又有豐田的士牽涉死人的交通意外

又係的士車身被側撞....
我自己已經好唔滿意獨市豐田金豐石油氣的士的質量
1.車身在高速行駛時好"浪"
2.車身太輕,根本保護唔夠
3,價錢貴又唔合理,成架車成廿幾萬,同camry一樣,但乜安全氣袋都冇
4.次次被側撞都死人,呢款石油氣的士的車門好唔硬淨,架車本身都唔係爛得好犀利都會死人....我記憶中已經有4單咁的事
5.十年都唔轉款,想步日產後塵
6.架車唔夠耐用,由柴油金豐開始,已經有司機批評呢系車同金/銀禧,琥珀的耐用程度差得遠....

from apple daily 8/1/2006:

貨 車 轉 彎 後 「 死 火 」
的 士 尾 隨 狂 撼 日 籍 乘 客 亡

【 本 報 訊 】 九 龍 灣 觀 塘 繞 道 昨 凌 晨 發 生 奪 命 車 禍 ， 一 部 貨 車 疑 因 機 件 故 障 「 死 火 」 等 候 拖 車 期 間 ， 一 輛 載 有 本 港 日 資 公 司 三 名 職 員 之 的 士 駛 至 ， 疑 扭  閃 避 不 及 ， 左 車 身 撼 向 貨 車 車 尾 ， 左 後 座 一 名 日 本 男 子 首 當 其 衝 頭 部 重 傷 ， 送 院 搶 救 四 小 時 後 不 治 。 事 件 中 ， 同 車 另 一 名 日 本 同 事 及 一 名 香 港 同 事 僅 受 輕 傷 ， 兩 車 司 機 無 恙 。

視 線 疑 受 彎 位 影 響
           
昨 凌 晨 近 四 時 ， 姓 魏 （ 七 十 五 歲 ） 貨 車 司 機 在 九 龍 灣 舊 啟 德 機 場 對 開 一 個 露 天 停 車 場 ， 駕 駛 一 輛 貨 車 沿 觀 塘 繞 道 慢 線 東 行 往 運 貨 。
當 貨 車 從 宏 展 街 對 開 一 個 左 彎 位 駛 出 後 ， 突 然 「 死 火 」 ， 停 在 慢 線 上 ， 司 機 立 即 打  「 死 火 燈 」 及 召 拖 車 到 場 協 助 ， 並 坐 在 乘 客 位 上 等 候 。
據 魏 事 後 表 示 ， 他 為 無  電 視 運 送 攝 影 器 材 多 年 ， 本 身 已 有 車 牌 逾 五 十 年 ， 貨 車 突 然 死 火 的 原 因 疑 與 機 件 故 障 有 關 。 
現 場 消 息 稱 ， 當 貨 車 停 在 慢 線 上 等 候 拖 車 到 場 協 助 期 間 ， 一 輛 載 有 一 間 製 造 液 晶 體 顯 示 屏 日 資 公 司 三 名 香 港 及 日 本 職 員 之 的 士 駛 至 ， 姓 史 （ 四 十 九 歲 ） 的 士 司 機 ， 疑 因 受 現 場 彎 位 影 響 視 線 ， 未 有 足 夠 時 間 扭  轉 往 中 線 ， 結 果 的 士 左 車 身 猛 力 撼 向 貨 車 右 邊 車 尾 。
由 於 撞 力 猛 烈 ， 的 士 左 車 身 嚴 重 毀 爛 且 部 份 車 身 割 開 ， 坐 在 左 後 座 位 一 名 日 本 男 子 TAKAHIRO （ 三 十 九 歲 ） 首 當 其 衝 ， 頭 及 臉 受 重 傷 昏 迷 車 內 ， 送 院 搶 救 四 小 時 後 證 實 不 治 。
死 者 身 旁 一 名 日 本 籍 男 同 事 （ 四 十 三 歲 ） 及 左 前 座 位 姓 莫 （ 二 十 五 歲 ） 香 港 同 事 ， 僅 受 輕 傷 ， 敷 藥 後 無 礙 。 兩 名 沒 有 受 傷 的 司 機 ， 經 酒 精 測 試 證 實 無 飲 酒 ， 警 方 正 調 查 意 外 原 因 。

如果非不得已再加上經濟能力,我都唔坐的士,就算坐的士,我自己比較鍾意坐日產,覺得架車比行得較定同實淨,但可惜的是日產唔會再出新的士,當然論車內籠舒適程度,豐田會稍勝....

很懷念廿幾年前的火柴盒(日產得勝),你話佢係咪特別慳油?唔係,而且冇風油,但起碼做得耐的的士司機都好懷念呢隻車,覺得佢硬淨同耐用,是一個經典,也許廿年後金豐是一個經典,但會是惡夢.

此是個人意見,有感而發

呢款金豐，日本都用緊．的士日日車咁多人，車種可以加強對司機同乘客的保護
確是很重要．

但同時，司機的安全意識也很重要．眼見某些的士司機的駕駛手法亦很值得商榷．

樓主請注意，報紙相關內容只可以貼link，不能原文轉刊。

問題係, 法例限制的士只可以用LPG, 而這種車的來源又適合香港的相當有限。
另一方面, 香港已經習慣了五座位的士, 除非可以改變呢種習慣, 時光倒流番四十年前, 用番四座位車。咁就多好多選手。

留意下台北, 四座位, 甚麼車都有。LPG 機械上與電油引擎大致相同, 起碼構成供應。再講, 隨時咁就可以國產桑塔納坐都唔定。haha

[ 本帖最後由 EH8842 於 2006-1-8 20:44 編輯 ]

國產石氣車仲有東風雪鐵龍富康型，力水都唔錯架!

早兩日獅隧連環相撞事故, 都有COMFORT成個尾箱冇左...
真係好唔掂WO..以前同的士撞, 多數私家車會唔掂..而家角色調轉?

原帖由 hkbw 於 2006-1-8 23:37 發表
早兩日獅隧連環相撞事故, 都有COMFORT成個尾箱冇左...
真係好唔掂WO..以前同的士撞, 多數私家車會唔掂..而家角色調轉?

唔知CROWN COMFORT幾時先轉款同
加番晒前雙氣袋、側氣袋、預索三點式安全帶、ABS、TCS等安全設備?

原帖由 guia 於 2006-1-9 00:36 發表


唔知CROWN COMFORT幾時先轉款同
加番晒前雙氣袋、側氣袋、預索三點式安全帶、ABS、TCS等安全設備?

我諗除非立法規定要有, 否則車主唔會主動加. 因為車價會更貴.

我覺得唔關架車事,好多時都係人為因素
如果豐田都叫唔得,日產就更加唔得
D司機一兩年就要換車,連最新果期私家車錶板既紅運都已經要湯
曾經都有司機質疑過架車係唔係唔得
但已經証實唔係,
第一,佢地話籠細過金禧,但據了解已經度過,係車長短左,但籠無乜分別
耐用性方面,大部份人都係租車,邊個會關心?就算單頭車主,架車唔係Total Loss都唔會換
我到而家仲可以坐到無轉數表既第一代石氣金豐,唔耐用?

原帖由 guia 於 2006-1-9 00:36 發表

唔知CROWN COMFORT幾時先轉款同
加番晒前雙氣袋、側氣袋、預索三點式安全帶、ABS、TCS等安全設備?

ABS好似日產已經有

但係氣袋、預索式安全帶、TCS就未必會有
(因為要計落車價度)