冠忠, 想你早一個鐘開車, 都真係編唔到更?

話說小弟打工間o野聽日放早, 收4點.
咁多年中秋正日收早,
冠忠都夠晒車o黎載人走.

今年竟然透過敝公司人事部出memo,
話今年中秋優先做學生生意, 今年中秋收早,
只能出4架車, 而且只會開到坑口, 觀塘都唔到.
仲話如果聽日照平日收5點, 直頭派唔到車.

往年中秋都可以班齊12架車做12條線,
幾乎覆蓋晒返工每個上車站,
今年究竟搞邊科?

就算多o左小學轉全日制, 又或者你公司擴充營業,
係咪應該明知大時大節有公司會收早,
就預定多o的士啤車, 編好更份?
公司俾錢佢做包賬接送,
但係又俾唔到車, 把鬼咩?

有勞工代表指, 陽光根本好少車,
城巴冇十幾架車多出o黎做我o地公司接送生意,
即係哩兩大村巴公司都唔使旨意頂得住.
(城巴又係一個非不能也,
十幾架老爺專利利蘭, 續牌轉非專利唔得咩?)

我寧願信冠忠開始好似九巴咁,
假期唔夠司機又唔搵人頂更,
都唔信佢真係唔夠車做特別日子收早.

[ 本帖最後由 transbus 於 2010-9-21 22:05 編輯 ]

老冠應該好多車wo.....係唔係唔夠人呀...問其他埋公司有冇車得唔得呀

[ 本帖最後由 tommyyip010 於 2010-9-22 00:37 編輯 ]

(城巴又係一個非不能也,
十幾架老爺專利利蘭, 續牌轉非專利唔得咩?)

有牌頭先得架,,,

原帖由 053h4 於 2010-9-22 07:34 發表
冠忠巳經係最靈活同最體諒d客, 盡可能都按客要求調動
人地都真係做唔到先唔比車.......

我哋公司已經好早通知佢地喎，又吾係第一次收四點！以前都無咁嘅事發生！

原帖由 TRENT892B 於 2010-9-22 12:00 發表

我哋公司已經好早通知佢地喎，又吾係第一次收四點！以前都無咁嘅事發生！

一到假期前後就欠人收車,今日唔少公司都早收,聽日係鋤假高峰期,
加埋大嶼山同深圳灣要人救,老冠預早通知總好過臨時甩底

回樓主:老冠已經係叫多車派,10月某公司陽光變銀禧都唔知夠
唔夠車行

你行去康城搭MTR轉車唔駛死既.....

原帖由 053h4 於 2010-9-22 07:34 發表
冠忠巳經係最靈活同最體諒d客, 盡可能都按客要求調動
人地都真係做唔到先唔比車.......

我同意,佢地真係好體諒d客,幾蠻橫無理佢地到照服侍到,早幾日有個客漏低飯壺晌駕村巴度,跟住Call老冠台話搵到,但要明天先可取回,個客就發爛渣,講了七千個理由要即刻取回,我地唯有同老冠Call台講,結果佢地搭上搭搵架車夜嗎嗎載返來,個客仲話而家攞得返就算數,攞唔到一定投訴!!!正衰人!!!

[ 本帖最後由 KHFC 於 2010-9-25 22:35 編輯 ]

原帖由 HE7921 於 2010-9-22 19:25 發表
你行去康城搭MTR轉車唔駛死既.....

我想講，你 le 句說話極之不負責任。
老細俾哂錢搵公司接o的員工放工，宜家間公司出唔足數唔係叫佢盡力做好佢而竟然係叫o的員工行去搭地鐵放工？
o岩o既，行o個個唔係你o丫嘛。
宜家你講到好似做員工o既無車搭唔行反而仲上o黎呻係錯咁。

我之前暑假返工o個時，勝興有時出唔倒大車都出翻足兩架細車俾我o地……

[ 本帖最後由 ATE24 於 2010-9-22 20:41 編輯 ]

原帖由 ATE24 於 2010-9-22 20:38 發表

我想講，你 le 句說話極之不負責任。
老細俾哂錢搵公司接o的員工放工，宜家間公司出唔足數唔係叫佢盡力做好佢而竟然係叫o的員工行去搭地鐵放工？
o岩o既，行o個個唔係你o丫嘛。
宜家你講到好似做員工o既無車搭唔行反而仲上o ...

絕對講中我哩個小員工心聲.

更何況我唔係老師傅, 冇優惠價月費,
我俾o左全費你, 你話包埋特別日子服務, 但係你今次俾唔到我,
我係咪可以合理投訴先?

舉例: 你一早趁員工入職時, 講明紅日只出三架車,
得, 冇問題, 我去through勞資會同你傾,
假如紅日day off人多加班時, 有冇得加車,
唔會即場死o累要你專登開多一架車,
唔係咩叫尊重合約精神?
依家你臨時甩底唔夠車行, 仲要連市區都出唔到,
算唔算毀約先?

今次事件似係冠忠爆鑊, 而非公司人事部.