蘋果日報:城巴飛站乘客一肚氣

原帖由 天瑞總站 於 2010-9-26 11:40 發表
呢個情況有幾可發生?

恕我離一離題，呢個情況每日都發生在小巴，有時一大堆巴士排緊隊埋站，小巴真係會話知你，行快線飛晒你，我地又可以投訴麼？小巴車內貼出既係交通投訴組，我試過了，投訴小巴飛站，即時回答我話佢地只處理交通違例事項，飛站唔屬於交通違例，所以不受理，更話小巴飛站有時係因為不載客車但忘記搞牌，即係話小巴飛站係天經地義啦，架小巴有載客架！

原帖由 4056 於 2010-9-27 03:39 發表

恕我離一離題，呢個情況每日都發生在小巴，有時一大堆巴士排緊隊埋站，小巴真係會話知你，行快線飛晒你，我地又可以投訴麼？小巴車內貼出既係交通投訴組，我試過了，投訴小巴飛站，即時回答我話佢地只處理交通違例事項，飛站唔屬於交通 ...

我只係試過投訴一次綠  van 有空位都飛站

交通投訴組的電話我就唔識記喇
只係用最蠢的 1823 話投訴小巴飛站, 等 1823 幫我駁去有關部門

結果佢有同我處理呀
最後打番電話報告番話個結果添, 請該線營辦商已向有關司機發出警告
該署亦向該線營辦商提出口頭警告云云

原帖由 andy92 於 2010-9-26 22:55 發表
嶼巴都試過，明明部車未滿客，
司機為左追時間熄電牌、行快線飛站

真係 ...

32M尾車，FX8046司機都試過，一入葵涌道就熄晒燈，我連續投訴左兩日，第三日親自試下，結果都係一入葵涌道就熄晒燈返葵芳.......

今朝發生一個好精彩之故事。
話說今朝搭某過海線新巴時段頭車(非全日首班車)由九龍過香港……

首先個車長衝o左支黃燈(呢個我可以接受)，
跟住有個男人同坐隔離之女人講：「衝燈喎！」
女人：「快D嗎！」
男人回應：「遲到好過無到。」

話口味完就到下一站，
由於太陽曬，有乘客企在樹下等車；
正當巴士用中線想過站之際，
個乘客好快伸手截車，
但部車都埋到個巴士灣最前先停到，
跑到個人死。

之後到再到下一站見有九巴尾車在前，
個車長就好自然飛站。
一般情況大部分人都唔會介意，
之但係有人打鐘想落車呢！
(該乘客是在巴士到站前已打鐘示意)
跟住個車長發現後就o係下個街口(約五十米外)用前門放人落車；
事後車長有同該乘客講聲唔好意思。

以為完啦，點知到下一個站時；
個站明明有一堆乘客等緊車(兼有人企於鐵欄內)，
但部車卻用中線飛過。
出奇地望回巴士站，成個站又無人伸手截車，
大家都好似目無表情咁無人話衝出離上車。

四個站之後個站有三四部車排緊隊埋站，
當中無一部係該線之車輛；
其時部車又用外線爬哂全部車飛過，
但我由上層回頭望又好彩個站應該係無人排條線條隊，
不過我好好奇個車長係點樣知到無人呢？(抑或純粹撞彩？！)

由於上述之事件，故今朝激快到紅隧口；
由九龍某總站出發到理工只需20分鐘搞掂！

原帖由 燈芯草 於 2010-9-14 00:32 發表
仲有另一常見就係係灣仔入境大樓個站等590，40分鐘內可以見到兩架590飛站，有一次等左成個幾鐘都上唔到車，好慘呢~

滿客飛站同擅自飛站絶對係兩回事,前者合情合理,後者則違反規則....

我放學係要坐係屯官個站等K52/K53番屯門西鐵站 (基於唔想迫 通常我都唔會坐K51)
話說上次有一部B3X埋站 後面跟多部67M 再後面跟K51 再後面跟K53
B3X同67M都開左 部K51行前落客 (我企果個位完全睇唔到部K53有冇落客 再加上N咁多人上緊K51)
部K51上上下客 部K53一野抽出中線閃人 我想揮手都唔得 (唔通叫部K53停係中線比我上咩)
之後下一部K52又係咁 等到嬲嬲地 坐第4部K51番屯門鐵路站算

原帖由 回憶的呼喚 於 2010-9-28 18:59 發表
部K51上上下客 部K53一野抽出中線閃人 我想揮手都唔得 (唔通叫部K53停係中線比我上咩)

你令我記起上年曾於新蒲崗柏立基健康院對面想坐796C出長沙灣，
(當時個站都未搬到宜家咁前個位)
其時有部九巴至於巴士灣中上落客，
部796C就無埋個站掠過部九巴；
就趁部796C個車頭剛伸出該九巴的一秒鐘揮手截車！
之後部車就停係太子道東慢線俾我同另一個男人上車。
(比一般道路更危險)！

但今年(已搬新站位)再試過同樣情況，
不過今次部新巴係完全飛o左站！
結果？2136XXXX解決

原帖由 4056 於 2010-9-27 03:35 發表


可以做到熄電牌扮非載客車，除左用痴線來形容，根本唔知點形容。已經唔再係「犯錯與不犯錯」之間既問題，問題係佢可能神志不清，嶼巴一日有佢就一日有危險.... btw，元朗定係大嶼山既路線？ ...

其實唔止嶼巴，部分巴迷至愛的城巴都有呢個情況出現，
留意下機場出黎，好多人中途站上落的黃色巴士吧

原帖由 poohpter 於 2010-9-28 21:09 發表


你令我記起上年曾於新蒲崗柏立基健康院對面想坐796C出長沙灣，
(當時個站都未搬到宜家咁前個位)
其時有部九巴至於巴士灣中上落客，
部796C就無埋個站掠過部九巴；
就趁部796C個車頭剛伸出該九巴的一秒鐘揮手截車！  ...

呢d都係完全不可接受既行為，完全係司機貪快所帶來既危險。

小弟今日坐90B往中環時見倒有部7號左穿右插，飛左幾個站(有人揮手但上唔倒)，去到港大個站又有意圖飛站，但有人上車，仲要在行車線閘住部剛剛想上完客開車既970X來上客，過程被小弟手機拍倒，準備send去城巴、TCU同某報刊(回應之前有乘客話"城巴飛站乘客一肚氣"既投訴)，小弟一陣搞掂先post上來。此等飛站情況絕不能接受，就當今次呢個司機唔好彩，其實好多司機都係咁。

p.s.剛向某報刊發出片段作投訴，暫時不便登出影片，稍後讓該報刊批准後才登吧，請見諒~

[ 本帖最後由 4056 於 2010-9-29 05:44 編輯 ]