[列舉] 無人商場

原帖由 hkaiw 於 2010-9-11 17:29 發表

附近的荃灣花園也很少，附近的富麗花園基本上人流只較集中在茶餐廳及投注站。

至於在中環，我覺得萬邦行算是人流很少，除了電梯大堂那層外，樓上兩層的人流極少。 ...

荃灣花園果種上半層 / 落半層的設計
保齡球場執左未?

原帖由 fm1234 於 2010-9-12 21:56 發表
另外想問問九龍城龍珠商場 同 深水土步既宇宙商場又如何？

龍珠聽人講以前係抄碟聖地勁多人…

龍珠商場以前旺到爆炸... 依家都重有鋪頭做生意嘅, 不過今非昔比喇...

原帖由 AL_71 於 2010-9-12 13:52 發表
仲有呢兩個商場：
荃灣海濱廣場
(頂樓完全冇乜燈著....好似荒廢左成10幾年咁)

冇十幾年咁耐...
冇記錯係早兩年因為7樓同8樓所有舖頭已結業
所以廣場方面先將最頂個2層封閉(升降機按鈕搵膠板封住/電梯搵野欄住)
未封之前7樓一早已經空置多年(之前有間酒樓)
8樓係美食廣場,多年前有間大家樂,但自從大家樂搬左落平台之後上面就開始冷清
最後2間舖係「康利園」同「卓蕾天地」,前者就大約3年前結業
後者一度成為7,8樓唯一一個商戶,不過最後亦都結業收場
雖然係靜,但係8樓有檯又有凳,絕對係一個溫書天堂

原帖由 andy92 於 2010-9-12 15:00 發表

而家海濱廣場有咩商舖?

麥記,屈臣氏,琴行,補習社,鐘錶店,眼鏡店,百佳,溜冰場,理髮店,文具店,時裝店,老人院...
不過全部都集中哂係1,2樓兩層
成個廣場起左11層(B2,B1,G,1-8)絕對係一項錯誤投資...

原帖由 hkaiw 於 2010-9-12 15:42 發表

最高幾層變成老人院。

最記得最初是有永安百貨，當時還開設由城巴營運的免費穿梭巴士，但是永安百貨很快便結業。

另外附近的海灣花園商場亦是人流很少。 ...

永安當時係3樓,我幫襯過一兩次,人流唔多,係大約97,98年就摺左
海濱廣場最旺個陣只係開業頭1,2年,掛係廣場1樓管理處隔離d相可以見證到
當年廣場入面人山人海,店舖種類亦都非常多(可以同荃新天地比)
有戲院,有百貨公司,有高級時裝店...

不過講真,一個位處孤島既廣場可以風光得幾耐,可想而知
冇幾遠係墳場,位處偏僻(要特登搭車入黎),呢d致命傷已經夠哂「殺食」,幾年後人流已經直線下滑
城巴取消服務,城隧小巴線483又取消埋
剩番落黎既客源只係居民同春秋二祭拜山客,比個工廠區隔住,更加唔洗望翻生...

海灣花園商場同海濱廣場比,更加可以話係零人流咁濟...
入面樓底矮(空間感細),感覺冷清(全部白光管)
十室九空(冇野好行),結構古怪(由天橋行入去會由商場入面一對木門行番出黎)
留多一陣都覺得唔舒服
入面隨左2間酒樓(一間街舖,一間2樓一上電梯就係),同一間古怪既學校(租商場舖位既學校 )
完全冇野好行,加上商場遠離巴士總站,海灣花園居民平時亦唔會行
個商場就更加唔會有任何人流,甚至可以話,全日看更多過顧客

原帖由 andy92 於 2010-9-12 20:09 發表

岩岩睇鏗鏘集，話海濱廣場上蓋會起兩座寫字樓，

唔知將來會唔會攪番生個場

佢起唔起得成都成問題啦 ,一個屋苑起好左廿幾年
有邊個業主會接受到突然有2幢野係自己間屋前面慢慢長大吖
睇美孚新邨個塊「地仔」就已經可以拗到咁激烈
海濱廣場成大個天台任佢發展,會拗成點即管拭目以待:lol
(尤其兩個屋苑都係由油庫拆卸後,石油公司原地重新發展出黎既)

原帖由 李志豪 於 2010-9-13 00:34 發表

荃灣花園果種上半層 / 落半層的設計
保齡球場執左未?

冇記錯仲係度

(以上資料部分年代久遠,有錯請指 )

[ 本帖最後由 WING93 於 2010-9-13 02:25 編輯 ]

原帖由 WING93 於 2010-9-13 02:23 發表 同一間古怪既學校(租商場舖位既學校 )

順利DSQ(利安商場)都有租舖位畀幼稚園
安寧花園間幼稚園就唔知算唔算商場範圍喇

宇宙商場都算幾霉，不過未至於「無人」既，地下街鋪/近入口
向街鋪都ok，地牢多數做美容，仲有間賣火車模型鋪。呢d鋪頭
多數做熟客生意，佢地會識摸入去，但生寶人就少咯。

原帖由 李志豪 於 2010-9-13 00:34 發表
荃灣花園果種上半層 / 落半層的設計

香港有些商場／商舖都是這樣設計，例如：禮頓中心、東城大廈（分域街）、新寶工商中心（土瓜灣道）等。

原帖由 hkaiw 於 2010-9-13 11:31 發表
香港有些商場／商舖都是這樣設計，例如：禮頓中心、東城大廈（分域街）、新寶工商中心（土瓜灣道）等。

仲有九龍城廣場

原帖由 WING93 於 13/9/2010 02:23 發表

(略)

1.  卓蕾早已搬返出第 1 座門口隔離繼續營業。
2.  其實當年條天橋無直駁海濱平台可能都關事...
3.  24 層其實矮過後面果躉樓 (22 座)，
而且其他樓的景基本上不受影響，反而擔心樓宇結構是否安全。
4.  美孚同海濱都係新世界發展，出聲的係公民黨，
不排除當中涉及牙齒印。不過新世界今次咁被人爆...
5.  仲有呢... 鄒秉恬好似無乜點提到呢件事...
今次如果搞大左件事，話唔定會被社民連乘虛而入

原帖由 nwfb1601 於 2010-9-12 20:32 發表

0個間惠康係0係 2003 年 Landmark 第二次翻新0個陣，由
Landmark 地庫搬過0黎而家交易廣場 The Form 個位。

不過而家呢間惠康0既人流已經比 Landmark 年代少0 ...

交易果間惠康96年4月當年我在這裡實習已經有是木架為主(大部份鋪係金屬組合架)的舊鋪,因為人流少但交通方便所以變成訓練鋪

原帖由 ccicoltd 於 2010-9-12 21:03 發表
交易廣場在九十年代已有惠康，小弟兒時在那兒買過 Matchbox 車仔的停車場~


還有太子大廈的 Oliver's 呢！

你同佢講交廣同置地2間惠康係並存過
80年代末已經有!!