盡的心態而已。

Noble姐（無綫劇《女人最痛》米雪的角色）話齋：凡事留三分！
自回歸後，呢三分逐漸縮少，至不知所終。

例如公共交通公司加價，員工薪酬相比之下加 ...

對, 除佐針對為富不仁, 榨到盡的個案外 (實情無錢的人衰呢兩瓣, 一樣會俾人插, 只不過普羅大眾有幾多人會記起?),
提出仇富論的人有無提過其他現象, 說明香港人的仇富情緒正升溫? 不見得有.
香港人對以正道致富仍抱持相當正面的態度.

故此小弟甚至懷疑, 提出仇富論的人(小弟並非指樓主)背後有陰謀, 其實係想叫"你班傳媒同蟻民收聲啦".

[ 本帖最後由 s3n370 於 2010-8-14 16:21 編輯 ]

有乜仇唔仇富呀，唔衰邊有人仇？唔係點會同樣係地產商，長x硬係多人鬧，反而新x基又冇咁多人鬧。

原帖由 s3n370 於 2010-8-14 16:02 發表


對, 除佐針對為富不仁, 榨到盡的個案外 (實情無錢的人衰呢兩瓣, 一樣會俾人插, 只不過普羅大眾有幾多人會記起?),
提出仇富論的人有無提過其他現象, 說明香港人的仇富情緒正升溫? 不見得有.
香港人對以正道致富仍抱 ...

又或者講仇富論既人本身都冇用腦呢？

當網絡愛抱打不平者林忌都係FB講仇富論,
理應知道唔好認真對待呢D謬論。

我更關注既係, 當亂嗡當秘笈之風泛濫,
有幾多學生哥會以為吹水吹得勁, 就等於通識勁？

呢班知名網民, 以為某些鐘意亂講野既社會學者,
我尊重佢地既言論自由,
但佢地係咪應該負少少社會責任,
唔好成為一眾崇拜佢地既九十後既壞榜樣？