冠忠, 想你早一個鐘開車, 都真係編唔到更?

原帖由 HE7921 於 2010-9-22 19:25 發表
你行去康城搭MTR轉車唔駛死既.....

你試下有日入o左地鐵閘,
地鐵公司臨時同你講話, 今日冇車開, 又冇接駁車俾你,
自己跳返出道閘, 去搭其他車啦,
仲要唔會回水俾你, 你扯唔扯火?

我公司都是用冠忠接駁車的，昨天都是下午四時下班。我的公司book車早，
但約了部車4 點來，4點10分開，部車都已經遲到了。司機講部車是由大嶼山
老遠調動過來。另外 2 間公司的大量車隊，和我們同時間的，但是，他們連
車影都未見，我們的車就走左啦。昨天冠忠的學童車，看到已經提早開出了，
我看他們都已經盡力了。我們公司是早2 星期多通知他們的吧。

昨天的交通處處都大塞車，青朗公路行政大樓外撞車導致長青隧道間封，
新田公路三車連環相撞又大塞車。

我學校呢...
就係用陽光...
車呢...就係用...架...舊Hino...冇冷氣...HR9654...HZ1175...JC9300...
咁都算...冇禮貌到...爆...
明明開4:15
日日都搞到4:45先出現...
飛埋站...
所以...
如果價位唔係差咁多...
我都想...冠忠做...

冠忠都做唔到一半車車俾你
其他公司可能一架車都俾唔到你
或者應承你1600到
但最後1800先會到
尤其係嗰D車少既公司
為左攞生意乜都話得

PS: 你又知你份contract話包埋特別日子服務??
據我所知冠忠D contract無呢個term
所以contract外既調動都係subject to availability

原帖由 leslie 於 2010-9-22 00:48 發表
(城巴又係一個非不能也,
十幾架老爺專利利蘭, 續牌轉非專利唔得咩?)

有牌頭先得架,,,

城巴當年賣走咁多非專籣，D牌頭去晒邊?

原帖由 orange 於 2010-9-22 14:40 發表

一到假期前後就欠人收車,今日唔少公司都早收,聽日係鋤假高峰期,
加埋大嶼山同深圳灣要人救,老冠預早通知總好過臨時甩底

回樓主:老冠已經係叫多車派,10月某公司陽光變銀禧都唔知夠
唔夠車行 ...

講開轉公司的問題，而家話映灣園個邊的大廈車由冠忠轉左俾朗暉做
大廈車受 contract 約束當然無事，不過自己R仔個邊就受好大影響，原先係佢負責的班次，而家經常要搵其他公司的車支援

原帖由 nwfb1001 於 2010-9-23 13:08 發表


城巴當年賣走咁多非專籣，D牌頭去晒邊?

其實好易諗到...
有咩公司會新車年年都幾打(dozen)咁出？

原帖由 neosan 於 2010-9-23 11:34 發表
冠忠都做唔到一半車車俾你
其他公司可能一架車都俾唔到你
或者應承你1600到
但最後1800先會到
尤其係嗰D車少既公司
為左攞生意乜都話得

PS: 你又知你份contract話包埋特別日子服務??
據我所知冠忠D contract無呢個 ...

其實諗落, 尋日都唔係特別日子,
只係平日服務轉成特別服務咁解.

本來就係平日星期三, 但係冠忠偏偏話,
就算照常五點都會開唔到夠車,
就算夠, 同樣連市區都唔會出, 只到坑口.

咁點解隔離母公司又係開冠忠, 雖然車遲, 但係車齊呢?
唔通係子公司同收月費, 就有理由俾人恰?

結果冠忠確係班到車o黎補鑊, 仲有驚喜, 但只有共5架車.
至少o黎補鑊o既, 真係有頂更司機, 又肯同你頂更, 待遇好係唔同o的.

[ 本帖最後由 transbus 於 2010-9-23 21:39 編輯 ]

原帖由 transbus 於 2010-9-22 21:06 發表

你試下有日入o左地鐵閘,
地鐵公司臨時同你講話, 今日冇車開, 又冇接駁車俾你,
自己跳返出道閘, 去搭其他車啦,
仲要唔會回水俾你, 你扯唔扯火?

如果係TVB行去康城搭港鐵呢?
等298E/797M因為班次疏,堆填區臭氣難當,
如果是步行,請考慮一下會吸入多少臭氣呢?

「你行去康城搭MTR轉車唔駛死既.....」
我咁樣行,就真係唔會死,因為我行開山,希望約貼文者行一次.

原帖由 kitarolo 於 2010-9-23 22:00 發表


如果係TVB行去康城搭港鐵呢?
等298E/797M因為班次疏,堆填區臭氣難當,
如果是步行,請考慮一下會吸入多少臭氣呢?

「你行去康城搭MTR轉車唔駛死既.....」
我咁樣行,就真係唔會死,因為我行開山,希望約貼文者行一次. ...

重申一次, 重點係俾o左錢冠忠而佢俾唔到服務我o既問題,
唔係我行定唔行去康城站, 或者康城站幾多分鐘一班車.

有時我放lunch都會出去散步,
由tvb經工業村總站行到去四洲卡樂B回頭都試過, 單程三個字左右,
行去康城站我估大概半個鐘.
散步或得閒, 絕對唔成問題.

但係明明收早一粒鐘4點走,
我仲要用半個鐘行去搭地鐵,
再o係康城站等12分鐘車, 先出到觀塘?
咁同平時走5點出到觀塘有咩分別?
咁我直接蝕$4.4俾298E唔好?

一係我一了百了, 同上司講, 因為4點冇車走, 求佢批加班收7點算?
以我所知, 有上司因此開恩.
如果有部門上司鍾意cut人加班o既,
冇車呀? 咪你自己挽鞋走囉! (例如: 行去康城站)

尋日上到支援車出坑口, 同同事食埋糖水,
再搭一個站地鐵返寶林轉93A, 返到屋企仲早過收5點走,
即使我由坑口行去寶林, 我都仲賺到個糖水時間喎,
咁你話, 我會唔會揀行半個鐘去康城站呀?

仲有, 我本身俾o左錢冠忠就預期有車搭, 合理呀,
唔通我行去康城站, 就唔使額外支出, 俾錢地鐵公司呀?

[ 本帖最後由 transbus 於 2010-9-23 22:41 編輯 ]

原帖由 transbus 於 2010-9-23 22:27 發表
仲有, 我本身俾o左錢冠忠就預期有車搭, 合理呀,
唔通我行去康城站, 就唔使額外支出, 俾錢地鐵公司呀?

唔好咁激動...我同意你講法,用得冠忠車的地方,
多數係距離港鐵站遠,且接駁交通太疏/不符實際,
冠忠在某些地區或定線時又真係唔抵爭,例如要經西隧/
大欖隧道就多出數人仍不加車,心存僥倖,希望用其他線路經.

或者好似我住大埔,明明沙田車多出數人,卻以大埔為尾站
的車接走,為何不以荃灣為尾站的車接走,也難以令人明白.

「我唔係老師傅, 冇優惠價月費」「 如果有部門上司鍾意cut人加班」
我同你是同一集團工作的,也是用冠忠服務,我好明白,請冷靜一下,
唔好因為一些以為行去康城是切實方法的人,而傷了和氣.我 #19
的文章是不滿有人建議行去康城,是站在你的立場而言,請勿誤會.

[ 本帖最後由 kitarolo 於 2010-9-23 23:01 編輯 ]