2010年無線電視台慶劇《巾幗梟雄義海豪情》及《刑警》

《巾幗梟雄義海豪情》
2010年10月18日(星期一)晚上8:30pm推出
演員：黎耀祥、鄧萃雯、謝雪心、岳華、陳法拉、黃浩然、胡定欣、惠英紅及敖嘉年等

《刑警2010》暫定
2010年11月1日(星期一)晚上9:30pm推出
演員：黃日華、苗僑偉、宣萱、胡定欣、王浩信等

相信大家最近有睇無線都知道《巾幗梟雄義海豪情》宣傳片已出街，無線將《巾幗梟雄義海豪情》做今年台慶劇及未踏入10月就已有《巾幗梟雄義海豪情》宣傳片都係無可厚非，因為無線為承接上年《巾幗梟雄》第一輯的氣勢已再在今年推出《巾》劇２仲要將《巾》劇２放在台慶劇，會否有反效果真係要等劇集播出睇收視才知道，但除了為《巾幗梟雄》第一輯做勢外還可為《巾》劇２的幾位主角在11月無線台慶頒獎禮上拉票及做勢，如果大家仲記得上年TVB個頒獎禮《巾幗梟雄》係最佳劇集，而雯女亦憑《巾幗梟雄》攞到最佳女主角獎項、祥仔攞到最佳男主角、心姐最佳女配角、敖嘉年飛躍進步男藝員，到底今年會否再係《巾》劇２做最佳劇集呢？而雯女及祥仔又會否憑《巾幗梟雄義海豪情》冧莊視帝及視后寶座，我個人覺得未必，今年我反而睇好小紅姐惠英紅做無線TVB視后，大家可以睇翻惠英紅近期有份演出的《公主嫁到》、《鐵馬尋橋》等演奸角演得出神入化，相信惠英紅有機會在今年TVB的台慶頒獎禮上攞獎、仲有現時被無線力捧緊的後起之秀陳法拉、黃浩然、胡定欣等。
《刑警》雖然宣傳片尚未出街，但用《刑警2010》做第二線台慶劇都無可厚非，大家唔好睇這套劇又有胡定欣的演出，但我相信無線有諗過演出者問題，《刑警》最大賣點相信都係黃日華回巢TVB拍劇、仲要顆拍苗僑偉、宣萱等，加上黃日華以前拍曾無線劇集都有口碑，相信無線TVB放《刑警》做今年台慶劇係最佳選擇。

如果惠英紅以佢係公主嫁到的角色奪獎，也很勉強，整個角色塑造失敗，同埋小紅姐演繹過於表面化，如果係有得選，我會選鐵馬她演的角色，至於樓主所講，巾幗男女主角是否今年不會再得獎，我想就要睇巾幗2回響有幾大，不過真係要效果十分大先有機會，因為始終兩位男女主角不是自己親生仔女，不過祥仔機會大於雯女，因為祥仔同無線關係不錯，又經常合作，但雯女一年一齣，頒俾佢似乎無咩利益可言，上年雯女得獎唔多唔少上年無邊部劇有很大回響，而且觀眾網友意見一面倒，勉強頒俾其他藝人，反令佢地成為箭靶，但今年意見暫時都很亂，一派當然係阿佘憑公主再次封后，另一派就係支持雯女再次得獎，但其實雯女表現如何，到今日都未知道，我想要等巾幗2開播後才知道勝算有幾大。不過可想到阿佘今年得獎機會可算是肯定，只是女主角還是喜愛角色其中一個。

另外胡定欣一連兩線出劇問題，其實我又覺得問題不是想像中咁大，主要原因係劇集背景不同，角色性格不同，反之可能會有比較究竟佢是否應付任何角色性格都得宜先係關鍵，佢如果掌握得好，前景可算是光明的。