噚日坐 TKO 線, 竟然坐到 M-Train??!

原帖由 minam 於 2010-8-29 02:19 發表
其實九龍灣車廠夠位放埋將軍澳線d 車嗎?

如果夠的話，百勝角個個咪等於多餘?!

因為九龍灣車廠本身設計上係可以容納部份東九龍線列車，
所以九龍灣車廠可以勉強容納 13 部 K-Train 作維修用。

只不過，因應車務需要同埋日後既路線發展，
將軍澳車廠需要有能力係西港島線同北港島線完成後，容納大量列車停泊。
何況係繁忙時間，無可能係觀塘線路段運送多幾部列車比將軍澳線。
所以係設計將軍澳線時，有必要起多一個將軍澳車廠出黎。

[ 本帖最後由 dennis28a 於 2010-8-29 20:26 編輯 ]

原帖由 |_arco 於 2010-8-29 20:29 發表

其實NIL嘅計劃響港鐵公司嘅角道跟本唔當係新鐵路工程
除非政府話實一定要起，又肯俾錢出嚟
如果唔係可以同8萬5無分別，講完就算，係時候收工食飯
或者最後只會見到LAR extend 去會展站咁大把
（更甚，有鐵路常識嘅人都知道NIL ...

睇泥荒島車真係入唔到 ISL,
只不過LAR extend 去會展好似冇乜作為,

*我果區(TKO)有議員拉緊Banner要求TKL伸到中環

原帖由 93A_S3_6:30am 於 2010-8-29 23:24 發表


睇泥荒島車真係入唔到 ISL,
只不過LAR extend 去會展好似冇乜作為,

*我果區(TKO)有議員拉緊Banner要求TKL伸到中環

當TKL伸展至中環，690同694會大減班，692更加會取消

原帖由 HE7921 於 2010-8-29 23:25 發表
當TKL伸展至中環，690同694會大減班，692更加會取消

雖然港鐵在兩年前曾經提過一句「在中期而言，有需要興建北港島線以紓緩港島線．．」，不過港鐵說過這一遍後就再沒有follow-up。
所以學樓上話齋，一日政府不拍板話一定要起NIL，TKL一車到中環也一日不會實現。

原帖由 |_arco 於 2010-8-29 20:29 發表

其實NIL嘅計劃響港鐵公司嘅角道跟本唔當係新鐵路工程
除非政府話實一定要起，又肯俾錢出嚟
如果唔係可以同8萬5無分別，講完就算，係時候收工食飯
或者最後只會見到LAR extend 去會展站咁大把
（更甚，有鐵路常識嘅人都知道NIL跟本唔可行）

其實唔好講到NIL咁遠，TKD我稔擺晒d K車之後都係咁先
唔係講笑

由此至終，將軍澳線既設計終站一定唔係北角，
先唔理北港島線點起，終有一日北角轉車站會嚴重飽和，將軍澳線點都要有必要西延。
至於你所謂既「鐵路常識」，我唔敢講現時定線唔可行（當然我唔否認有反對聲音），
如果港島線情況真係好嚴重，最終要用行政手段將北港島線上馬都未定。
所以「講完就算」依個情況，一定無可能發生，只在乎幾時去起（同埋點去起）。

同時，唔代表東涌線只會延伸至會展站，
幾十年前有一個方案，東涌線可行終點站，係維園設立一個轉車站，
而轉車站可供轉乘既路線，正係將軍澳線西延其中一個可能性。

無可否認，將軍澳車廠隨時只會擺少量車輛，
但設計上永遠有考慮過車廠需要容納將軍澳線因延伸而增加既列車數目。

[ 本帖最後由 dennis28a 於 2010-8-30 01:08 編輯 ]

原帖由 |_arco 於 2010-8-30 18:56 發表

你咁講ok好無問題，我地就深入討論下唔同技術嘅問題先

依家TKD得12條各類用途，又可以擺車嘅track
再睇番TKD附近嘅地方，又有咩位可以俾你再花費一大筆去擴建車廠呢？

政府NIL嘅方案，係將TCL伸延到CHW
如果真係咁做嘅話，LAR ...

我想講幾句正中核心既說話：
旺角站飽和既做法，係增加列車密度寺到極限（而家已經唔係最高，最高係港島線），
另外起多幾條過海鐵路分流（而家講到第四條），
而且幾十年前一早做左，直至而家都做緊。

似乎你真係忽略左一點，
係政府既北港島線方案中，分柝港島線只係其中一種組合，
正如沙中線一樣，唔一定要起條沙中線為一組路線。
其中一個方案係，將軍澳線同東涌線以維園為終點站。

只不過係咁多年既研究發現，沙中線落成後，
分柝港島線會達至最大既分流效果。
當然，隨時可以出現另一個方案。

另一方面，唔理北港島線點去起，北港島線係唔會出現 120 秒列車密度。
亦唔會有你想像，出現咩野香港至柴灣區間列車。
全條東涌線（包括北港島線）最終既列車密度，將會為 150~156 秒。
（姐係一個鐘頭有 15~16 班車去東涌至香港島／8 班車去青衣，合共為 23~24 班列車，此為官方數據）

LAR 隧道去到金鐘北，我點會唔知。
佢咁做，只係因為機鐵掉頭隧道做準備，順手起埋一段北港島線，
不過同北港島線終點站係邊無任何關係。

你口口聲聲講東涌線去到會展好收工，
除左東九龍同將軍澳，幾乎大部份地方去銅鑼灣、東區真係靠中環、金鐘轉車。
當所有路線落成，請問金鐘站同港島線東行係唔係真係有能力負荷到咁大轉車人流？

北港島線唔單係為將軍澳居民而設，而係港島線有一定既結構性壓力問題。
（根據分柝港島線方案，金鐘去柴灣點轉都只係一次車，無你講既幾次咁多）
我唔知最終港島東同東九龍加將軍澳點去中環／香港站，
大不了用番十幾年前方案，東涌線同將軍澳線係維園停站，
不過港島北點都要兩條東西鐵路走廊，依個係 20 年以黎咁多份報告既一致結論。

[ 本帖最後由 dennis28a 於 2010-8-30 21:03 編輯 ]