原帖由 LKlong 於 2010-8-22 23:03 發表 
我嬲的原因是因為假如一架算是激特的車又快退..可以影竟然被人破壞了
你的心情會點
有時有d野唔好睇得咁嚴重...
學版友話齋,普通乘客一個
佢想做咩未由得佢做囉
佢做咩有佢既自由,你亦都奈佢唔何
每個人都未必會願意上鏡既
當自己係架巴士上面,突然見到有人係路邊影架巴士,每個人都會有唔同既即場反應:
有d人會另轉面刻意迴避
有d人會好樂觀,當冇事發生,甚至會向鏡頭揮手/做勝利手勢
有d人則會好反感,甚至好似張相入面咁...
你有你影車,佢有佢做無聊野
又使乜睇得咁嚴重呢?講到好似人地同你有仇咁
簡單d講,人地做小動作又冇阻到你,相又一樣影到出黎
若果你係以睇巴士相既角度去睇呢幾張相,根本就唔會太介意車上面既人做咩手勢
反之,若果你淨係一味去留意車上面乘客既小動作,係雞蛋入面挑骨頭,張相角度再靚都唔會識得欣賞
唔係話唔可以開文抒發,而係冇必要用太嚴肅既心態係呢d小事上
我既心情會點?既然自己要影既目標都影到,而且質素唔差,仲想有咩要求?
唔通要車上面既人都依足你要求,個個坐定定先得?
人生流流長,好多野都唔可以兩全其美架啦
難聽個句都講埋,你當人朋友,人地都未必一樣咁諗...
出黎影巴士都無非係為求影張好相啫
車阻,人阻,雀阻,被途人冷眼,食中指呢類事情影巴士時基本上好難避免到
唔需要理人地點樣睇你,只要自己問心無愧就可以
始終一般市民眼中,巴士迷呢個社群都唔太受落
加上現今某d年輕巴士迷經常做出d過哂火位既行為,已經令到唔少人對巴士迷既評價傾向負面
所以巴迷影相食中指呢d事只可以話係冰山一角,隨時仲有大把野等住黎
而家做手勢既係乘客雖然你奈佢唔何,但係都已經咁火
若果係車長做個咁既手勢,你豈不是會port到佢連份工都冇埋先安樂?
既然都可以行出第一步,排除到途人既奇異目光,點解又唔可以睇化成件事呢?
凡事追求到咁完美,只會令自己難受
anyway,take it easy吧! |
樓主
