紅隧東隧建議"一加一減"隧道費

見到呢個topic，我會諗到以下幾樣野：

1. 我手頭上無實質數據，但係當九龍巿區大部分地方，搭公交過海都要比渣私家車更方便的時候，
我會傾向相信，紅隧果堆私家車，大部分都係來自九龍塘、沙田、九肚山、大埔公路等較高級住宅區。
呢班人普遍比較富裕，對佢地來講，financial disincentive未必有太大作用。
更大問題係，呢d地區人口密度較低，似乎無乜可能support到具足夠吸引力的繁忙時間巴士線。
反而我係會諗，有冇方法鼓勵佢地park and ride，渣車去到九龍塘或者尖沙咀轉港鐵，
並且令佢地意識到park and ride比起慢慢塞落中環灣仔銅鑼灣更方便快捷。
（但係九龍塘同尖沙咀係咪已經無位？彩虹果個park and ride interchange無記錯好似使用率都唔係好高？）

2. 雖則如此，其實可唔可以考慮三條過海隧道繁忙時間（例如早上七點半至九點）實施附加費，
鼓勵駕車人士避開塞車時段。

原帖由 S3BL100 於 2010-8-31 10:43 發表
見到呢個topic，我會諗到以下幾樣野：

1. 我手頭上無實質數據，但係當九龍巿區大部分地方，搭公交過海都要比渣私家車更方便的時候，
我會傾向相信，紅隧果堆私家車，大部分都係來自九龍塘、沙田、九肚山、大埔公路等較高級住宅區。
呢班人普遍比較富裕，對佢地來講，financial disincentive未必有太大作用。
更大問題係，呢d地區人口密度較低，似乎無乜可能support到具足夠吸引力的繁忙時間巴士線。

我又會咁睇，作用大唔大係睇最終收費係幾多
如果好似倫敦咁統一收費，作用當然唔大
所以我先會話採取一個同時間掛鉤既做法，咁樣每一程要畀既錢就可以多好多
可以睇住現時車程有幾多，去定一個有力既收費出泥
我會覺得，有錢又點，如果渣一程車返工要額外畀百幾蚊（或更多）出泥交塞車錢的話，真係小數怕長計
至於巴士果度，唔知點解望到Stagecoach Gold我又唔太擔心

我係住九龍塘既

其實九龍塘係得廣播道同筆架山比較多人坐公共交通
因為兩條小巴線比較專用，無第二區既人同佢搶位
同埋相較又一村、九龍仔無咁多米，公共交通較多
我識既大部份過海主要都係全港鐵，仲有火車紅磡轉隧巴

而又一村同九龍仔，兩條小巴線分別去黃埔／石硤尾同埋九龍城，成日去到兩個地方已經滿晒座，坐去九龍塘站等十世都未有車
金巴倫道更加唔洗講，完全無車坐
兼且達之路／喇沙利道算係比較邊緣，去到又一村玫瑰徑／花圃街，或者九龍仔渭州道、慕禮道已經算係遠
所以我識大部份人都只會願意渣車過海

如果要吸引佢地渣車的話，一黎要開專用小巴線深入九龍仔同又一村，尤其係又一村，唔少人無車坐的士
另外，又一村唔好以又一城做總站

Park & Ride 真係唔好諗尖沙咀同九龍塘
如果尖沙咀的話，不如泊去紅磡
九龍塘好多人都嫌兜路
最好就係旺角東站／石硤尾站
石硤尾响南山邨個停車場好多又一村既人幫襯（主要响南山邨、石硤尾街市買餸），如果起快捷既通道連接地鐵或者可行
旺角東貨場如果有空位，開做 PARK & RIDE 應該都唔錯

[ 本帖最後由 bananasims 於 2010-8-31 13:09 編輯 ]

原帖由 ~誰@359~ 於 2010-8-31 01:07 發表

如果我要入尖沙咀呢，你想塞完紅磡再行曉道定係行佛光街上何文田再油麻地入彌敦道？
你個建議只係適合普通車咁用，但好老實朝早成條漆咸道都只係衰o係紅隧手上
我會咁睇，用道路收費去壓低車流係一件好有效既做法，幾乎邊度 ...

完全認同,所以郁西隧好過lee個建議加紅減東....

再唔係等西隧下降到合理水平之後認為再有改善空間先再加紅隧都未遲...

原帖由 S3BL470@98A 於 2010-8-31 15:05 發表

但東隧都好過紅隧，
紅隧真是很塞，車流量多到很多 ...。

問題係西隧明顯係有能力應付更多車
何解唔疏導去西隧,而叫駕駛者迫埋東隧呢?!
(現時東隧繁時已經塞塞地,再多就真係... )

原帖由 JX9097 於 2010-8-31 20:29 發表


問題係西隧明顯係有能力應付更多車
何解唔疏導去西隧,而叫駕駛者迫埋東隧呢?!
(現時東隧繁時已經塞塞地,再多就真係... )

但係唔好忘記，你疏導左d車去西隧就會有更多車填補少左既車流
一日唔諗辦法壓止 / 減少所有種類既車流量，疏導都只會係短期見效

原帖由 JX9097 於 31/8/2010 20:29 發表

問題係西隧明顯係有能力應付更多車

西隧有，但林士街天橋無。

原帖由 JX9097 於 2010-8-31 20:29 發表


問題係西隧明顯係有能力應付更多車
何解唔疏導去西隧,而叫駕駛者迫埋東隧呢?!
(現時東隧繁時已經塞塞地,再多就真係... )

本人曾經每天乘坐西隧巴士四年，個人對「以吸引更多車使用西隧減低紅隧負擔」此
等理由要西隧減價極有保留，西隧加價只會令較快少少選擇都無埋。

另外我自己亦都有私家車，亦乘坐過朋友之私家車無數次，未有一次用過西隧過海。

樓上有站友已經講左，西隧港島區根本無緩衝位俾佢拎黎塞車，唔知你有無試過朝早
八九點渣車或坐車過西隧，西隧往港島區係會塞車，塞起上黎仲差過紅隧，會倒塞返
入隧道內，仲要係塞到停定曬響度，紅隧點塞最少都會響隧道內移動到，出左去到港
島區多數都係順暢。西隧就慘，出上環同西環根本得一條行車線，間中有村巴小巴私
家車夾硬由中區果條線插入果條出西環既單線，又會令出中上環條雙線少梗條。俾你
塞到上林士街天橋，先係惡夢開始，又係可以停左響林士街天橋停左響度唔郁，所以
坐行下路既 969 係會快過行天橋既 969X，因為一上橋就會塞到企響度。

少少離題：西隧過港島搭巴士響塞車果時係快過私家車，因為巴士行港島方向慢線，
慢線出口係兩條線去堅尼地城，呢兩條線係唔會塞車，反而中快線對正塞死既中上環
方向，結果巴士行既慢線比較暢通，巴士可以響隧道內超前一大堆私家車，之後響出
隧道後慢慢攝返入中上環果兩條線打尖

以西隧港島方向咁既路面配套，減價引左更多車用西隧，朝頭早倒塞返九龍入口停左
響度都似。
反而出九龍方向，真係無印象塞過，多車少少都好似無。

原帖由 fokck 於 2010-9-2 21:35 發表



本人曾經每天乘坐西隧巴士四年，個人對「以吸引更多車使用西隧減低紅隧負擔」此
等理由要西隧減價極有保留，西隧加價只會令較快少少選擇都無埋。

另外我自己亦都有私家車，亦乘坐過朋友之私家車無數次，未有一次用過西隧 ...

紅隧仲塞得勁la...你入左隧道得2線,出隧道o既線道又多過隧道入面,

自然入隧道之後會比較順嫁la...

西隧出口個樽頸位lee個情況要等中環-灣仔繞道落成後應該會有幫助...

[ 本帖最後由 tkf_2005 於 2010-9-2 22:02 編輯 ]