西鐵幾時多左靜音區?

原帖由 ahbong 於 2010-8-20 11:51 發表

唔好話邊個求其，不如話自己過份認真。

一個靜音車廂，本質上根本就係一個靜音區，所以將西鐵綫既靜音車廂，標示為《靜音區》，我就覺得毫無問題，亦唔認為乘客會被混淆到唔知邊度有靜音。如果你話港鐵將頭等既靜音區，標示為《 ...

月台o既指示仍然係靜音車廂o既時候,
車廂指示變左做靜音區, 唔多唔少對乘客o黎講會有混淆
好似一開始樓主出文話西鐵新增"靜音區",
本以為只係近車頭駕駛室附近o既範圍係冇聲,
但如果佢係寫明"靜音車廂",一睇就知係成卡都冇聲

偏偏係合併後MTR呢間公司就將沿本o既地鐵站/火車站等香港市民用慣o既叫法改口為港鐵站,
係呢D事上面MTR呢間公司係唔係過份認真呢?

原帖由 bananasims 於 2010-8-20 10:03 發表
無
嗰個牌好明顯的，白色底，尋日先見到，應該係新換
（不過我都唔排除我記錯 我好善忘）
九龍塘近 G / F 出口嗰塊我無留意係寫靜音區定靜音車廂，不過黑色底應該無換到 ...

好像這個? 攝於烏溪沙站

原帖由 KR4210 於 2010-8-20 14:46 發表

月台o既指示仍然係靜音車廂o既時候,
車廂指示變左做靜音區, 唔多唔少對乘客o黎講會有混淆
好似一開始樓主出文話西鐵新增"靜音區",
本以為只係近車頭駕駛室附近o既範圍係冇聲,
但如果佢係寫明"靜音車廂",一睇就知係成卡都冇聲

細心分析一下，如果月台都改名為《靜音區》，有機會令候車乘客誤會某部份月台係「靜音區」，而不知道所指的是「車廂的靜音區」。月台保留為《靜音車廂》，我就相信無乘客會誤會月台係車廂。

至於車廂內指示改為《靜音區》，正如我前文所講，係唔會對車內乘客構成混淆，重要既資料係《靜音》，而唔係《區》定係《車廂》。

偏偏係合併後MTR呢間公司就將沿本o既地鐵站/火車站等香港市民用慣o既叫法改口為港鐵站,
係呢D事上面MTR呢間公司係唔係過份認真呢?

朋友，論改車站叫法，數九鐵都未數到港鐵。九鐵將沿用數十年既「火車站」、「火車」，一口氣改名叫做「東鐵站」、「東鐵」，咁認真，下次有人同你講港鐵站、東鐵綫，你大可以繼續叫佢做火車站、地鐵站、電氣化火車，我相信絕大部份香港人都明白你講緊咩，同埋知道你夠認真。

原帖由 ahbong 於 2010-8-20 23:11 發表


細心分析一下，如果月台都改名為《靜音區》，有機會令候車乘客誤會某部份月台係「靜音區」，而不知道所指的是「車廂的靜音區」。月台保留為《靜音車廂》，我就相信無乘客會誤會月台係車廂。

如果係咁o既話, 即係MTR已經令機場快線候車乘客誤會某部份月台係"靜音區"

至於車廂內指示改為《靜音區》，正如我前文所講，係唔會對車內乘客構成混淆，重要既資料係《靜音》，而唔係《區》定係《車廂》。

如照你咁講, 即是唔想聽電視聲o既乘客不能夠清楚分辨該車廂"靜音區"在哪,
從而減少這類乘客o既乘車彈性

原帖由 48x 於 2010-8-20 21:06 發表

好像這個? 攝於烏溪沙站

印像中係用新細明體臨時印上去的，不過都要實地再睇先知
因為唔係好記得

原帖由 KR4210 於 2010-8-21 00:08 發表

如果係咁o既話, 即係MTR已經令機場快線候車乘客誤會某部份月台係"靜音區"


如照你咁講, 即是唔想聽電視聲o既乘客不能夠清楚分辨該車廂"靜音區"在哪,
從而減少這類乘客o既乘車彈性 ...

請注意，現時係討論西鐵綫上的情況，我亦按西鐵綫上出現的情況，作出分析，並認為港鐵的指示沒有問題及並無對乘客構成混淆，這個結論，與港鐵的其他路綫出現的情況並無關係，亦即是說，我可以認為西鐵綫上的情況無問題，但認為機場快綫的情況有問題；又或者，我亦可以認為兩個情況都無問題，而是板友強烈要求港鐵統一的要求無理及過份認真。

如你認為西鐵綫指示有問題，請先說出你的理據，而不是指出機場快線有這個情況，設定機場快線的情況沒有問題，然後就說西鐵綫與機場快線指示不同所以有問題，這樣並不能說服我改變我的意見，因為你的邏輯並不正確。

原帖由 091320906 於 2010-8-21 00:20 發表
為保港鐵而保港鐵,
咁厚面皮都係第一次見

呢位板友扣上保鐵的帽子，我認為應該盡快收回。現在是理性討論，不是文革批鬥，有建設性的意見我絕對歡迎。

[ 本帖最後由 ahbong 於 2010-8-21 01:09 編輯 ]

原帖由 091320906 於 2010-8-21 01:59 發表
同樣道理,
你早前既言論一樣有問題啦,
人地講緊港鐵港鐵,
你就走去話九鐵

同上，如果閣下就本論題確實有建設性的意見和大家分享，參與理性討論，一定會受大家的無任歡迎。

不過你要做言論糾察，咁就悉隨尊便，我無其他回應。