[轉載]強烈反對淘汰歐盟二期巴士來解決空氣污染

Copied from 公共交通關注聯盟 facebook group.

新聞稿 (007/2010)

強烈反對以全面淘汰歐盟二期巴士解決空氣污染

「公共交通關注聯盟」是由一班有志對交通服務及規劃進行研究的人士組成的非牟利註冊團體，於2006 年成立。成立目的，是為了對本港的公共交通規劃發展進行監察和研究，並向議會、特區政府當局及有關專業團體提出意見。

對於昨日有環保團體請願，要求全面淘汰歐盟二期巴士，以改善空氣污染質素，減少毒氣排放。聯盟不認同這是可行的辦法。聯盟建議，署方可在繁忙地區的路段(包括銅鑼灣、灣仔、中環、尖沙咀及旺角等)，優先安排歐盟三期以上的環保巴士行走，以暫時舒緩繁忙地區的空氣質素污染問題。

表面上，更換環保巴士可以解決空氣問題。不過，由1997 年至2002 年引入的2600 部歐盟二期巴士(一部雙層巴士超過300 萬元)，在運輸署規定每一部巴士載客年期最長為17 年的前提下，最快退役的一部都要在2012 年才可退役，約2019年才能全面淘汰。霎時間，豈有可能立即全面消失？

如以環保團體的說法，全面淘汰歐盟二型巴士，並以歐盟5 期或以上的新巴士取代，造價達79-80 億。此外，退役的舊巴士會被送往新界西的廢車場拆件並棄置。短時間內「處決」多部巴士，所產生的廢物，會令土壤的重金屬含量急升。浸會大學於6 月就廢車拆件場產生的污染問題，於新界西北區實地研究。結果顯示廢車場的健康風險，比起國際公認的荷蘭安全標準（Dutch Intervention Value），超出2.04 倍，對兒童尤其嚴重。短時間大批退役車輛「殺入」新界西北區，所產生的廢物、污染情況，相比於現時市內巴士的廢氣排放量，影響可能更不堪設想。從此，香港受環境污染的範圍，只會進一步蔓延。

誠然，巴士公司在環保方面一向非常進取，積極引入大量歐盟五型的環保巴士，取代舊車輛。新巴士已陸續運港途中，並投入服務。「羊毛出在羊身上」，如果只顧不斷買新車，還未計算成本已超過一年的車費收入18 億元。這樣只會嚴重影響巴士公司的財務狀況，只能透過增加票價及拒絕加薪予員工去解決，令市民的交通開支百上加斤，各方只會得不償失。

對此，一旦成事，政府會否全數資助它們購買這些新巴士？環保團體又有沒有考慮一旦大量淘汰舊車後的後遺症會怎樣？我們想知到這些答案！並鄭重希望環
保團體及政府，再一次「停一停、諗一諗」。否則，後患無窮！

2010 年9 月9 日

歡迎討論!!!!

[ 本帖最後由 edwin118p 於 2010-9-9 17:33 編輯 ]

終於有人提出淘汰舊車係另一樣唔環保了

其實d所謂既環保團體有冇諗過咁早退d舊車仲唔環保架，咁樣可能仲會產生仲多廢物 . . .
好心d環保團體唔好睇野整係睇表面啦，為反對而反對 . . .  都唔知個班人有冇用腦架 -,-

定係佢地得把口做表面功夫

原帖由 NC8285 於 2010-9-9 18:16 發表
其實d所謂既環保團體有冇諗過咁早退d舊車仲唔環保架，咁樣可能仲會產生仲多廢物 . . .
好心d環保團體唔好睇野整係睇表面啦，為反對而反對 . . .  都唔知個班人有冇用腦架 -,- ...

佢話之你將D車掟去火星也好、安哥拉也好
總之唔好係香港出現就 good fit...

btw...支持推呢篇野上報，淨係係 facebook 同呢度 post 受關注程度肯定無上報紙咁大

其實我真係唔明, 點解成日都話巴士多污染,
咁唔通私家車呀, 小巴呀, 唔多 ?? 定係佢地驚得罪 d 有錢佬呀 ??
唔該你地啦, 換巴士 ?? 淨係得把口講, 唔駛錢呀 ???

如果真係提早換走歐二車，
到時巴士公司只會用減班、cut線、收車、加價等手段去彌補買新車嘅損失。

只將巴士視為污染源頭，似乎有保鐵之嫌？
而且污染問題呢樣絕對唔係得巴士污染環境，
所有係街上行走又會排出廢氣嘅車輛都要負責。

佢地以為退左d舊巴士就係環保。d仲有用，仲可以為我地服務既野變左一舊廢鐵，
係廢車場堆到坐山咁高，咁叫環保？巴士污染，唔通私家車冇污染？
而家私家車既數量點都多過巴士掛，點解一味要退d舊巴士，唔去叫政府控制一下私家車既流量呢？
換新巴士，巴士公司只會將買巴士既錢轉嫁落我地d市民身上，我真係覺得有d環保團體靠害.....

其實巴士公司現時已經有措施去透過安裝特殊設施令歐盟二期排放的巴士可以達到更高的環保排放水平 (小弟唔記得係歐三定歐四)，那麼如果我們要所有歐二巴士全部退役的話，要購置新巴士，巴士製造商都無可能在一年內做到過千架車比香港，仲要比其他國家，根本上就無可能。

此外，倘若下後年又有歐盟六/七期巴士出現的話，那麼不就要連歐盟三期的巴士都要退役？咁搞法，香港唔巴士荒都真係奇了。

小弟明白越新的巴士就會越環保，但咁一刀切的方案就真係無可能發生。不過如果要兩全其美，又要更多環保巴士又要維持合理服務/開支的話，我有以下反建議：

1. 強制減少巴士服役年數由現時約 15 - 16 年縮減至 11 - 13 年，合理地以一換一加快引入新的環保巴士
2. 提供經濟誘因先行引入比現有巴士更環保的類型／設備，例如盡快引入混能巴士或研究引入更環保燃料，甚至與大學合作，研究仿傚英國皇室專列改用生物燃油等等

這樣不但能夠減少廢氣及有害物質由巴士排放至空氣中，也符合實際經濟環境

歡迎討論

原帖由 hokwanlam 於 2010-9-9 20:52 發表
佢地以為退左d舊巴士就係環保。d仲有用，仲可以為我地服務既野變左一舊廢鐵，
係廢車場堆到坐山咁高，咁叫環保？巴士污染，唔通私家車冇污染？
而家私家車既數量點都多過巴士掛，點解一味要退d舊巴士，唔去叫政府控制一下私家車既流 ...

控制私家車流量,
你想點控制?

加路費?隧道費?牌費?

好老實講,
就算你加,
一來加唔得多,
二來加完,
衰D講,
我都係咁用

因為呢D開支,
除番開每月計,
都唔係貴,
難聽D講,
香港地最貴係油,
我入得起油,
又點會志在呢D所謂"加價"

同埋最大問題係,
香港人採用公交既比重佔左極大百分比

要環保,
唔係搵車黎開刀就得
無論私家車定係巴士