(NEWS)二十名右翼份子到池袋陽光城示威

http://hk.news.yahoo.com/article/101003/18/kitf.html

小弟也有幾位居住東京既親戚,
佢地話今次批日本人反中國,
相比以往既......已經算係最激烈

雖然佢地理解日本人既行動,
但都話會暫時減少與日本人接觸(熟人除外),
因為據說部份右翼份子真係好憤怒
而小弟祖母準備一星期內來hk「探親」

我上個禮拜去關西旅行，除了在難波見到有人嗌咪外，沒有遇到不愉快事件。
日圓匯價偏高，已經令遊客減少，今次見到很多人踩單車，唔知係咪同經濟都有關係。
我見在機場、主要購物區等，都掛晒簡體字標語歡迎大陸客，磨拳擦掌等十一黃金周撈返筆，
點知整壇咁既野，大陸客幾乎等於零，極其諷刺，我諗小至雜貨舖大至百貨公司都多得班右翼唔少。

在大阪松屋町，有一位零食店老闆用紙筆問我地日圓兌美元係幾多，
我地寫低85之後，佢就寫句「不利」～

今次件事越搞越大，搞到好似大戰前夕咁對大家都冇好處。

[ 本帖最後由 DIH 於 2010-10-4 21:10 編輯 ]

原帖由 mmlcs36 於 2010-10-7 01:59 發表
如果下下只識用二戰歷史罵日本人
咁你同共青果D都唔會有好大分別

但事實上, 二戰結束以黎, 日本整體真係無乜反省過,
係好多細微野仲睇到....

如改教科書, 不承認歷史, 去乜乜神社拜戰犯等等...

相對於德國, 你就會見到個分別, 我本身都同幾個德國人傾過,
真係睇到德國人幾後悔, 甚至話國慶都唔會好大好大慶祝,
因為呢一段歷史, 亦表示好多致歉...

我想即使唔係什麼共青, 都睇到呢d問題.....但我強調, 我唔係
只識罵日本人, 日本係好多方面, 都有其可取之處....亦有值得我
地學習的地方, 但係戰爭行為上, 直言, 好難同意, 甚至好難"當無野"....

而事實上, 呢件事上, 好難唔令有人這樣的聯想....

[ 本帖最後由 3ASV196 於 2010-10-7 08:10 編輯 ]

原帖由 3ASV196 於 2010-10-7 08:05 發表


但事實上, 二戰結束以黎, 日本整體真係無乜反省過,
係好多細微野仲睇到....

如改教科書, 不承認歷史, 去乜乜神社拜戰犯等等...

相對於德國, 你就會見到個分別, 我本身都同幾個德國人傾過,
真係睇到德國人幾後 ...

有人提過，日本在戰後之所以有如此作風，係因為日本皇室在戰後得以保留，
二戰變成一段被遺忘、被美化而不是被清算的歷史，
戰敗就只係歷史長河的一個風波，而唔似德國納粹整個政權崩潰。
德國人可以大罵特罵希特拉，但日本人即使偶有醒覺，都唔可以／唔敢批評日本皇室在二戰中的角色。

再加上，中國內戰後，美國借日本壓制中國，日本在經濟民生方面與美國關係密切，
日本人認為自己在中國戰線係節節勝利，中國係佢手下敗將，根本睇唔起現代中國，只係打唔贏美國，
所以對扔兩粒原子彈的美國趨之若鶩，對以直報怨的中國卻是得寸進尺。