2010-08-22 NowTV - 尖沙咀區旅遊巴士泊位不足問題

原帖由 053h4 於 2010-8-24 09:37 發表


市區景點就一定唔應該限制進入

接駁車乘客唔應該自費? 咁多公交, 而家都有大量旅客係尖沙咀坐車去轉乘去佐敦, 紅磡一帶
香港公交發達, 坐兩個站公交絕對唔係什麼苦事

現時旅遊巴任意上落, 根本影響市民同道路使 ...

叫遊客用公共交通? 你有無腦架
呢D叫旅客接待? 到底旅遊業要點運作, 你唔識嘢就收嗲啦!
旅遊管理規劃咁解單, 就唔會有話去瑞士、英國、夏威夷讀呢科啦

原帖由 orange 於 2010-8-24 01:47 發表
就算將麼地道巴士總站改為停泊旅遊巴,都只係解決部分問題,始終
尖沙咀旅客景點甚多,由廣東道,北京道,海傍,尖東以至科學館一帶,
四圍都有旅客上落點,加埋貨車的士上落客/貨,要解決唔單係開放
一個停泊點就會見效 ...

同意的
現實D講, 無可能100%完全解決
只係响配套規劃 + 交通評估方面做得幾多得幾多
但政府都係當年D旅遊巴俾差佬瘋狂抄牌搞到幾乎暴動咁滯, 先至劃出依家的三十幾個錶位

原帖由 EH8842 於 2010-8-24 11:24 發表


叫遊客用公共交通? 你有無腦架
呢D叫旅客接待? 到底旅遊業要點運作, 你唔識嘢就收嗲啦!
旅遊管理規劃咁解單, 就唔會有話去瑞士、英國、夏威夷讀呢科啦 ...

根本佢將自由行同旅行團混埋一齊講

旅行團用公共交通
依家不嬲都有團貪過癮,晌尖碼搭巴士落旺角行
一行50幾人晌尖碼上車已經打爆半個上層咁濟
以新聞所見,三十幾架車再乘每架車40人(最少)
以公共交通既流量真係想知邊度再搵資源去接待呢千幾人?
如果條橋行得通既一早大力推行左啦

我唔清楚旅行團o係尖沙咀區實際行程點樣安排，但以我所見尖沙咀區算係停泊時間較短，
通常幾個字至半個鐘就上返車去下一個同區景點，例如星光大道下一站係尖東購物區，
如果叫旅遊巴泊去某一個地方，再等集合時間返黎接團友未必行得通，
因為可能有旅客行完/買完野想提早上返車嘆冷氣(雖然本身停車唔熄時已經唔岩)。

尖沙咀區周邊其實有旅遊巴停泊錶，分別位於渡華路、紅館旁、都會商場近半島豪庭、理工大學對開，
但係渡華路同都會商場附近經常俾村巴(伍氏兄弟同ABC公司霸左)，加上最初提過果樣景點停留時間問題，
一出一入尖沙咀區可以話十分費時兜路浪費油錢，所以除非景點對出有足夠泊位，如果唔係都難以解決問題。

另一個旅遊巴停泊問題地區可能係土瓜灣，沿住旭日街、崇安街、民樂街一帶較多購物地點，
而且相對尖沙咀，呢帶景點可能連埋食飯時間，令旅遊巴停泊時間更長，唔少師傅都會駛去另一處停泊兼食飯，
例如九龍城碼頭一帶，土瓜灣驗車中心對開都經常見到信成旅遊公司泊左o係非錶位。

[ 本帖最後由 on11358 於 2010-8-25 02:04 編輯 ]

原帖由 053h4 於 2010-8-24 09:30 發表


有接駁車唔坐要行?
真係有無諗過, 尖沙咀一帶有無合適的地方比大量旅遊巴上落啊?
另外, 尖沙咀的酒店, 歐美旅客及商務為主, 小型賓館係內地自由行, 大部份都係散客同坐公交, 一係就機場酒店通
影響真係無你講咁大
...

你本身係咪做開tourism or hotel ga?
一間酒店又冇話最多接幾多單group，同一時間幾單旅行團亦唔出奇，所以對用旅遊巴個需求都好難講。

旅行團客本身時間緊湊，要每次返酒店都轉一次車駁一次腳係唔現實的，因為控制唔到預定的出發時間，要預更寬鬆的時間等接駁車，走失一兩個就大件事。
有d group唔係旅遊，係商務性質既，如果係趕住集體出席會議既，仲要搭一程車駁腳，都唔知下次仲接唔接得返單生意。

先唔去講運力能否應付以及團友管理/安全問題，旅客跟團
其中一個期望就係交通上有專車接送，如果叫跟團客去逼
巴士，會令服務水平同客人期望有落差。

況且經常出現額外幾十人在同一個巴士站上車，以及如何
確保所有團友都在目的地落車，都會為車程帶來額外時間，
會為一般乘客做成不少延誤。

[ 本帖最後由 fai 於 2010-8-25 09:23 編輯 ]