不要因為今次事件遷怒或責罵在港的菲律賓人及家庭傭工

這種行徑，即使只有一兩單，但若被菲律賓媒體大肆渲染的話（我地根本唔識睇，任佢up），
情緒反彈與種族仇恨將會一發不可收拾。

不要讓「菲律賓政府對唔住香港人」，有被扭曲成「香港人對唔住菲律賓人」的機會。

如果要咁「乾淨」，恐怕一定失敗。
「物理上」好難有咁乾淨的情況、效果出現。

(即係話，實會有人「乘機」因為其他原因炒左自己個菲傭)

原帖由 WING93 於 2010-8-26 02:00 發表
單單因為呢次事件就將菲傭辭退
咁一係個顧主EQ高極有限
一係僱主同菲傭之間既感情好極有限

同時僱主這樣將菲傭辭退的行為，有可能違反「種族歧視條例」。

原帖由 238X 於 2010-8-26 12:43 發表
如果要咁「乾淨」，恐怕一定失敗。
「物理上」好難有咁乾淨的情況、效果出現。

(即係話，實會有人「乘機」因為其他原因炒左自己個菲傭)

我也不奢求香港人真係可以一單還一單，老實講，在網上看到一些菲律賓人的言論，
我發現我堅持一般菲律賓人與今次事件無關，我才是最傻最天真。
由此刻起，我不會再宣揚冷靜理性對待，但也不會鼓吹歧視，反正我身邊根本無菲律賓人。

http://www.bbc.co.uk/news/world-asia-pacific-11084273
連菲律賓自己的報紙也一面倒在責怪政府沒有處理好件事。
請大家看看，有幾多份報章提出了菲律賓人因此事受欺壓的論點？是甚麼報紙？
各位身邊的菲律賓人又係咪真係水深火熱？
我越來越覺得在種族問題上，有人在無風起浪，或小浪撥到變大浪，惟恐天下不亂。

[ 本帖最後由 DIH 於 2010-8-26 16:53 編輯 ]

其實我唔覺得菲律賓真係個個都咁唔得

去到呢一刻家就算炒菲傭報復, 都只係零星例子(十幾萬菲傭因呢件事而炒的都無10個, 我諗點都唔係好嚴重)。

我會提出一樣野俾大家諗諗, 如果僱主係呢件事的死傷者親屬的話, 你地又會點睇?

今日見方向報講, 其中一單炒菲傭的僱主, 其中一個親戚係呢件事的死者。(我無記錯的話, 係外甥)


佢應唔應該炒菲傭我好難評論, 但係呢個僱主傷痛同憤怒比其他香港人, 相信亦都一定大上好多倍

對呢一件事, 對菲傭的確係係唔公平, 但係僱主比菲傭更加應該值得同情。

因為呢, 炒左可以東家唔打打西家, 但係人死了, 你能夠怎樣彌補?

[ 本帖最後由 HB00610 於 2010-8-26 18:17 編輯 ]

原帖由 HB00610 於 2010-8-26 18:13 發表
其實我唔覺得菲律賓真係個個都咁唔得

去到呢一刻家就算炒菲傭報復, 都只係零星例子(十幾萬菲傭因呢件事而炒的都無10個, 我諗點都唔係好嚴重)。

我會提出一樣野俾大家諗諗, 如果僱主係呢件事的死傷者親屬的話, 你地 ...

種族歧視就是種族歧視，
無理解僱就是無理解僱，
什麼死傷者親屬是求情理由，
不是抗辯理由。

日本政客每年到「靖國」參拜，
右翼分子年年改教科書，
相信每一個中國人的親屬(阿爺嗰代)都受過日本侵華時代的苦，
是否構成理由解僱日籍/日裔僱員？

原帖由 DIH 於 2010-8-26 15:15 發表

我也不奢求香港人真係可以一單還一單，老實講，在網上看到一些菲律賓人的言論，
我發現我堅持一般菲律賓人與今次事件無關，我才是最傻最天真。
由此刻起，我不會再宣揚冷靜理性對待，但也不會鼓吹歧視，反正我身邊根本無菲律賓人 ...

兩組紅字的分別，一般人也察覺到。根據兄台的理論，把高Ｘ當作香港人的代表也可以。

種族歧視可以有多方面的，以較直接、顯眼的來說（如：肢體暴力、公開鼓吹歧視、解僱等）香港的情況不差，但小弟認為較間接、不顯眼的卻普遍存在。即使歧視看來未達"水深火熱"的地步，也會對人造成很大的傷害，故仍應遏止。

原帖由 ArnoldC 於 2010-8-26 19:53 發表



種族歧視就是種族歧視，
無理解僱就是無理解僱，
什麼死傷者親屬是求情理由，
不是抗辯理由。

日本政客每年到「靖國」參拜，
右翼分子年年改教科書，
相信每一個中國人的親屬(阿爺嗰代)都受過日本侵華時代的苦，
是否構成理 ...

我係今晚阿媽講畀我聽，被炒菲傭的僱主是死者親屬。
請你理解「中國人能否因二戰解僱日本僱員」及「香港人是否無理解僱菲傭」的分別。

而家已經係戰後六十多年，任何僱主在請人時都已經知道當年日本的作為，
在未見工時已經可以決定請唔請，請就即係表示不會和二戰扯上關係。而唔請，從來不會有人知道真正原因。

但今次，菲傭在港工作期間，菲律賓發生突發事件。
時間性完全唔同，僱主在請人時不能預知有這件事發生。根本沒有可比性。

要比較，應該比較1937-1941年，香港有沒有正在工作的日本人被中國／外國僱主解僱。
戰時紀錄大多散失，亦都冇乜中國人願意重提，我只知道，二戰期間，直至戰後多年，
在戰前移居美國的日本人及後代，所受的歧視比今天在港菲律賓人要嚴重得多。
這是以前英文堂一個美國白人教師播片描述的。

須知道，明治維新後，日本當正自己係歐美文化的一員，
未爆發戰爭前，日本人也不是美國人的工人，而是商人、專業人士，
子女也完全融入美國文化，當其他美國人仇視他們時，祖國又戰火連天，
他們已經無路可退，菲律賓人的遭遇，已經算係小巫見大巫。

若說門多薩挾持人質是個別事件，死者家屬解僱菲傭也是不幸的巧合。
說無歧視無仇菲是假的，說菲律賓那邊完全為香港遊客抱不平也是假的，
人總有情感，死者家屬要解僱菲傭，雖然菲傭無做錯，理論上係無理解僱，但我理解僱主的心情。
最好的當然是僱主和菲傭一齊抱頭痛哭，但世界上豁達的人始終不多。

而我一向都係又天真又傻。

[ 本帖最後由 DIH 於 2010-8-26 20:34 編輯 ]

我晤明點解D 人要炒菲律賓人民... 根本晤關佢地事...
錯並不是非侓賓的人民(在巴士前影相者除外),
錯係特警既安排, 指揮...
還香港人公道固然重要... 但係我地晤應該賴係人民方面...
菲律賓人民並沒有殺香港人...

無能的是特警,
是菲律賓總統,
誤殺的是菲律賓警察...
冷血的是菲律賓總統...
不尊重的是在巴士面前影相當地冷血菲律賓人民...

並不是在港的菲律賓市民..  更不是已向我們道歉的菲律賓市民
我地要既係爭取菲律賓總統既解釋... 指責菲律賓警察... 先係還香港人公道既野...

以上純屬個人意見... 不喜勿插