請問邊0的百佳有飯賣？！

我只知我屋企樓下0個間海怡超級廣場有得賣．．．

原帖由 3asv6 於 2006-1-10 21:05 發表
我只知我屋企樓下0個間海怡超級廣場有得賣．．．

海怡超級廣場而家裝緊修
沙塵滾滾來#:-X
唔知點解最近好多次經過都見唔到有飯賣,只得預先包裝好o既小菜及燒味#???

堅城中心0既超級廣場有得賣，燒味飯仲要只賣 $9.90......

通常係超級廣場都有架喇~

新都城二期果間都有，
不過好少去食，
此終覺得d野麻麻地。

原帖由 winningmok 於 2006-1-10 21:48 發表
通常係超級廣場都有架喇~

冇錯,根本就係全線勁多間超級廣場都有
不過兩年前去過愉景灣o個間超級廣場就冇飯賣
赤柱廣場超級廣場年幾前去過都係冇
我諗陽明山莊超級廣場呢o的有錢人住o既地方都係冇飯賣,有錯請指正!

至於唔係超級廣場o既百佳,部份分店都會有飯賣
山頂廣場o個間係賣價值二十幾蚊一個o既普通飯盒#???
數碼港o個間係賣預先包裝o既碗飯
金鐘統一中心o個間百佳都有預先包裝o既碗飯
新開冇幾耐o既海麗村百佳雖然冇小菜賣,但係燒味檔有即斬o既燒味飯賣,單拼飯竟然要$13.9#]

本人至鬼憎百佳o的職員唔識得切燒味#],舊舊肉都係大大舊,真係一舊肉分開三四啖食都得!
一盤發泡膠裝住o既燒味夠膽死將一舊肉切開做五大舊就上碟#]
睇下出面o的街市酒樓師傅係將一舊肉切做一片片,唔係大大舊

原帖由 bigfish_hk2 於 2006-1-10 23:10 發表
數碼港o個間係賣預先包裝o既碗飯
金鐘統一中心o個間百佳都有預先包裝o既碗飯

曾幾何時天后的便利佳都有預先包裝碗飯出售，這些 $9.9 的碗飯曾成為小弟午膳的首選
不過後來跟「魚蛋檔」一起消失了。

講到價錢，每家百佳的飯盒售價都不同，單拼有的賣 $9.9，亦可貴至 $11.9；雙併的價錢
更是 $11.9 至 $17.9 不等……

另外有沒有人試過其焗飯？質素如何？

原帖由 ccicoltd 於 2006-1-11 09:05 發表

曾另外有沒有人試過其焗飯？質素如何？

其焗飯....試過茄汁豬排飯同埋白汁雞排意(雞排?)，雞排好食過豬排，或者係我唔鐘意佢個"朕"茄汁味啦，不過兩者都係無得揀個時先會揀呢兩樣架啦....

另外，自從個次04年4月食完佢個豬排飯，個晚搞到要入院睇急症(雖然兩者應該無關係)，百佳ｄ焗飯自此無過入口了....

食過兩次百佳飯，D飯唔係幾好食！

之前食過百佳0的飯
但係0的飯太硬
唔好食