[問題] 鐵路隧道

原帖由 |_arco 於 2010-8-24 17:33 發表

難得mtr365可以咁方便
俾人咁路線圖就睇到車站出口去邊去邊
你地就個個幫佢趕客叫我唔好用

Arent you complaining that the information in that website is outdated or invalid?
If so then why are you cursing others asking you not to use that website?
Dont you think you are a bit contradictory?

By the way, wont you think the problems on the mobile version of google maps and other websites is possibly by your own device, but not the websites themselves? Shouldnt you take your devices and have a check? I cant see there are any problems pointed out by other boardmates when they are using their devices...

以下為長文，如有不便，請見諒。

原帖由 |_arco 於 2010-8-24 16:21 發表
答番mtr28a果句，港鐵手機版網站要開街道圖
係要先將成個pdf download落嚟，我知道有d朋友用528MHz嘅手機都未必次次開到
呢個pdf仲要差唔多成1MB，攞命咩

我答你，無錯，用手機上網隨時係攞命。
不過現實同我講，要順利入到去 mtr365 完整版睇某個車站出口既資料，
單係車站果一頁，當中涉及既圖片下載資料量，閒閒地超過5MB，
如果用一個較差既手機瀏覽器，唔知幾時會load晒100MB。
而且一個較差既手機瀏覽器，或者早期既3G 手提電話既舊式處理器，都未必可以load得到咁大段html script。

原帖由 |_arco 於 2010-8-24 16:21 發表

啱啱睇番呢個mobile version既Google map呢，果D車站出口有唔少都唔見左，好似長沙灣站A
1出口同埋九龍塘站既F至H出口
估唔到要係Google map睇出口都要交蘋果稅至得，都好陰公姐

可能我手上既儀器太勁，原來你部電話既Google Map係睇唔到車站出口。
不過我肯定大量電話用 Opera Mini 可以順利睇到，唔洗交蘋果稅。
另，出口資料係唔齊，你估香港所有網頁真係齊？
佢地都唔係非官方，mtr365都隨時有錯或未更新，你又上佢？

原帖由 |_arco 於 2010-8-24 16:21 發表

手機可以上網，就係可以俾你可以mutil tasking
例如你可以起身之後就食早餐，之後就出門口，響車上面先再搵出口去excatly 去邊條街
有緊急事發生當然無人想
不過如果mtr28a你話出門口搵定所有野，攪一大輪先出去嘅話
咁不如手機都唔好用，番番十幾廿年前咁，出門口前打俾對方話定邊道等就算啦
同石丹理話用56k上網就夠有咩分別姐

好想反駁一句：你真係坐緊時空穿梭機同我講野。
係屋企上網搵出口有無咁浪費時間？
屋企有寬頻上網嗎？上中原地圖打個大廈名好浪費時間嗎？（當你唔鐘意用Google Map，中原地圖夠準啦？中原網上地圖出現左至少10年。）
除左你用56k上中原地圖外，我真係唔知幾秒內一定完成既工作有幾麻煩。

而且，我斷估屋企電腦個Mon都點都大過電話，單係個網頁按鈕點都大過電話，
依個年代，屋企查地圖會幾乎無可能慢過或麻煩過電話，
我連用iPhone查Openrice都要講粗口，要即刻轉用netbook查，同我講電話一定方便過屋企？依個簡直係天方夜譚。
你根本上連屋企上網搵地方基本方法都未識，走去手機上網，明顯係「未學行就先學跑」既經典例子。

另一方面，香港大把人都仲係「出門口前打俾對方話定邊度等」，
依個根本同手機上網無關，亦唔見得係落後。

以下為真實例子，我有朋友唔太熟路，又唔係屋企搵定路（因為懶），又因為某D原因唔約定係地鐵站一齊黎（主要係自己遲到），
最後唔識黎，我係電話教佢點去搵地圖都唔肯（成塊街道圖係度都唔睇），接佢又唔肯，死都要我地等佢好耐自己搵路，
最後因為等佢太耐（成幾個鐘都未到），要我係電話「人肉導航」教佢黎。
我就係因為身邊有好幾個朋友就係咁，帶黎好多不必要既麻煩，約佢地睇戲簡直想死。
只要一早係屋企搵定路／約定一個地方等／拎地圖／睇港鐵地圖／比我教佢黎／比我接佢黎，
佢地肯做是但一樣，就唔會出現太大問題，問題佢一樣無做。

原帖由 |_arco 於 2010-8-24 17:33 發表

我上面已經講左話要用港鐵官方app，非要用iOS不可
依家係唔係咁好似蘋果咁霸道，要響街上網查港鐵資料就要用蘋果野，連用blackberry都唔可以？

難得mtr365可以咁方便
俾人咁路線圖就睇到車站出口去邊去邊
你地就個個幫佢趕客叫我唔好用

先生，查港鐵資料唔止用蘋果野，
成個維基百科係度，鐵路大典係度，特區XX交通網係度……
當你都唔鐘意，仲有大把網上地圖（因手機牌子而異）或者方法我都未數出黎，
再當手機唔得，仲有成個實物地圖／水牌係唔同車站，
唔好同我講真係無mtr365更方便既代替品，只係你解難能力差。

原帖由 |_arco 於 2010-8-24 18:31 發表

小朋友，呢個世界嘅手機唔係得sony ericsson 、nokia同apple嫁
至少smart phone仲有google phone 嘅android，blackberry OS，同依家Quaucoo嘅Brew
依家嘅trend，android 同 iphone OS嘅safari差唔多會dominate 個市場
如果再原地踏步，個網未收得攞

我知，我仲知有WM／webOS……無盡硬件同系統，咁又點？
Safari 只係得 iOS（前稱 iPhone OS）至可以係手提系統網到，你裝到 Opera 嗎？

硬件同軟件係死既，人腦係生既，
一個網頁唔得，上段提出左無數個方法比你，自己去處理。
唔好再用科技知識同我地講一大堆野，我想講 Search Engine 咁大，我真係唔信連一個代替網頁都無。
你自己睇下，Google查「尖沙咀站 出口」有咩結果：
http://www.google.com.hk/search? ... =&aql=&oq=&gs_rfai=

=====

好，一大段野講完，有三大重點想提：
1. 而家資訊科技發達，事前係屋企查目的地真係太快、太方便，只怪你自己唔識，而家學識，唔好同我地講好麻煩
2. 雖然資訊科技發達，手機 mobile browsing 唔係萬能，亦唔一定係方便（係我角度，手機上網既介面同埋搵野速度唔一定比桌面版快）
3. 真係緊急或有需要，唔止一個網站（或方法）可以搵到出口資料。記住人腦係生既，N個方法存在，再唔係，問路人或打電話問朋友求救都得，一個網站死左，個天唔會冧落黎

原帖由 |_arco 於 2010-8-24 16:21 發表

係呀我係拋緊書包
要拋書包都無辦法啦，香港嘅鐵路網站就係咁嘅質素
正如當年有人提出話香港BVE界應該要轉型做.csv format 都難到拉牛上樹咁
香港個鐵路界一日係小朋友當道，一日都會係咁樣

離題一講，你自己更值得反思依段內容。

[ 本帖最後由 dennis28a 於 2010-8-26 03:45 編輯 ]

原帖由 053h4 於 2010-8-25 21:26 發表

"灆用"定"善用", 就睇你點睇啦

不過咁講, 而家一般人要接觸同處理的資訊係以前幾十倍
你引條link, 係唔係真係咁有意義呢?

你朋友打比你, 一陣食飯某個地鐵站附近等, 而你又唔熟路, 有時間係車到睇定點去
好過去到地鐵站先睇水牌掛?
當你都認為tiwitter都有用過港鐵官網, 真係無問題?

無錯，你都識話「處理的資訊係以前幾十倍」，
不過而家亦有 Search Engine，一個網死左，用另一個網係唔係唔難？
港鐵官網唔用、網上地圖、wiki唔用唔用，
因為一個手機上網功能，可能令人連屋企上網搵定地圖都話麻煩，
之後用手機上死一個特定網頁，用唔到叫人執左佢，
咁叫「善用」智慧型手機上網？睇黎過份依懶手機而唔識變通，科技真係得意。

如果係我，車上面上唔到果個網，當我唔識上其他網，
咁有時間，去地鐵站睇水牌係正常做法，我唔覺有咩問題，
鬼叫我唔識路，又唔識係車上面其他網，唔係覺得睇水牌係麻煩同落後（根本無錯），
我唔明，睇水牌花既時間唔多，又唔麻煩，點解會講到咁麻煩同大件事。
我更加唔明，點解人地義務寫個網上唔到，會叫人執左佢咁無禮貌，當自己無責任。

另外，可能我真係大老，又或者我住市區（咁係我錯，係我既問題），
我唔明白係咁多人、咁迫、咁震、時間唔長既車廂入面，下下用咁細個 mon 上網搵路真係方便同舒服？
有時多人到我連車都未必落到，拎到部 iPod touch 出黎睇野，我都驚會比人撞跌。
比著係我，查定或係出口睇水牌會仲舒服、方便。
（我係巴士上面用 iPod touch Wifi 上網唔夠幾分鐘，頭都暈暈地，用 12 吋 netbook 都夠唔太舒服，真係咁好？）

離題一講，Tiwitter 真係快，不過我係指單方面發放「叫救命」消息，唔係指有用過港鐵官網／設施，
Tiwitter 係我角度已經係一種落後而過時既技術，我已經無咩點用佢（當然，因人或消息而異，除非真係打唔到電話，Tiwitter 對我既價值唔高）。

[ 本帖最後由 dennis28a 於 2010-8-26 04:32 編輯 ]