香港2023 申辨亞運

我覺得香港不應係2023申辦亞運，因為我覺得香港配套唔夠料去申辦呢ｄ盛事．
上次東亞運成功只是夠運．

唔知大家點睇？

我唔同意去話香港唔夠料搞...講真, 上次多哈都搞到, 我見唔到香港會話唔夠料,
D配套會唔夠..差在你俾幾多錢去整....

不過問題是值不值得去搞....

我就唔會覺得值, 呢D活動, 經濟效益一定唔好, 而對於全民教育,
增加什麼市民對運動熱心, 又唔見到好有效(根據之前東亞運等)....
唯一可能好處只是更鼓勵本地運動員.....但如果將D錢拎去落每
一本地運動員身上, 又可能更有效....所以唔搞好過...

[ 本帖最後由 3ASV196 於 2010-9-24 13:38 編輯 ]

講真,花四百幾億去搞亞運,唔值
即使扣除政府所謂"搞唔搞亞運都要用"嘅三百幾億
都要直接花百幾億落去亞運身上

回本可以話肯定無望(政府預算都回唔到本)
至於花百幾億,去換取一d所謂"無形價值"
根本就唔值(亦唔見得換取到)

推動市民運動?真係唔睇好
講真,香港人比較現實
上次津貼市民去租場就大把人即刻去租,生人霸死地
結果只係推動到市民租場入去瞓覺,嘆免費冷氣
對推動市民做運動根本係接近零效用

[ 本帖最後由 JX9097 於 2010-9-24 14:07 編輯 ]

我只係覺得香港攪亞運,只會攪到好似澳門咁既地步

倒不如攞400幾億去幫助貧苦大眾仲實際啦

其實唔會話適唔適合搞，天時、地利、人和要配合。

2023，假設香港2017普選左，
仲有好多未知之數。

原帖由 EU5472 於 2010-9-24 15:54 發表
我只係覺得香港攪亞運,只會攪到好似澳門咁既地步

倒不如攞400幾億去幫助貧苦大眾仲實際啦

400幾億投資基建，應該可以請到數千地盤工人，雖說不是直接幫助貧苦的，
但是仍可以為在相關的行業工作的人士帶來工作機會...

不過凡事都有正、反兩面，在這未來十幾年裡，在多項基建上馬，
需要大量工人投入該行業，可能大部分都是年青人...
但當這些基建項目相繼完成，基建高峰期過去，
工作機會開始減少，這班年青人又人到中年，
如果沒有大量基建接住做落去，到時人到中年先要佢哋係轉行，咁就好慘了......
到頭來攪嚟都真係運吉！倒不如唔好攪亞運了......

係就攪長期基建啦,D項目長做長有,對D工人先最有幫助
不如政府落力D,協助失業既工人搵工或者轉行,咁樣先比較治標

呢個政府連自身問題都未搞惦就去攪面子工程,可悲!

至怕真係搞亞運搞到好似北京搞奧運咁,搞到天怒人怨就死啦

前兩日元朗有樹木倒塌, 不幸中的大幸是無人受傷
今日北角都有樹木倒塌, 不幸中的小幸是傷者只是輕傷
不是次次都這樣幸運, 無人敢保證不會有第三個人, 第四個人死於塌樹事故
但只要政府肯投放更多資源落樹木保育, 保障行人安全
就可以盡能力避免到不幸事故

可是, 政府在死了兩個人以後, 態度依舊
這兩棵樹木都是在倒下後,
樹木辦才急急辦事, 亡羊補牢, 去收拾殘局, 兼順手驗驗附近樹木

我唔敢要求政府幾百億幾百億咁扔入去做樹木保育
但投放恰量資源去改善樹木辦的設施, 增加人手及提升相關員工質素實是必要
偏偏, 政府對這個當務之急卻視而不見, 聽而不聞
而走去搞無必要的形象工程, 可悲及可恥

曾局長在簡介會中已經提過
有需要可以將一些項目交由其他城市協辦
如澳門, 深圳, 廣州等
喂, 分得俾人即係暗示自己未必能夠獨力完成
咁做乜仲投?
又想玩2008年翻版? 靠中國搞奧運去 A  個馬術返黎?

原帖由 12A 於 2010-9-24 21:23 發表
前兩日元朗有樹木倒塌, 不幸中的大幸是無人受傷
今日北角都有樹木倒塌, 不幸中的小幸是傷者只是輕傷
不是次次都這樣幸運, 無人敢保證不會有第三個人, 第四個人死於塌樹事故
但只要政府肯投放更多資源落樹木保育, 保 ...

我自己比較不同意這類的論點..因為2件事是完全無關....

搞唔搞亞運都好, 相信本身都應該要搞好d 樹....而即使d
樹本身搞得好, 亦唔等於亞運就應該去搞...

而如果亞運本身係好好, 即使香港本身有其他問題(基本上一定有),
亦唔見得都唔應該搞.....

尤其香港係資源上, 人才上, 這2個問題都見不到是互相影響..

我地睇呢d問題, 應該由那問題/事件本身的好/壞去睇, 否則
那只是"不相關的考慮" ....

[ 本帖最後由 3ASV196 於 2010-9-25 07:22 編輯 ]