點解新界圖書館特別少

比較下東區,觀塘同沙田區,大家都差唔多六十萬人口.

沙田得兩間大圖書館(沙田+馬鞍山),
一間細(瀝源),
而且沙田同瀝源兩間咁近,
但大圍同沙田城河東就冇圖書館...

東區就有三間大圖書館( 魚則 魚沖+柴灣+北角)
三間細(耀東+電氣道+興建中小西灣)
仲要一出區咁近中央圖書館....

觀塘都將有三間大圖書館(牛頭角+瑞和街+將升級的藍田)
三間細(順 利村+ 秀茂坪+ 鯉魚門)


睇返規劃話人口20萬就有一間圖書館
好似大埔咁成30萬人都係得一間
到底係咪以前區局定落標準唔同
定係某D地區議員冇咁有牙力呢?!

原帖由 ksmbh 於 2010-8-27 00:07 發表
比較下東區,觀塘同沙田區,大家都差唔多六十萬人口.

沙田得兩間大圖書館(沙田+馬鞍山),
一間細(瀝源),
而且沙田同瀝源兩間咁近,
但大圍同沙田城河東就冇圖書館...

東區就有三間大圖書館( 魚則 魚沖+柴灣+北角)
三間 ...

除左公共圖書館,都仲有d社區中心以內一d社會服務單位所設立o既小型圖書館...

不過入面大部份書都係for小朋友~...

舊區/已發展社區有累積一定數量和穩定的人口
較容易按規劃的指標去建社區設施
加上大館都係市區(大會堂, 香港中央, 九龍中央)
形成市區好似特別多圖書館

新發展區/新市鎮人口係逐年遞增
政府又傾向人口快將達標先開始規劃邊度起社區設施
到起好時人口都唔只二十萬啦
唔成日嘈/唔到有事發生政府對呢d「雞毛蒜皮的社區小事」都唔會著緊

沙田的情況, 瀝源係區內最早期的屋村, 同市區一樣有間細圖書館服務附近居民
跟住發展新市鎮人口增, 開大館就會揀市中心
但講到就腳, 都認同應該o係大圍同城河東第一城附近開多兩間細圖書館
分佈會比較合理

[ 本帖最後由 limited 於 2010-8-27 02:42 編輯 ]

將軍澳都係得一間正規圖書館咋

原帖由 JX9097 於 2010-8-27 08:12 發表
將軍澳都係得一間正規圖書館咋

但調景嶺圖書館已落實興建
2013年落成

其實沙田真係好應該最少有5間圖書館，預計日後人口過百萬的地區，

竟然今時今日先3間圖書館，點夠用？


我會建議如#3所言大圍同第一城各開一間，

而且要取消瀝源館（咁近市中心），改設博康新館。


各分館／預計使用人口：

沙田館：城河西，火炭至文化博物館前
大圍館：美田至松嶺路，大圍火車站附近，顯徑一帶
博康館：秦石／新田圍一帶，沙田圍站附近，花園城／河畔，水泉澳新區
第一城館：富豪，第一城站附近，小瀝源一帶，濱景／石門
馬鞍山館：大水坑，恆安至烏溪沙一帶

其實新界又唔係所有地方都少圖書館
只不過係圖書館的興建嚴重滯後於人口增長
咁人口增長快的地方 (多數為新市鎮) 就唔夠

市區新設的圖書館, 唔少都係該區發展完成先有,
例如小西灣、赤柱、鴨脷洲、士美非路

另外, 市區工作人口多, 其實圖書館的使用量亦會較多
而市區很多館的面積亦較小.
所以唔可以單看館數除以人口

而按人口計, 新界郊區的圖書館數量很多,
一個南丫島得幾千人, 已經有兩個館

市區其實也有這樣的問題，例如在港島東區中的筲箕灣、西灣河一帶（包括愛秩序灣、耀東村及興東村）只有耀東村的小型圖書館及東大街的流動圖書車，最近的中型圖書館便是柴灣及鰂魚涌，其實筲箕灣區原本有機會設有較大型的圖書館，可惜因為當時在愛東村第5期最初的市政大樓及巴士總站計劃無法落實而無法設置；反而柴灣區現時已經有中型圖書館及將來的小西灣圖書館，北角區便有三個（鰂魚涌、北角及電氣道）。

至於新界區方面亦有問題，例如整個青衣島有大約二十萬人口，但是只有一間圖書館，而於2001年4月1日未增加新界區圖書館的開放時間前是逢星期四休館。

原帖由 石頭 於 2010-8-27 14:06 發表
其實沙田真係好應該最少有5間圖書館，預計日後人口過百萬的地區，

竟然今時今日先3間圖書館，點夠用？


我會建議如#3所言大圍同第一城各開一間，

而且要取消瀝源館（咁近市中心），改設博康新館。


各分館／預計使用人口：

沙田館：城 ...

依香港人既心理已有既野一定唔會比佢走
能夠取消圖書館既可能性微乎其微

原帖由 石頭 於 2010-8-27 14:06 發表
其實沙田真係好應該最少有5間圖書館，預計日後人口過百萬的地區，

竟然今時今日先3間圖書館，點夠用？

大圍館：美田至松嶺路，大圍火車站附近，顯徑一帶

有傳大圍名城既位置將設一間小型圖書館
不過確實位置未知