《星期日檔案》投訴之都

有人說香港是投訴之都。尤其在回歸之後，香港人對政府的容忍度似乎越來越低，一些和民生有關的政府部門，如食環署，醫管局，警方等，市民投訴數字年年上升，投訴內容越發無理。

有投訴服務的，亦有投訴意識形態的，廣管局每天都接到大量市民投訴電視廣告意識不良。

連學校教師都不能倖免，在今時"顧客至上"的文化下，教師有時會被家長投訴，有許多官津學校主任，每天光是處理有理或無理的家長投訴，已是一份全職的工作。

是城中存在太多令人難以容忍的問題危機，還是香港人的包容程度越來越有限？這一集會探討香港人的投訴文化。

節目我仲未睇...因為miss左
但講真，而家香港人真係好鐘意咩野都投訴一餐
無理都變做有理

雖然我只是看了第二節不到十分鐘的片段,
但看後有一份強烈的感覺:
投訴文化對香港的「破壞」已經是太多了!

無睇到，聽日上mytv 睇番 . . .
不過而家真係好多人唔理咩事，總知唔合自己意既都走去投訴 . . .
有d既原因都真係會引你笑，仲要完全係唔合理既 -,-

是劉德華那個宣傳「顧客永遠是對的」，便以為顧客所付出的金錢便能期望所得到的東西，但顧客從來不理解、
忽略甚至扭曲作為客人的責任。

希望提出投訴時，應考慮以下數項：
1.對自己的安全、生命、衛生等有沒有威脅
2.對自己及別人的生活環境有沒有滋擾
3.對現今社會的尺度是否可接受(有沒過渡的誇張、失實等)

同埋我覺得 權利 同 義務 已經失衡~ 好多人都重視自己既權利，但義務就…

永遠都係「我想點！我想這樣…」，瘋狂自我中心 ，永遠都只會從自己利益出發。

又或者直接d 講，有機會係自卑心祟，平時得唔到認同，一有機會就投訴搵人認同佢，如果真係咁就太可悲了。

[ 本帖最後由 fm1234 於 2010-10-4 00:23 編輯 ]

香港人越嚟越覺得投訴係佢哋消費當中其中一部份
唔投訴就好似唔抵咁
所以一有小小唔合心意,就嗱嗱臨去投訴一番
若果回覆慢少少,分分鐘仲去埋報館

有時返工遇著D常以納稅人自居既刁民,真係唔知對佢地嬲定笑好...

正如你規距上冇做錯,班大爺唔滿意,傷害到佢地弱小心靈,觸動到佢地神經之類
大爺總係會大吵大鬧一番,然後被冠以"態度唔好"之罪

態度唔好?邊道有姐...極其量我都係令到佢對我態度唔好姐...

所以有時我都話...態度唔好呢樣野...純粹係買菜搭蔥一樣
收到投訴一定會有"態度唔好"跟埋,所以不必介懷

[ 本帖最後由 DW8306 於 2010-10-4 09:45 編輯 ]

http://mytv.tvb.com/news/sundayreport/111900#page-1
Mytv已經出左

有「民主」就咩怨氣都會消失? 唔知足係個大弊病。

原帖由 JX9097 於 2010-10-4 07:01 發表

香港人越嚟越覺得投訴係佢哋消費當中其中一部份
唔投訴就好似唔抵咁
所以一有小小唔合心意,就嗱嗱臨去投訴一番
若果回覆慢少少,分分鐘仲去埋報館

仲有呢，有 D 0野幫你係人情，唔幫就係道理。

就例如中心閂門喇，唔會再幫你收錢。但係有時因為個客
遲收工，或者有其他緊要事而趕唔切0黎，我都會盡0下人
事，做埋佢單生意先至走。

但有 D 人明知閂門仲大模斯樣咁走上0黎要我幫佢報名（
尤其是0個 D 所謂「高學歷」人仕，部份更加全部同事都
驚0左佢），我一渣正0黎做，佢地就喊打喊殺又話要port
要見 IC 要盛；好喇......同佢解釋完喇，班 VIP 依然死都要
搞掂佢條數先，如果唔做0既，就會 potr 到去 HQ，甚至
社署！

講真，我而家唔再0係女青度做，唔多唔少都係因為呢班
「貴賓」搞到我好大壓力。