阮次山 : 菲律賓交報告唔關香港事

原帖由 S3BL100 於 2010-8-26 23:17 發表
看罷阮次山的言論，第一個反應是覺得這個人相當冷血。
無論他的觀點在政治、法律上正確與否，救人和查明真相不是當前急務嗎？
在這種時候發表這種言論，以政治壓倒人命攸關的大事，正正反映出阮次山和不少大陸高官一樣，
欠缺人 ...

係呢件事出黎抽水既人大把啦...包括D自稱民主派既人
見怪不怪了

周澄都話菲律賓人民為民主公義付出好多，香港人喺事件上可恥，原文照錄如下：

對於這種只懂在電視機前取笑／鄙視第三世界國家落後腐敗、有份消費／分享因外傭而帶來的勞動成果，卻不反省自身責任和既得利益的大香港主義優越感，我實在感到極為痛恨。沒有國際視野、沒有人道關懷的「國際大都會」，可恥。

香港人，別再拿殖民地施捨你的畸型政經制度沾沾自喜吧，菲律賓人民為民主公義付出過的血淚肯定比你們多，你們沒資格看不起別人。如果再有朋友問我會否因事件而三思是否會改變原定計劃，我想我會答：「我愧當香港人。」

「笑代表憤怒」的總統，兇案現場合照，開棺任拍遺體... 究竟是誰人「沒有人道關懷」？

[ 本帖最後由 PB602 於 2010-8-27 00:48 編輯 ]

抽水抽過龍
周澄你咁痛恨香港人咪搬去菲律賓囉

簡單D 講
基本法條文中給予我地的空間實際上非常有限
香港的獨立自主外交who cares

原帖由 edhong 於 2010-8-26 23:45 發表
匪國和強國高官想法共通點
正正就係阮同志的驚天地泣鬼神觀點
這次言論除匪國政府會 buy 之外
更欣賞阮同志言論的我相信係
一群感覺香港人神憎鬼厭既強國肚王帝 ...

其實明白呢個觀點有咩意思，
只係覺得呢件事如果循一般外交事件睇法似乎有欠全面。

事實上當日出事，
特首打去搵菲國總統前，
首先搵既，都係中聯辦，其實已經切合身份。
但問題係，挾持人質事件發生並唔係兩國間既政治事件，
本身敏感度不至於香港唔能夠主動出聲。

有一點我地一直明白亦清楚亦承認，
香港只係中國一部份，
而香港係無外交權，
但同時正正有一點係大陸有好多人都唔肯承認，
就係香港地位不同於中國省市，
地位唔係對中國而言，而係對國際而言，
所以外國元首去中國會直接飛去北京見領導，但亦不時會有人飛黎香港順便搵特首，
香港既國際地位並無因為回歸，而自動降級到中國城市級，
呢點部份中國人唔認同，但外國人唔完全係咁睇。

對於特大慘劇中國自己都一向主張「特事特辦」，
既然香港係首先聯絡中央機構先，我唔認為之後打個電話都要下下話佢僭越。
與其話菲國總統係因為特首唔係國家元首，所以唔聽電話，
不如話菲國總統根本意識唔到呢件事會成為國際大事，所以嚴重低估左後果。

前面講到話世界上面無一個高於地方但低於國家既等級，
但正正就係因為咁，
所以唔能夠o係呢件事上用地方同國家位處既絕對身份去衡量特首做法正唔正確。
事實上都係睇咩事件，正如特首都唔會次次打電話。
但香港素來o係國際上都可謂與世無爭，無啦啦一車人被挾持都唔係一件小事。

亦只能說阮生言論，
根本不是為人出發。

國際地位還國際地位, 但根據內地的規矩,
2名港澳特首, 與4名直轄市長及二十多名省長, 都是屬於同一級.

菲律賓係一個國家, 中國係一個國家, 正所謂對口單位,
菲律賓總統如果唔聽中國主席的電話就不符禮節,
但菲律賓總統唔聽香港特首的電話就係正常過正常.

香港特首, 架構上只相等於中國的省長, 屬省長級.
就算香港呢個地方對菲律賓的經濟有多重要,
省長級就係省長級, 菲律賓總統總無可能聽一個中國省長級人士的電話,
呢D係政治規則.

如果唔係中國外交部出面, 菲律賓總統點會睬你香港特首,
呢D野, 必須由國家出面走, 如果我係曾蔭權, 我會第一時間搵阿爺,
由阿爺出面干涉, 事件相信應該可以更加迅速的處理.

如果有一日，Touchwood 有幾位洛杉磯市民喺香港機場俾人劫持，洛杉磯市長打電話俾曾先生要求協助，咁阿曾先生又係咪要計計數先決定聽唔聽電話？

美國總統 = 中國國家主席 = 國家元首
加州州長 = 香港特首 = 省長級別
洛杉磯市長 = ??? 唔通係香港區議會主席???

所以曾生一知道唔係阿洛舒華辛力加打嚟，就應該死都唔好聽電話，然後打俾離島區議會主席林偉強，話有個電話佢唔聽得，叫林主席聽？

已經係現實生活鬧賓佬鬧到冇晒力.唔再係呢度開火鬧.

其實同屋企人在事發第二天已在講

菲律賓衰格唔比面香港係擺到明
但曾生都應明白,香港算係大陸一個區,我當佢同深圳咁大,再唔係高少少.
都未到一個省長咁大吧. 要人地賓佬總統去親自聽你電話唔聽都似乎可解釋(唔代表話正確)

打狗睇主人. 主人都未發狂追斬賓佬, 賓佬洗乜驚你隻狗.
佢地腐敗,佢地自大,佢地直頭話份report交比大陸,冇理過你香港播.
所以,其實可以睇得到,有時香港唔可以睇得自己太高.

不過.電視機上面鬥up辯論果位主持, 請明白乜叫做講唔講得
有d野在你個身份絕對唔可以對發謬論引起公憤.

-------------
以大陸呢3日來的反應,並冇慣常所用"強烈譴責"的字眼
只係講高度關注,同表達強烈要求切查事件,合理交代
可以見,其實大陸根本冇香港人想像中咁關注呢件事,並唔係盡全力來照住自己個仔去同隔離屋死過.
即係人地個仔打到我個仔重傷,我只係走去叫佢我好關注呢件事,你好比個解釋我,你好賠湯藥,
而唔係死埋去喊打喊殺或者輕少少大吵大鬧. 個人覺得,政治層面上大陸今次冇諗住強硬/重視.

老實一句,唔係冷血去講,只係想對大陸的睇法....
大陸一單打劫都唔止死20人. 成日都有截劫巴士/巴士跌落山坑, 加埋近期咁多天災,
再以大陸對人命的睇法,佢只會覺得你死9個人......有乜咁大不了. 好啦.責任上幫你嘈兩句啦,
其實真係除左幫你嘈兩句同 目及 實賓佬做野之外, 其他的協助包括醫療,開支,善後,都係港府策劃同埋單同派人.
大陸其實真係借個名同把口出來, 實質冇乜落過力.
我可以話, 賓佬唔show你唔重視,大陸又唔諗住強硬, 單野先攪到香港咁綁手綁腳咁無助
仲有,平日國際社會,包括美國佬實話人道問題走出來多多gee訖譴責
今次邊個叫賓佬係佢細佬,死ge又係死對頭大陸. 唔見今次冇國際聲音關住咩


都係果句,打狗睇主人. 唔睇僧面都睇佛面. 今次單野....注定收尾實係不了了之.

[ 本帖最後由 cn2661_2d32 於 2010-8-27 02:31 編輯 ]

原帖由 AVW56 於 2010-8-27 01:40 發表
呢D野, 必須由國家出面走, 如果我係曾蔭權, 我會第一時間搵阿爺,
由阿爺出面干涉, 事件相信應該可以更加迅速的處理.

曾蔭權第一時間的確係搵阿爺既，
到自己打電話已經係事發 6 - 7 個鐘頭之後既事，
但你見到件事有更快速處理到嗎？
件事就算阿爺親自處理都唔會快得去邊，主因係菲國同中國根本唔 friend，
而中央反應其實同香港自己比起都係好慢。

原帖由 PB602 於 2010-8-27 02:05 發表
如果有一日，Touchwood 有幾位洛杉磯市民喺香港機場俾人劫持，洛杉磯市長打電話俾曾先生要求協助，咁阿曾先生又係咪要計計數先決定聽唔聽電話？

呢件事其實唔會發生，
事實上以美國計，一定係國防部出聲，甚至奧巴馬自己打。

而且以阮生既思維，
打去俾特首係錯架，應該係由奧巴馬打俾胡錦濤先岩。