交通投訴組對綠小「有線無車」的回覆

小弟今日收到交通投訴組對部份綠小「有線無車」投訴的回覆如下：

[投訴專線小巴事宜]

跟進我們於2010年6月22日就上述事項給你發出的認收，本組已經收到運輸署的回覆，
現謹轉述如下。

港島區 - 11
運輸署表示根據該署近期進行的調查顯示港島專線小巴第11號線有按時開出班次接載乘客。服務時間為 : 上午7時30分至晚上8時由銅鑼灣開出往田灣，每60分鐘一班。

九龍區 - 63M
運輸署去信專線小巴63M號線營辦商要求調查有關情況，並要求營辦商須依照服務詳情表的班次提供服務。該署會表示會繼續監察該線的運作，並感謝你對公共運輸事務的關注。

新界區 - 1M
運輸署表示根據記錄，專線小巴1M號線經已取消，該署已更新運輸署網頁上的相關資料，並就有關問題對市民帶來不便深感抱歉。

新界區 - 46M
運輸署表示已將有關投訴轉介與專線小巴第46M號的營辦商跟進。該署已十分關注有關情況，並已嚴厲訓示營辦商必須根據服務詳情表規定的班次提供第46M號服務。營辦商表示會訓示所有車長必須按規定的班次行車，他們會密切留意該小巴路線的班次及乘客的需求情況，並靈活地作出車輛及班次調配，以維持應有的服務水平。
運輸署於7月14日在上午11時至下午2時於荔景山路派員突擊監察上述服務。調查所得到的結果顯示，在調查期間總共記錄得10班第46M經過該小巴站，班次為約11-20分鐘一班。該署會繼續密切監察該小巴號線的服務。

新界區 - 607S
運輸署表示新界專線小巴607S號線(元朗東-天瑞)及另一專線小巴79S號線(天水圍-落馬洲管制站)的服務範圍及行車路線大幅重疊，而79S號線亦能以相同車資提供服務予往來元朗市及天水圍的居民，故該署已於2010年6月20日起取消607S號線的服務，而載於運輸署網站有關該線的資料亦已移除。

謝謝你向我們提出此事。

交通投訴組總行政主任

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
由以上回覆，運輸署已確認新界1M, 607S已正式取消

不過，綠小「有線無車」的情況是否真的改善，尚有待觀察。

「港島區 - 11……上午7時30分至晚上8時由銅鑼灣開出往田灣，每60分鐘一班。」
又一除不盡的班次

見到呢D文章，真係唔知好嬲定好笑，
好似1M, 607S無車行又唔代表無車服事唔到佢地，仲有1A同79S。
63M無車行仲有216M，
46M我又唔覺佢無車喎。起碼服務好過82M先啦。

都係嗰句，你又唔係end-user，喜愛多管閒事，
居民要嘈早就嘈左，如果又係以原則去投訴，重蹈405A事件覆轍，
你倒不如投訴香港大部份路線唔依固定班次行走。
44仍然開到清晨一點，早上繁忙時間班次不依正規行車路線。
44A經常客滿唔停兆康，應該客滿都要兜一兜兆康；桃園圍明明有個站唔見左個站牌。
41最密開8分鐘一班，最疏成30分鐘都唔見有部車。
48S密到成4-5分鐘一班都唔係17分鐘一班，佢同47S經常唔行長沙灣道走去行西九龍走廊。
49S成日亂改路線，成日快過正常路線返到屯門。
142有線無車，攪到我要搭506去楊小坑及青山村。
我有一大堆唔依規舉營運的投訴，你幫我去投訴吧，投訴完，我相信很多人會問你安囉。

如果廣田邨居民因為63M有返車行攪到63班次疏左，請各居民搵樓主發洩。
因為一個住粉嶺的人，竟然去干預廣田油塘的交通。

原帖由 KC3555 於 2010-8-27 00:58 發表
見到呢D文章，真係唔知好嬲定好笑，
好似1M, 607S無車行又唔代表無車服事唔到佢地，仲有1A同79S。
63M無車行仲有216M，
46M我又唔覺佢無車喎。起碼服務好過82M先啦。

都係嗰句，你又唔係end-user，喜愛多管閒事，
居民要嘈早就嘈 ...

如果樓主有時間的話，咁就幫下手反映下沙田803/803k/804既服務，我係end-user但係真係唔夠樓主咁多時間'跨區'為人民服務

又唔順便投訴下 4A(往香港仔), 新界 142?
又新界11A, 141 其實仲有冇服務?

原帖由 ricky619 於 2010-8-27 11:14 發表
又新界11A, 141 其實仲有冇服務?

141 有

樓主有時間順手問埋406，402S服務，石籬／青衣人會好多謝你～

老實講, 我又唔覺得樓主做錯

點解"有線冇車"呢個情況會係投訴人的錯, 而唔係營辦商/運輸署的責任?
營辦商不應該按合約提供服務?
運輸署不應該確認營辦商有提供服務?
如果營辦商覺得某線係可有可無/蝕錢, 點解用正或方法取消服務, 而要私下取消?

唔通我地可以投訴巴士公司私下減班, 就唔可以投訴專線小巴"有線冇車"?

有線無車的小巴線，大部份都有另一條線覆蓋服務，
所以無車，正常人都唔會去會投訴。

港島11有時非繁忙時間都會見到有車
新界46M，我經過荔景都見過有車
新界141每30分鐘一班車，有固定客源(但唔多)，
調好時間去唔難等車。
新界142，本身只係得假期服務，仲要30分鐘一班，
真係有車都唔會有人等。

原帖由 kiwai 於 2010-8-27 13:40 發表
老實講, 我又唔覺得樓主做錯

點解"有線冇車"呢個情況會係投訴人的錯, 而唔係營辦商/運輸署的責任?
營辦商不應該按合約提供服務?
運輸署不應該確認營辦商有提供服務?
如果營辦商覺得某線係可有可無/蝕錢, 點解用正或 ...

首先，我無話佢做錯，我只係覺得哭笑不得。
好多小型營辦商，只係得好少車行幾條線（好似之前404M及405系），
當人口有改變，某線乘客增長，未能夠咁快搵到紅小轉綠小，
要維持服務水平，梗係要借蝕錢路線車去做吧。
小型小巴商都唔係咁好做。
佢唔同巴士，巴士固定有後備車撥備，好似63長期去裕民坊都咁好客，咪當然要問63M攞車，
63M客見無車又走去坐216M，乘客層面上，無任何特別損失，只係少左個alternative。
如果真係有Concern，當地乘客已經出左聲投訴，區議員立刻請纓吧。
我唔介意佢出聲，只係出左聲之後，影響左其他線服務質素，將一些唔需要投放的資源擺落去，
有需求就無車搭，無需求就吉車遊街，小巴公司收入減少，影響埋服務改善。

小巴公司要提出加班，最緊要有車在手，無車就要在其他線抽調資源。
比如要抽車行142，星期日及公眾假期首先要睇左77, 46呢類線夠唔夠機同夠唔夠車，
然後41同140M俾人投訴得多又要守住個班次。
最後咪到141同142囉。

可以做的，叫小巴增加配額，減低小巴牌費，政府資助經營困難小巴商，才可長遠解決有線無車的問題。

有時，好心做壞事會影響好多唔同嘅人。