超特見: 九巴AV被困記 行錯路入港大

原帖由 fokck 於 2010-9-7 20:38 發表

友人目擊指，呢部九巴 103 最後由「勁過橋」駛出返回薄扶林道北行.....

樓主影到呢張相就俾人加左成八十幾分，italk 創板以來試過未?

個車長想行回頭路？！睇怕要十手呔不過佢咁樣扭左入去個落貨區轉番出去都係有排搞，加上AV冇倒車鏡頭，冇人睇位好難偷盡D位！(或者勁過橋扭「波板糖」D阿姐有幫下手)

[ 本帖最後由 ihmcKyo 於 2010-9-7 23:16 編輯 ]

原帖由 da54 於 2010-9-7 22:40 發表

物以罕為貴。

不過有評分者話百年難得一見，或者七年最激，我諗有無咁誇呀？
5029 上翠竹點都勁 d 掛.....

P.S. 勁過橋好似行過城記非專蘭... 今次唔好彩係在於西閘出口封左... ...

其實我估之前仲有巴士行過條橋，第一因為司機會記錯上橋轉去般咸道
果條橋就係果條橋 (入橋位同天橋方向都一樣)，
第二佢係薄扶林道北行調頭南行最方便既位，再之後要落返西環先有得
上返薄扶林道南行，我就諗會唔會有司機私牌偷雞用果度返蒲飛路。
(見得太多新城司機既奇怪私牌路線，用瑪麗出面果條沙宣道天橋調頭
都見過幾次)

原來講到第5頁都無人知結果係點
其實架車最終係等稽查黎幫手睇位倒後落番去
據知個車長係操過103但未做過所以出左事

想問下邊度係「勁過橋」呢?

原帖由 king 於 2010-9-8 01:33 發表
想問下邊度係「勁過橋」呢?

勁過橋即係連接寶翠園至港大西閘一帶既一條天橋
以前任白樓巴士站上面個條橋

原帖由 fokck 於 2010-9-7 20:38 發表

友人目擊指，呢部九巴 103 最後由「勁過橋」駛出返回薄扶林道北行.....

樓主影到呢張相就俾人加左成八十幾分，italk 創板以來試過未?

少少離題: 單丁一張相就冇留意, 但 B3 版試過有段片畀人加 145 分。

佢無操過, 係跟過...

最後响台搵幫手...

其實港大/巴士公司有無需要加指示:

此路不往半山區

原帖由 fw1321 於 2010-9-8 03:57 發表

少少離題: 單丁一張相就冇留意, 但 B3 版試過有段片畀人加 145 分。

似乎有機會破紀錄
家吓都124分

首先, 很多謝各位板友給予本人的評/加分, 確實有點意料不到, 好多謝您們所有的支持, 這麼的鼓勵, 好多謝您哋.

關於第三版有人問架車之後點, 我其實不知道, 我都好想知. 隔兩三個鐘之後睇, 架AV已經走了, 但該處留了不少似剛留下的軚痕. (這一兩天有時候不方便上網, 故沒有回覆) 我剛從其他板友得知結果, 謝. 如果巴士繼續向東行, 西閘在現時封晒板的情況下應轉不到出去. 上圖書館更加沒可能. 應唯有原路出.  

在此再上載多一張, 是從"勁過橋"向東映的, 是我第一眼看見此事件. 相中後面是嘉道理樓.

另外, 我都有諗過有無野可幫司機免行錯路? 尤其是有啲師傅一日渣幾條線.

[ 本帖最後由 偉文 於 2010-9-8 22:07 編輯 ]